Napa 22:38 - The Keyagana NT and 25 OT books

³⁸ Melamiʼmo Melakifeʼmo hunoʼaeʼmo, Nagaemo kagaetegamo ago eʼnovaʼmonanafa. Nagaemo muki agufa gemo afaʼa hisufiye. Haʼao, nagaemo Gotiʼa naha paisiya geʼageʼmo huguve. Alu gemo hisuva himamuʼnimo ohaneʼniye, huno ha paiʼniye.

Napa 22:38 ပူးပေါင်းရင်းမြစ်များ

2 Sitoli 18:13

Huno ha paiʼniyaʼmonanafa Mikaiyaʼmo apa vekaeʼmo hunoʼaeʼmo, Ala kava neʼmo maiʼniya kava huʼna alagi lama gemo huguve. Gotiʼnimoʼmo na agufa gemo naha paisifigeʼna alagi ani gegeʼmo aeʼna hakalo huguve, huno huʼniye.

Samu 76:10

Vayaʼmo apaipamo neleya kavaʼmo afole aiteno kagikaleʼmo alino asaga huno kategaiye. Kagaemo afole oʼaisiya apaipamo neleya kavaʼmo atafauka ategane.

Mai'naya kavane 19:21

Vayaʼmogimo asole kavafeʼmo ani kavaʼmo hugune, huʼa apaipafiʼmo apakesamo neʼafiyaʼmonanafa Ala kava neʼmoʼa ani kavaʼmo afole aigiye, huno ago ageʼniya kavaʼageʼmo afole aigiye.

Napa 22:18

Huʼniyaʼmonanafa Melamiʼmo ani Melaki aliʼyaʼamo neʼaliya vayaʼaifeʼmo hunoʼaeʼmo, Melakiʼmo noʼafiʼmo siluvaʼe goliʼeʼmo havai teʼnisiya yaʼmo namisiyana nagaemo Ala kava neʼmo Gotiʼnimo geʼamo mago kavatefeʼmo amagiʼna oʼatalegauve.

Napa 22:37

Melakiʼmo Melamifeʼmo ha painoʼaeʼmo, Afiyo, huno, Nagaemo vayaʼmo aliʼna apateʼnogeʼa kavaleliʼa esayafeʼmo uʼnae. Na agufa kavaʼmo higekaeʼmo nagaetegamo oʼmeʼnane. Alopa yaʼmo afaʼa okamisufiye, huno huʼnigeno

Napa 22:39

Inagi Melamiʼmo Melakiʼeʼmo Kaiyati-Husoti taonifiʼmo uʼnaʼae.

Napa 22:8

Melamiʼmo hapa painoʼaeʼmo, Manileʼmo haniʼilagamo havaetesageʼnaeʼmo egamo Ala kava neʼmoʼa naha paisiya gemo lahapa paiguve. Inagi ani vayaʼmo Melamiʼeʼmo magokepiʼmo maiʼnae.

Napa 23:16

Inagi Ala kava neʼmo Melamiʼeʼmo fotu huteno Ala kava neʼmoʼa Melamiʼmo hisiya gemo ha paiʼniye. Agaemo hunoʼaeʼmo, Kagaemo Melakitegamo halate ataginekuka ani kaha paiʼnova gemo ha paiyo, huno ha paiʼniye.

Napa 23:26

Melamiʼmo geʼaleʼmo aeno atagaina hunoʼaeʼmo, Nagaemo kagaefeʼmo huʼnaeʼmo, Ala kava neʼmoʼa naha paisiya geʼageʼmo nagaemo kaha paiguve, huno ha paiʼniye.

Napa 24:13

Melakiʼmo noʼafiʼmo siluvaʼe goliʼeʼmo havai teʼnisiya yapatiʼmo namisiyana nagaemo Ala kava neʼmo geʼamo magoke kavatefeʼmo amagiʼna oʼatalegauve. Nagaiʼni nahauʼnisiya kavaʼmo alagepa kavaʼmofi hosu kavaʼmofi huʼna afaʼa osuguve. Nagaemo Ala kava neʼmoʼa naha paiʼniya geʼageʼmo hapa paigesuve.