Napa 23:19 - The Keyagana NT and 25 OT books

¹⁹ Gotiʼa vayalafakana huno oʼmaiʼniyaʼmofeʼmo aigofe gemo nosiye. Gotiʼa vayalafaʼmogi mafaʼnegana huno oʼmaiʼniyanageno alu aipa agesamo oʼafigiye. Agaemo mago gemo huʼnisiyana ani agufa kavaʼmo osisifiye. Haʼao, afaʼa hugiye. Mago kavafeʼmo hapa paiʼnisiyana ani kavaʼmo alino afole aino oʼatesifiye. Haʼao, afaʼa alino afole aino ategaiye.

Napa 23:19 ပူးပေါင်းရင်းမြစ်များ

Aepa Gemae 26:3

Kalaga hageka uka kalaga vekamo mani mopale maiʼnegeʼnao aliʼna auleʼna kategauvanagi. Nagaemo kagaeʼe kaginago vayaʼeʼmo muki mani mopamo lapamiguve. Nagaemo afokamo Emalehamufeʼmo nagoʼyamo ataleteʼna ha paiʼnova polomasi gemo akame huʼna aliʼna afole aiʼna ategauve.

Aepa Gemae 28:15

Afiyo, huʼna, Nagaemo muki umenitata hisana kotegamo kagaeʼeʼmo lokaeʼna maiʼneʼna alagepa huʼna yagaiʼna kateteʼna halate mani mopaleʼmo kavaleliʼna egauve. Nagaemo muki kaha paiʼnova kavaʼmo aliʼna afole aiʼna atesuvafeʼmo alagi okatalegauve, huno ha paiʼniye.

2 Kini 7:2

Ani kini vekaleʼmo yagaino neʼateya vekamo kini vekaʼeʼmo magokepi eʼniya vekamoʼmo ani gemo afitenoʼaeʼmo ina gemo huno Goti vekaʼamo geʼaleʼmo aeno atagaina hunoʼaeʼmo, Afiyo, huno, Ala kava neʼmoʼa kokuʼnapi yasi kakoʼmo alo hisigeno ani kavaʼmo afole aisifiye, huno huʼnigeno Ilaisaʼmo ha painoʼaeʼmo, Alagi lama gemo nehuve. Kagaemo ani kavaʼmo afole aisigeka ageganaʼmonanafa ani neʼyapatiʼmo oʼnegane, huno ha paiʼniye.

Samu 110:4

Ala kava neʼmoʼa alu aipa agesamo oʼafino agoʼyamo ataleteno ge hunoʼaeʼmo, Melikisetekiʼa mono huno neʼapateya vekamo maiʼniya kava huka agae akamelegatiʼmo agae nofi vekamo mono huka neʼapatana vekamo maiʼneka muki afinaʼaeʼmo maige maige huka maigane, huno kaha paiʼniye.

Samu 77:9

Agaemo nagaefeʼmo hau huno natesiyafeʼmo age kaniʼnifiye. Aipamo neleya kavaʼmoʼmo fikumo hapa neʼmaeya kavateʼmo atafauno ateʼnifiye.

Samu 89:34

Kotalakemo hu maleʼnova geʼnimo amagiʼna oʼataleʼna navayafatiʼmo hu maleʼnova geʼnileʼmo halate alu gemo osuguve.

Samu 89:35

Nagaemo magoke afinaʼmo naote kavaʼnilefeʼmo huʼnaeʼmo, Nevinifeʼmo aigofe gemo alagi osuguve, huʼna nagoʼyamo ago ataleteʼna ha paiʼnove.

Aiyeya 40:8

Kahaumo vaige ausemo hifalige nehiyaʼmonanafa Gotitimo geʼamoʼmo muki afinaʼaeʼmo hano osuno afaʼa hanege hanege huno hanegaiye.

Aiyeya 55:11

Ani agufa kavakeʼmo huno geʼnimo nagaetegamo fikumo atagi neno oʼmegaifa aliyakeʼmo aligiye, huʼna ge huʼnova kava huno nahauʼnisiya kavaʼmo afole aigiye.

Neniyo 4:28

Inagi muki ani kavaʼamo kini vekamo Nepukanesateʼmo afole aiʼniye.

Maika 7:20

Kagaemo Yekopu aginago vayaʼmogita laha maeka Yekopufeʼmo ha paiʼnana lama ge kotalake gemo akame huge Emalehamu aginago vayaʼmogitaeʼmo kahau huka latege hugane. Akeyaʼvilagamo kagaemo laginago vayaʼaifeʼmo kagoʼyamo ataletekaeʼmo, Nagaemo lama gemo huʼnaeʼmo, lapa maeʼna lapamiguve, huka ani hapa paiʼnana gemo akame hugane.

Hamakaki 2:3

Alagamuna agegekana huka agesana kavaʼmo Gotiʼa lekana pai maleʼniya afinaʼmo mago vekamo afole aigiye. Afole aitenoʼaeʼmo atupa afinaʼmo afole aisiya kavafeʼmo lama geeʼmo ava gemo hugiye. Aigofe gemo osugiye. Malage huno afole oʼaisigekaeʼmo agava mainegenoʼao ge afino oʼmaigifa malage huno afole aigiye.

