Napa 23:23 - The Keyagana NT and 25 OT books

²³ Kame vayaʼapimogimo Isaleli vayaʼaitegamo analisamo hapaege sakuma kavaʼmo huge hisayana ani kavaʼmoʼa alino hosu huno oʼapategaiye. Oʼapategaiyaʼmofeʼmo hemenimo alu nofi vayaʼmogimo Isaleli vayaʼaifeʼmo ina ge hugae. Apakeyo, huʼa, Gotiʼa lusi kavaʼmo huno Isaleli vayaʼaina hapa maeʼniye, huʼa hugae.

Napa 23:23 ပူးပေါင်းရင်းမြစ်များ

Aepa Gemae 3:15

Ala kava neʼmoʼa nagaloʼyaveeʼmo ha painoʼaeʼmo, Nagaemo kagaeʼe a kanoʼeʼmo aliʼna fako huʼna lanatesugetana kame kame hutana maigaʼae. Ina kava huʼa mafaʼnekamogimo aʼne mafaʼneʼalegamo kame huʼa apatesageʼa aʼne mafaʼneʼamogimo mafaʼnekalegamo kame huʼa apatesageʼa hugae. Mafaʼneʼamo aiya afeʼalumelagamo maiʼnisanageno agaemo kagenopamo aeno latapaisigeka kagaemo aiya kigupafiʼmo akafu hanigane, huno ha paiʼniye.

Samu 31:19

Kagaefeʼmo koli nehaya vayaʼaiteʼmo magoʼe magoʼe huka alagepa kavaʼmo nehane. Apamisanafeʼmo alagepa kavaʼmo alika anupa huka neʼatane. Kagaemo vayaʼai apaulagaleʼmo kagaefeʼmo aliʼa amufa nekamiya vayaʼmogi kanale alagepa kavaʼmo apamisanafeʼmo alika alo huka ateʼnane.

Samu 64:9

Muki vayaʼmogimo ageteʼapaeʼmo koli hugae. Apakaemo Gotiʼa huʼniya kavafeʼmo apakesamo afime afime uʼa afiʼa alagepa huteʼa ageteʼapaeʼmo Gotiʼa aliʼyaʼamo neʼaliya kavafeʼmo ava gemo aeʼa hakalo hugae.

Neniyo 9:15

O Ala kava neʼmo Gotitimogae, huʼna, himamukaletiʼmo vayakamo hatu maeka apateteka Isipi kotegatiʼmo apavalelika eka ala kagikamo aliʼnana Gotitimogamae, huʼna, Lagaemo hosu kavaʼmo huʼnone. Lagaemo hanageke kavaʼmo huʼnone.

Maika 7:15

Ala kava neʼmoʼa hunoʼaeʼmo, Nagaemo vayaʼnimo Isipi kotegatiʼmo apavaleliʼna eʼnova afinaʼmo noʼagaya agufa lokiya naune kavaʼmo huʼna apave liʼnova agufa kavaʼmo huʼna apave liguve.

Napa 24:1

Melamiʼmo ani afinaʼmo ageʼniyana Ala kava neʼmoʼa Isaleli vayaʼmo alino auleno apatesiyafeʼmo hauʼniye, huno agetenoʼaeʼmo alu afinaʼmo hosu aune kavaʼmo hisiyafeʼmo huʼniyaʼmonanafa ani afinaʼmo aino afeleno hau huʼniya kotegamo aulu heno ageno maiʼniye.

Matiyu 12:25

Yesuʼa Falasi vayaʼmogi apaipafiʼmo apakesamo afiʼnaya kavaʼmo apaketenoʼaeʼmo, magoke koteʼmo neʼmaisaya vayaʼmogimo aliʼa fako huʼa apateteʼa kame hisayana apakaiʼapimo hapaeʼa hano huʼa apatalegae. Ani kava huʼa magoke afamo anagaʼmogimo aliʼa fako huʼa apateteʼa kame hisayana alagi alagepa huʼa oʼmaigae.

