Napa 22:20 - The Keyagana NT and 25 OT books

²⁰ Ani haniʼilagamo Gotiʼa Melamitegamo eno ha painoʼaeʼmo, Ani vayaʼmo eʼa apakaeʼeʼmo magokepiʼmo visanafeʼmo ge hisayana he tika apakaeʼeʼmo uvo. Afaʼa uganaʼmonanafa nagaemo kaha paisuva geʼageʼmo afaʼa hugane, huno ha paiʼniye.

Napa 22:20 ပူးပေါင်းရင်းမြစ်များ

Samu 81:12

Olapauʼniyaʼmofeʼmo afaʼa lapateʼnogetapa ge oʼafitapa himuʼnamu kavaʼmo hutetapa lapakaitapimo lapauʼniya kavaʼmo huʼnae.

Napa 22:19

Oʼatalegauvaʼmofeʼmo alu vayaʼmogimo huʼnaya agufa kavaʼmo hutapa nagae nopiʼmo haniʼilagamo havaetesageʼnaeʼmo Ala kava neʼmoʼa mago gemo naha paisiya gemo afiguve, huno hapa paiʼniye.

Napa 22:35

Inagi Ala kava neʼmo enisole vekamoʼmo Melamifeʼmo hunoʼaeʼmo, Ani vayaʼeʼmo afaʼa uvo. Afaʼa uganaʼmonanafa kaha paisuva geʼageʼmo hugane, huno ha paiʼniyaʼmofeʼmo Melamiʼmo Melaki koteʼmo neʼyagaiya vayaʼeʼmo uʼniye.

Napa 23:12

Melamiʼmo geʼaleʼmo aeno atagaina hunoʼaeʼmo, Ala kava neʼmoʼa naha paiʼniya gemo afiteʼna hapa opaisufiye.

Napa 23:16

Inagi Ala kava neʼmo Melamiʼeʼmo fotu huteno Ala kava neʼmoʼa Melamiʼmo hisiya gemo ha paiʼniye. Agaemo hunoʼaeʼmo, Kagaemo Melakitegamo halate ataginekuka ani kaha paiʼnova gemo ha paiyo, huno ha paiʼniye.

Napa 23:26

Melamiʼmo geʼaleʼmo aeno atagaina hunoʼaeʼmo, Nagaemo kagaefeʼmo huʼnaeʼmo, Ala kava neʼmoʼa naha paisiya geʼageʼmo nagaemo kaha paiguve, huno ha paiʼniye.

Napa 23:5

Ala kava neʼmoʼa Melamiʼmo hisiya gemo ha paiteno magoʼe gemo hunoʼaeʼmo, Kagaemo halate atagineka uka ani kaha paiʼnova gemo Melakifeʼmo ha paiyo, huno ha paiʼniye.

Napa 24:13

Melakiʼmo noʼafiʼmo siluvaʼe goliʼeʼmo havai teʼnisiya yapatiʼmo namisiyana nagaemo Ala kava neʼmo geʼamo magoke kavatefeʼmo amagiʼna oʼatalegauve. Nagaiʼni nahauʼnisiya kavaʼmo alagepa kavaʼmofi hosu kavaʼmofi huʼna afaʼa osuguve. Nagaemo Ala kava neʼmoʼa naha paiʼniya geʼageʼmo hapa paigesuve.

Napa 24:4

Ani gemo Goti gemo afiʼniya vekamoʼmo aeno hakalo nehiya gemae. Agaemo alagamuna agegekana huno ageʼniyana lokiyaʼaʼe Gotiʼa agetenoʼaeʼmo aulagamo haleʼnigeno asagauno aiʼniye.