Napa 22:7 - The Keyagana NT and 25 OT books

⁷ Inagi Movapu koteʼmo neʼyagaiya vayaʼe Mitiyani koteʼmo neʼyagaiya vayaʼeʼmo lifana hisigeʼapaeʼmo miyaʼamo amisayafeʼmo Melamitegamo aliniʼa uʼnae. Apakaemo uʼa avaʼyi huteʼapaeʼmo Melakiʼmo huʼniya gemo ha paiʼnae.

Napa 22:7 ပူးပေါင်းရင်းမြစ်များ

Aiyeya 1:23

Neʼyagaiya vayakamogimo gemo noʼafiya vayane. Apakaemo kumayaʼmo neʼaliya vayaʼeʼmo magokepi lokaeʼa neʼmaiye. Muki neʼyagaiya vayaʼmogimo kutulu yaʼmo hisaya monieʼmo hapauʼniye. Monimo fiku alisayafeʼmo vegala neʼae. Apakaemo megusa mafaʼne anagaʼmo hapa noʼmae. Kogu aʼne anagaʼmogi geʼapimo alagepa huʼa oʼafiʼa aliʼa kanale huʼa noʼapatae.

Aiyeya 56:11

He, apakaemo neʼyaʼmo magoʼe magoʼe huʼa nesayafeʼmo hapaʼye nehiya kalagana huʼa maiʼneʼa muki afinaʼmo magoʼe huno neʼyafeʼmo nehapaiye. Sipisipileʼmo yagaiʼa neʼapataya vayaʼmogi afiʼa aeto nosae. Mukiʼamogimo apakaiʼapi hapauʼniya kavaʼmo huʼa apakaiʼapiekeʼmo apakesamo neʼafiye.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Napa 22:8

Melamiʼmo hapa painoʼaeʼmo, Manileʼmo haniʼilagamo havaetesageʼnaeʼmo egamo Ala kava neʼmoʼa naha paisiya gemo lahapa paiguve. Inagi ani vayaʼmo Melamiʼeʼmo magokepiʼmo maiʼnae.

Napa 23:23

Kame vayaʼapimogimo Isaleli vayaʼaitegamo analisamo hapaege sakuma kavaʼmo huge hisayana ani kavaʼmoʼa alino hosu huno oʼapategaiye. Oʼapategaiyaʼmofeʼmo hemenimo alu nofi vayaʼmogimo Isaleli vayaʼaifeʼmo ina ge hugae. Apakeyo, huʼa, Gotiʼa lusi kavaʼmo huno Isaleli vayaʼaina hapa maeʼniye, huʼa hugae.

Napa 24:1

Melamiʼmo ani afinaʼmo ageʼniyana Ala kava neʼmoʼa Isaleli vayaʼmo alino auleno apatesiyafeʼmo hauʼniye, huno agetenoʼaeʼmo alu afinaʼmo hosu aune kavaʼmo hisiyafeʼmo huʼniyaʼmonanafa ani afinaʼmo aino afeleno hau huʼniya kotegamo aulu heno ageno maiʼniye.

Lomu 16:18

Ani agufa vayaʼmogimo Ala kava netimo Yesu Kalaisi aliʼyaʼamo noʼalifa amega apakufamoʼmo hauʼniya kavaʼmo akame nehae. Haga hapausiya agufa gemo huteʼa aigofe geʼapiletiʼmo hapao ke heʼa apametala huteʼa fikumo neʼafiya vayaʼmo apakesa nefaiye.

Taitasi 1:11

Ani agufa vayaʼmogi monimo alisayafeʼmo afaʼa osisaya agufa gemo aliʼa apaya neʼmaleʼapaeʼmo muki afamo anaga vayaʼae vayaʼaeʼmo aliʼa hosu huʼa neʼapatae. Ge osisayafeʼmo apavayaleʼmo huka apatafauka apato.

Yasuva 13:22

Isaleli vayaʼmogimo ani vayaʼmo hapaege Melemiʼmo Miyo mafaʼnemoʼa hosu apaune vayaʼmogi afole aisiya kavaʼmo aliʼa aveliʼnaya kavaʼmo ageʼniya vekaʼeʼmo naipeletiʼmo apaiʼnae.

2 Pita 2:15

Meo mafaʼnemo Melamiʼa monieʼmo haʼye huʼnigeno hosu kavaʼmo huʼniya kava huʼa alagepa kaʼmo ago ataleʼa u eʼa huʼnae.

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.