Matiyu 12:27

Lapakaemo nagaefeʼmo hutapaeʼmo, Mielisemuli himamuʼaletiʼmo hosu apaune vayaʼmo alino hapa faino neʼapatale, hutapa nehayaʼmonanafa vayatapimogimo ina la himamuʼaletiʼmo aliʼa hapa faiʼa neʼapatalae. Vayatapimogimo hosu gemo nehae, huʼa huteʼa aliʼa fako huʼa lapategae.

Matiyu 16:18

Pitagamo maiʼnananageʼna siosiʼnimo ani yafateʼmo faiʼna ateteʼna kime kime neʼvisugeʼa vayaʼnimogi Satani lafi kegiʼya kitaʼamo aeʼa yakiʼa uʼa haigae.

Yoni 11:47

Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 15:12

Hapa paiʼnigeʼa afiteʼapaeʼmo muki vayaʼmogimo ge osuʼa afaʼa maiʼneʼapaeʼmo Manamasiʼe Poloʼeʼmo Gotiʼa anakaetetiʼmo alu nofi vayaʼaitegamo noʼagaya agufa lokiya aune kavaʼmo huʼniya kavafeʼmo ava gemo huʼana hapa paiʼnaʼae.

Apa 4:16

Mani vekalaʼanitegamo na kava hisune, huʼa apakaiʼapi apakaiʼapimo ge huge afige huʼa maiʼnae. Apakaemo huʼapaeʼmo, Muki Yulusalemu kotega maiʼnaya vayaʼmogimo anakeʼnageʼana noʼagaya agufa lokiya anaune kavaʼmo huʼnaʼageʼa ageʼnayaʼmonanafa osuʼnaʼae, huta afaʼa osugune.

Apa 5:12

Ani afinaʼmo apa vayaʼmogimo muki noʼagaya agufa lokiya aune kavaʼmo huʼnae. Muki siosi vayaʼmogi magoke agufa apaipa apakesamo aliteʼa Salomoni hiyato nopiʼmo uʼa aliʼa anupa huʼa maiʼnae.

Apa 5:14

Magoʼe magoʼe huʼa lusi ve aʼnemogimo Ala kava nefeʼmo apakesamo afiʼa fatago huʼnageno Gotiʼa magokepi alino anupa huno apateʼnigeʼapaeʼmo aliʼa anupa huʼa maiʼnae.

Lomu 16:20

Gotiʼa alagepa huta neʼmauna kavaʼmo aepa vekamoʼmo malage huno Sataniʼmo lapaiya afeʼalumelagamo alino aeno latapaigiye. Ala kava netimo Yesu Kalaisiʼa fikumo lapa maeno lapamino. He, Lama ge.

Yasuva 13:22

Isaleli vayaʼmogimo ani vayaʼmo hapaege Melemiʼmo Miyo mafaʼnemoʼa hosu apaune vayaʼmogi afole aisiya kavaʼmo aliʼa aveliʼnaya kavaʼmo ageʼniya vekaʼeʼmo naipeletiʼmo apaiʼnae.

Leveleseni 12:9

Aliʼa hapa faiʼa apataleteʼa alopa nagaloʼyavemo akeyaʼvilaga maiʼniya nagaloʼyavemoʼmo aigofe geʼaletiʼmo muki ma mopafi vayaʼmo apakesamo nefaiya nagaloʼyavemo aliʼa hafaiʼa ataleʼnageno ma mopafiʼmo asagauno aiʼniye. Mago agiʼamo Nevoʼae ani agimo aepaʼamo haneʼniyana huno faipa huno neʼapateya vekamae. Mago agiʼamo Sataniʼae ani agimo aepaʼamo haneʼniyana kame vekamae. Apakaemo agaeʼe enisole vayaʼaʼeʼmo aliʼa hapafaiʼa apataleʼnageʼa ma mopafiʼmo asagauʼa aiʼnae.