Napa 22:32 - The Keyagana NT and 25 OT books

³² Ala kava neʼmo enisole vekamoʼmo agaefeʼmo hunoʼaeʼmo, Kagaemo na agufa kavaʼmo higekaeʼmo nokikamo loleʼe magoʼe afinaʼmo amagiʼnane. Afiyo, huno, Kagaemo naulagaleʼmo oʼnahauʼniya kavaʼmo nehanaʼmofeʼmo visana kaʼmo akanisuvafeʼmo eʼnove.

Napa 22:32 ပူးပေါင်းရင်းမြစ်များ

Samu 145:9

Agaemo muki vayaʼaitegamo alagepa kavaʼmo huteno muki alo hu maleʼniya yategaʼeʼmo hau huno neʼapate.

Samu 147:9

Agaemo muki alu afu alu afumo neʼyaʼmo apamige nama agapamo neʼyaʼmo apamige nama agapamoʼmo neʼyafeʼmo ge nehagenoʼaeʼmo neʼyaʼmo apamige nehiye.

Samu 36:6

Alagepa kavakamoʼmo avegana huno lusi yaʼmo haneʼniye. Alagepa huka alika fako huka neʼapatana kavakamoʼmo solovala aniʼmo vasilonagana huno haneʼniye. Ala kava nene, huʼna, vayatenagi afulenagi yagagafalenagi huka yagaika neʼapatanageʼa afaʼa neʼmaiye.

Mai'naya kavane 14:2

Api kateʼmo neʼviya vekamoʼmo Ala kava nefeʼmo koli nehiyaʼmonanafa kayagi kayaga kateʼmo neʼviya vekamoʼmo Ala kava nefeʼmo afaʼa ina agufa vekamae, huno agesamo neʼafiye.

Mai'naya kavane 16:2

Vayaʼmogi apaulagaleʼmo muki kavaʼapimoʼmo yaveyave kavaʼageʼmo haneʼniyaʼmonanafa Ala kava neʼmoʼa alagepa huno kavaʼapimo aepaʼamo alino fako huno neʼage.

Mai'naya kavane 28:18

Gotiʼa vaiʼmo noʼalisiya vekamo agufamo alino katino ategaiyaʼmonanafa himuʼnamu kavaʼmo nehisiya vekamo malage huno asagauno aigiye.

Mai'naya kavane 28:6

Kagemi yaʼamo ohaneʼniya vekamoʼmo lama ge kavaʼmo nehisiyaʼmoʼmo kagemi yaʼamo haneʼniya vekamoʼmo kayagi kayaga kavaʼmo nehisiya vekamo ago aeno aga seʼniye.

Yona 4:11

Ani kava huʼna Niniva vayaʼaifeʼmo nahau huʼna apateʼnove. Niniva taonifiʼmo lusi asole nute mafaʼne anagaʼmo vani hataleti tuveti tauseniʼamo (120,000) maige asole afumo maige huʼnae, huno ha paiʼniye.

Maika 6:5

O vayaʼnimogitapae, huʼna, Movapu kini vekamo Melakiʼmo lapakaetegamo hosu kavaʼmo hugefeʼmo huʼniya kavafeʼmo hemenimo lapakesamo afitapa ho hiyo. Hosu kavaʼmo hugefeʼmo agesamo afiʼniyaʼmonanafa Miyo mafaʼnemo Melamiʼmo geʼaleʼmo aeno atagaina huno ha paiʼniya geʼaeʼmo lapakesamo afitapa ho hiyo. Akesiya kotegatiʼmo ataletapa Giligali taonifiʼmo ugefeʼmo neʼvageʼnaeʼmo nagaemo lapa maeʼnovanagi lapakaetegamo afole aiʼniya kavaʼefeʼmo lapakesamo afiyo. Lapakaemo Ala kava neʼmoʼnamo fatago kavaʼnimo ageta alagepa hutapa agesayafeʼmo lapake okanitapa ani kavafeʼmo lapakesamo afita ho hiyo, huno hapa paiʼniye.

Napa 22:20

Ani haniʼilagamo Gotiʼa Melamitegamo eno ha painoʼaeʼmo, Ani vayaʼmo eʼa apakaeʼeʼmo magokepiʼmo visanafeʼmo ge hisayana he tika apakaeʼeʼmo uvo. Afaʼa uganaʼmonanafa nagaemo kaha paisuva geʼageʼmo afaʼa hugane, huno ha paiʼniye.

Napa 22:22

Melamiʼmo uʼniyaʼmofeʼmo Gotiʼa aipamo leno ateʼniye. Inagi Ala kava neʼmo enisole vekaʼamoʼmo kateʼmo he tino maiʼneno kame vekagana huno kaʼmo akaniʼniye. Melamiʼmo noki afuʼaleʼmo fai maiteno uʼnigeʼanaeʼmo aliʼyaʼamo neʼaliʼa vekalaʼeʼmo magokepiʼmo uʼnae.

Napa 22:28

Inagi Ala kava neʼmoʼa nokimoʼmo age aino ge hisiya kavaʼmo huʼnigenoʼaeʼmo nokiʼmoʼmo Melamifeʼmo hunoʼaeʼmo, Nagaemo kagaetegamo na agufa kavaʼmo huʼnogekaeʼmo loleʼe magoʼe afinaʼmo namagiʼnane, huno ha paiʼnigeno

Napa 22:33

Nokikamoʼmo nagetenoʼaeʼmo loleʼe magoʼe afinaʼmo alu kateʼmo uʼniye. Alu kateʼmo oʼuʼniyesinana nagaemo ago kamiti kamagiteʼna nokimo afaʼa atesugeno maiyesine, huno ha paiʼniye.

Napa 22:35

Inagi Ala kava neʼmo enisole vekamoʼmo Melamifeʼmo hunoʼaeʼmo, Ani vayaʼeʼmo afaʼa uvo. Afaʼa uganaʼmonanafa kaha paisuva geʼageʼmo hugane, huno ha paiʼniyaʼmofeʼmo Melamiʼmo Melaki koteʼmo neʼyagaiya vayaʼeʼmo uʼniye.

Apa 13:10

Satani mafaʼneyo, huno, Kagaemo alagepa kavaʼmo kameʼamo maiʼnane. Aigofe kavakamoʼe hosu kavakamoʼeʼmo kagae kaipafiʼmo havai teʼniye. Ala kava neʼmo fatago kavaʼamo alika kayagi kayaga huka neʼatane.