Napa 20:8 - The Keyagana NT and 25 OT books

⁸ Hayopa kayokamo aliyo. Kagaeʼe nepukamo Eloniʼeