Napa 23:21 - The Keyagana NT and 25 OT books

²¹ Agaemo Yekopu vayaʼaitegamo hosu kavaʼmo oʼageʼniye. Agaemo Isaleli vayaʼaitegamo hanageke kavaʼmo oʼageʼniye. Ala kava neʼmo Gotiʼapimoʼmo apakaeʼeʼmo magokepiʼmo lokaeno maiʼniye. Apakaemo alopa gefatiʼmo kini vekaʼapieʼmo ge nehae. Ala kava neʼmo Gotitimoʼa kini vekatimo maiʼniye, huʼa nehae.

Napa 23:21 ပူးပေါင်းရင်းမြစ်များ

Samu 103:12

Yegemo haine neʼeya haopalegaʼe yegemo uno lamino nefaleya haopalegaʼeʼmo lusi kava huno afagiʼaleʼmo haneʼniya kava huno Gotiʼa hosu kavatimo magoke aiyaya kava huno alino afagiʼaleʼmo yaga auno neʼatale.

Samu 118:15

Afiyo, huʼna, alagepa vayaʼmogimo seli noʼapifatiʼmo apakufamo ago alino katino apateʼniya kavafeʼmo yokemo huʼapaeʼmo, Ala kava neʼmoʼa himamuʼaletiʼmo ani kavaʼmo huʼniye.

Samu 135:21

Saiyonitegamo maiʼnetapa Ala kava nefeʼmo alitapa auleta ateyo. Agaemo Yulusalemo taonifiʼmo maiʼniye. Ala kava neʼmo agiʼaleʼmo alitapa asaga hiyo.

Samu 23:4

He, nagaemo uʼna kagoʼmufilagamo falisuva ulunapiʼmo faleʼna uʼna haiʼna umenitata nehugekaeʼmo nagaeʼeʼmo magokepi lokaeka maiʼnanaʼmofeʼmo muki alu hosu kava alu hosu kavafeʼmo alagi koli osuguve. Kayokaletiʼmo nagufamo alika katika natege aino kalagifa hayopa kayokaletiʼmo yagaika natege nehukaeʼmo naipamo alika falu huka neʼnatane.

Samu 32:2

Gotiʼa hosu kavaʼapimo haneʼniye, huno nosigeʼa humi nami kavaʼmo osuʼnaya vayaʼmo aulena vayaʼmo maiʼnae.

Samu 32:5

Ani afinaʼmo hosu kavaʼnieʼmo aeʼna hakalo huʼna kaha paiʼnova afinaʼmo hosu kavaʼnimo aeʼna ati okaeʼnove. Nagaemo, keʼaepa gekamo ago amagiʼna ataleʼnova kavaʼnieʼmo Ala kava neʼmogaeʼmo aeʼna hakalo huʼna kaha paiguve, huʼna huʼnogekaeʼmo hosu kavaʼnimo ago alika ataleʼnane.

Samu 46:11

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo afaʼa uta fala kita neʼmauna kotigana huno maiʼniye.

Samu 46:7

Ala kava neʼmoʼa asole vayaʼaiteʼmo yagaino neʼapateya vekamoʼmo lagaeʼeʼmo magokepi lokaeno maiʼniye. Yekopu Gotiʼamoʼmo uta fala kita neʼmauna kotigana huno maiʼniye.

Samu 97:1

Ala kava neʼmoʼa kini vekamo maiʼnenoʼaeʼmo yagaino neʼapate. Muki ma mopafiʼmo maiʼnaya vayaʼmogitapae, huʼna, lapamogaga aiyo. Afagitega maiʼnaya vayaʼmogitapae, huʼna, lapakaeʼeʼmo lapamogaga aiyo.

Samu 99:2

Ala kava neʼmoʼa Saiyoni taonifiʼmo alagi ala vekamo maiʼniye. Agaemo muki nofi vayaʼmo aeno apakaseno maiʼniye.

Hatu maeno apate'niya gemae 13:21

Muki felugaʼamo Ala kava neʼmo posi yosagana huno hiyapiʼmo he tino maiʼneno uno hogoteʼniye. Muki haniʼilagaʼamo posi yosagana huno ata vaipiʼmo he tino maiʼneno uno hogoteʼniye. Ata vaiʼmoʼa aeno ha leʼnigeʼa haniʼilagamo uge felugamo uge huʼnae.

Hatu maeno apate'niya gemae 3:12

Gotiʼa ha painoʼaeʼmo, Nagaemo kagaeʼeʼmo magokepiʼmo lokaeʼna maiguve. Mago alagena kavaʼmo hisana kavaʼmo aliʼna kave liguve. Ani hisana alagena kavaʼmo haneʼniye. Isipi kotegatiʼmo apavalelika eka mani aveleʼmo nagaefeʼmo mono hugane, huno ha paiʼniye.

Hatu maeno apate'niya gemae 34:9

Moseseʼa hunoʼaeʼmo, O Ala kava nene, huʼna, nagaemo kaulagaleʼmo fikumo naha maeka neʼnamina kavakamo ago ageʼnova vekamo maiʼnisuvaʼmoʼmo lagaeʼeʼmo magokepi lokaeka uvo, huʼna ge nehuve. Lagaemo gemo noʼafuna vayaʼmo maiʼnonaʼmonanafa hosu kavatilefeʼmo afaʼa ateyo, huka huteka mafaʼneʼapimogimo afoʼapimogi yaʼmo neʼaliya kava huka lagaemo vayakamo maisunafeʼmo afaʼa lavalo, huno ha paiʼniye.

Aiyeya 1:18

Ala kava neʼmoʼa hunoʼaeʼmo, Lapakaemo nagaetegamo egetao nagaeʼeʼmo ge huge afige huta maigune. Hosu kavatapimoʼmo haesa yakana huno aeno kamaeʼniyaʼmonanafa yave yaveʼage huno hanegaiye, huno hapa paiʼniye.

Aiyeya 12:6

Isaleli vayaʼmogi aote Gotiʼa lapakae folagapiʼmo maiʼniya aote vekamo ala agi vekamo maiʼniyaʼmofeʼmo O, Saiyoni taonifiʼmo maiʼnaya vayanagi alopa gefatiʼmo hiyo.

Aiyeya 33:21

Ani taonifiʼmo Ala kava neʼmoʼa laha maesiyafeʼmo lokiya kavaʼmo hugiye. Lagaemo asole alopa aniʼe aise aniʼeʼmo haneʼniya koteʼmo maigunaʼmonanafa kame nehaya sipiʼe alopa sipiʼeʼmo afaʼa oʼmegae.

Aiyeya 33:22

Ala kava neʼmo lagae yasi vekamo maige keʼaepa gemo nelamiya vekamo maige kini vekatimo maige huʼniyaʼmofeʼmo lagufamo alino katino lategaiye.

Napa 14:18

Nagaemo Ala kava neʼmoʼnamo malage huʼna naipamo olege lusi kava huʼna nahau huʼna apatege hosu kavaʼapiʼe geʼnimo amagiʼa neʼatalaya kavaʼapiʼeʼmo aliʼna atalege nehuve. Neʼatalovaʼmonanafa vaiʼapimo haneʼniya vayaʼmo afaʼa apakegeʼna oʼapategauve. Nagaemo afoʼapimogimo huʼnaya hosu kavaʼapiletiʼmo mafaʼne anagaʼapigi lotoʼapimogiʼenagi apakinago vayaʼenagi huʼna kayoʼmo apamiguve, huka huʼnane.

Napa 14:19

Nunumuʼmo huʼnaeʼmo, Lusi kava huka kahau huka neʼapatana kavakalefeʼmo hosu kavaʼapimo alika atalo. Kagaemo Isipi koʼmo ataleʼnaya afinaʼmo hosu kavaʼapimo alika ataleteka alika ataleme ataleme eka hemeniʼeʼmo alika neʼatalana agufa kavaʼmo huka alika atalo, huʼna nehuve.

Napa 16:3

Apakaemo eʼa Mosesetegaʼe Elonitegaʼeʼmo aliʼa anupa huʼneʼapaeʼmo, Lanakaemo lusi kava hutana lanakitanileʼmo alitana asaga huʼnaʼae. Mukiʼamogitamo Goti aote vayaʼamo maiʼnone. Ala kava neʼmoʼa lagaeʼeʼmo magokepi lokaeno maiʼniye. Haiya kava higetanaeʼmo ala lanakimo alitetana lagaeteʼmo yagaitana latesaʼafeʼmo nehaʼae, huʼa huʼnae.

Napa 9:22

Na magi afinaʼmo hiyaʼmoʼa seli mono noʼmo anaʼaleʼmo haneʼnifi lole afinaʼmo haneʼnifi magoke kaileʼmo haneʼnifi mago kafugamo haneʼnifi huʼnigeʼapaeʼmo Isaleli vayaʼmo oʼuʼa seli noʼapifiʼmo maiʼnae. Maiʼnayaʼmonanafa hiyaʼmo uno haiʼnigeʼapaeʼmo apakaeʼeʼmo ani koteʼmo uʼnae.

Matiyu 1:23

Agaemo hapa painoʼaeʼmo, Veʼeʼmo magokepi lokaeno ohavaeʼnisiya aʼmafaʼnemoʼa aipaguʼeʼmo maiteno ve mafaʼnemo alino ategaiye. Agiʼamo Imaniyuveliʼae huʼa aegae, huno avoʼmo kae maleʼniye. Imaniyuveliʼae agimo aepaʼamo Gotiʼa lagaeʼeʼmo magokepi lokaeno neʼmaiye.

Lomu 6:14

Na kava hinagetapaene. Lapakaemo keʼaepa gemo aiyafiʼmo oʼmaiʼnafa Gotiʼa fikumo lapa maeno nelapamiya kavaʼmo aiyafiʼmo neʼmaiyaʼmofeʼmo hosu kavaʼmoʼa yagaino olapategaiye.

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

2 Kolitiyani 2:14

Vaehae, huʼna, Gotifeʼmo hao ke heʼnove. Gotiʼa muki afinaʼmo alagepa huno laha neʼmaegeta Kalaisipiʼmo maiʼnetaeʼmo kame vayatimo aeta apakaseta neʼune. Neʼunagenoʼaeʼmo Kalaisifeʼmo ava gemo afiʼa aeto hisaya faigoko geʼamo alagepa atumo aigekana huno muki kotegamo aino atagu faenuneno nehiye.

2 Kolitiyani 5:19

Inagi Gotiʼa Kalaisipiʼmo alino ao yaʼmo hu maleʼniyaʼmofeʼmo hosu kavaʼapilefeʼmo vaiʼmo noʼapamiye. Agaemo alino ao yaʼmo hu maleʼniya geleʼmo alagepa huta yagaita atesunafeʼmo aliʼyaʼamo lamiʼniye.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

1 Samiyo 25:28

Nagaemo hosu kavaʼmo huʼnisuvaʼmoʼmo kahao ke hovanagi alika atalo. Ala vekaʼnimogamo Ala kava neʼmo kame vayaʼaʼeʼmo kamemo huge maiʼnekaeʼmo hosu kavaʼmo osuge huka maiʼnanaʼmofeʼmo Ala kava neʼmoʼa kini vekamo alino katesigeʼapaeʼmo Isaleli kini vayaʼmo kagae kaginago vayapatiʼmo afole aigae.