Napa 22:18 - The Keyagana NT and 25 OT books

¹⁸ Huʼniyaʼmonanafa Melamiʼmo ani Melaki aliʼyaʼamo neʼaliya vayaʼaifeʼmo hunoʼaeʼmo, Melakiʼmo noʼafiʼmo siluvaʼe goliʼeʼmo havai teʼnisiya yaʼmo namisiyana nagaemo Ala kava neʼmo Gotiʼnimo geʼamo mago kavatefeʼmo amagiʼna oʼatalegauve.

Napa 22:18 ပူးပေါင်းရင်းမြစ်များ

2 Sitoli 18:13

Huno ha paiʼniyaʼmonanafa Mikaiyaʼmo apa vekaeʼmo hunoʼaeʼmo, Ala kava neʼmo maiʼniya kava huʼna alagi lama gemo huguve. Gotiʼnimoʼmo na agufa gemo naha paisifigeʼna alagi ani gegeʼmo aeʼna hakalo huguve, huno huʼniye.

Neniyo 5:17

Neniyoʼa geʼaleʼmo aeno atagaina huno ha painoʼaeʼmo, Haʼao, huno, fikumo namisana yaʼmo kagaikamo afaʼa aligane. Kagaemo ani miyaʼmo alu vekamo amiganaʼmonanafa nagaemo ani gemo afaʼa lekana paiteʼna aepaʼamo kaha paiguve.

Napa 22:19

Oʼatalegauvaʼmofeʼmo alu vayaʼmogimo huʼnaya agufa kavaʼmo hutapa nagae nopiʼmo haniʼilagamo havaetesageʼnaeʼmo Ala kava neʼmoʼa mago gemo naha paisiya gemo afiguve, huno hapa paiʼniye.

Napa 22:38

Melamiʼmo Melakifeʼmo hunoʼaeʼmo, Nagaemo kagaetegamo ago eʼnovaʼmonanafa. Nagaemo muki agufa gemo afaʼa hisufiye. Haʼao, nagaemo Gotiʼa naha paisiya geʼageʼmo huguve. Alu gemo hisuva himamuʼnimo ohaneʼniye, huno ha paiʼniye.

Napa 22:8

Melamiʼmo hapa painoʼaeʼmo, Manileʼmo haniʼilagamo havaetesageʼnaeʼmo egamo Ala kava neʼmoʼa naha paisiya gemo lahapa paiguve. Inagi ani vayaʼmo Melamiʼeʼmo magokepiʼmo maiʼnae.

Napa 23:26

Melamiʼmo geʼaleʼmo aeno atagaina hunoʼaeʼmo, Nagaemo kagaefeʼmo huʼnaeʼmo, Ala kava neʼmoʼa naha paisiya geʼageʼmo nagaemo kaha paiguve, huno ha paiʼniye.

Napa 24:12

Melamiʼmo geʼaleʼmo aeno atagaina hunoʼaeʼmo, Kagaemo alika apateʼnanageʼa nagaetegamo eʼnaya vayaʼaifeʼmo hapa paiʼnaeʼmo,

Napa 24:13

Melakiʼmo noʼafiʼmo siluvaʼe goliʼeʼmo havai teʼnisiya yapatiʼmo namisiyana nagaemo Ala kava neʼmo geʼamo magoke kavatefeʼmo amagiʼna oʼatalegauve. Nagaiʼni nahauʼnisiya kavaʼmo alagepa kavaʼmofi hosu kavaʼmofi huʼna afaʼa osuguve. Nagaemo Ala kava neʼmoʼa naha paiʼniya geʼageʼmo hapa paigesuve.

Apa 8:20

Pitaʼa hunoʼaeʼmo, Gotiʼa fikumo hapa maeno neʼapamiya yafeʼmo kagaemo, moniletiʼmo miya faiguve, huka kagesa neʼafinaʼmofeʼmo kagaeʼe monikaʼeʼmo ata kopiʼmo utana lamigaʼae.

Taitasi 1:16

Apakaemo apavayaletiʼmo huʼapaeʼmo, Gotiʼa ageʼnone, huʼa nehayaʼmonanafa kavaʼapiletiʼmo oʼageʼnae, huʼa nehae. Gotiʼa apakaefeʼmo ohauʼnigenoʼaeʼmo geʼamo oʼafiʼa alagi hosu kavaʼmo nehaya vayaʼmo maiʼnayaʼmofeʼmo alagi alagepa kavaʼmo afaʼa osugae, huno nehiye.

Yasuva 24:10

Ha paiʼniyaʼmonanafa nagaemo Ala kava neʼmoʼnamo Melamiʼmo huʼniya hosu geʼamo oʼafiʼnovaʼmofeʼmo magoʼe huno alino auleno lapateʼniye. Nagaemo ani kavatetiʼmo Melaki ayapatiʼmo lapakufamo aliʼna katiʼna lapateʼnove.