Malakai 3:6

Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Yekopu nofi vayaʼmogitapae, huʼna, Nagaemo Ala kava neʼmoʼnamo kavaʼnimo ataleʼna aliʼna alu kavaʼmo afaʼa nosuvaʼmofeʼmo alagi aliʼna hano huʼna olapataleʼnovanageʼna afaʼa aliʼna hano huʼna olapatalegauve.

Napa 14:35

Nagaemo Ala kava neʼmoʼnamo ani gemo nehuve. Nagaemo ani hosu vayaʼmogi kame huʼa natesayafeʼmo aliʼa anupa huʼa maiʼnaya vayaʼaitegamo ani kavaʼmo huguve, huʼna huʼnova kavaʼmo alagi huguve. Nagaemo mani kaʼme koteʼmo aliʼna hano huʼna apatalesugeʼa faligae.

Napa 23:18

Agaemo ani aune gemo hunoʼaeʼmo, Melakigamo Sipo mafaʼnemogamo, he tika geʼnimo afiyo.

Luki 21:33

Kokuʼnaʼe ma mopaʼeʼmo hano hugiyaʼmonanafa geʼnimo alagi hano osuno afaʼa hanege hanege huno hanegaiye.

Lomu 11:29

Gotiʼa apamiʼniya yaʼmo halate hapa ofalegaiye. Keya aeno ge huʼniya kavatefeʼmo halate alu aipa agesamo oʼafigiye.

Lomu 9:6

Nagaemo huʼnaeʼmo, Gotiʼa Emalehamufeʼmo kotalake gemo ha paiʼniya gemo afole oʼaiʼniye, huʼna nosuve. Muki Isaleli nofi vayapatiʼmo afole aiʼnaya vayaʼmogimo mago lama ge Isaleli vayaʼmo oʼmaiʼnae.

2 Timoti 2:13

Lagaemo hutaeʼmo, akame hugune, huta hutetaeʼmo akame nosisunana agaemo ani kavaʼmo huguve, huno hu maleʼnisiya gemo akame hugiye. Huguve, huno nehiya gemo alagi oʼataleno afaʼa akame nehiya vekamoʼmo maiʼniyaʼmofeʼmae.

Taitasi 1:2

Gotiʼa alagi aigofe gemo nosiya vekamoʼmo hogoteno ma mopamo alo osuʼnenoʼaeʼmo, fikumo hapa maeʼna apamisugeʼa maige maige huʼa maigae, huno polomasi gemo ago hu maleʼniyaʼmofeʼmo agava maiʼneʼapaeʼmo apavayagunagu nehae.

Himulu 6:18

Ani lole gemo haneʼniyana polomasi geʼe agiʼaletiʼmo alagi lama gemo huʼniya geʼeʼmo huʼniyanageno agaemo alu gemo afaʼa osugiye. Ani geletiʼmo lagaemo laune heta uta fala kita neʼmauna vayaʼmogita laulagaleʼmo alino afole aino ateʼniya yateʼmo agava maiʼneta lavayagunagu hisuna kavateʼmo alagi atafaisunafeʼmo alino he tino lateʼniye.

Himulu 7:21

Gotiʼa mono huʼa neʼapataya vayaʼmo aliʼyaʼapileʼmo apavaleno apatetenoʼaeʼmo agaiʼa agiʼaletiʼmo agoʼyamo ataleteno lokiya gemo osuʼniyaʼmonanafa agaefekeʼmo agaiʼa agiʼaletiʼmo lokiya gemo hunoʼaeʼmo, Ala kava vekamoʼnamo nagaiʼni nagiʼniletiʼmo nagoʼyamo ataleteʼna lokiya gemo huʼnaeʼmo, Mono huka neʼapatana vekamo Melikisetekigana huka maige maige huka maiʼneka maika hano osuka muki afinaʼmo maigane, huʼna hu maleʼnovanageʼna mago alu nagesamo alagi oʼafiguve, huno hu maleʼniye.

Yemisi 1:17

Gotiʼa muki alagepa yaʼe haino hapaiʼniya yaʼeʼmo fikumo neʼapamigenoʼaeʼmo kokuʼnapatiʼmo emineʼniye. Muki kokuʼnate aeno ha neleya yaʼmoʼa alu kava alu kavaʼmo huno aeno ha neleyaʼmonanafa ani aeno ha neleya yaʼmo Afoʼamoʼmo alu kava alu kavaʼmo osuno magoke agufa kavaʼmo huno fikumo neʼapamiye.

Yemisi 4:5

Goti mukufiʼmo haneʼniya gemoʼa hunoʼaeʼmo, lapakaepiʼmo neʼmaiya lapaunelapameʼmoʼa hosu kavafeʼmo nehaigenoʼaeʼmo haʼye nehiye, huno huʼniya gemo afa gemo haneʼniye, hutapa lapakesamo neʼafifiye.

1 Samiyo 15:29

Gotiʼa Isaleli vayaʼai lokiyaʼapimo maiʼnenoʼaeʼmo aigofe gemo osuno alu aipa agesamo oʼafigiye. Ma mopafi vekamo oʼmaiʼniyaʼmofeʼmae, huno ha paiʼniye.

1 Samiyo 3:12

Ani afinaʼmo muki hosu kavafeʼmo Ilai afamo anagafeʼmo gemo huʼnova agufa kavaʼmo aepa faiʼna huʼna hano huguve.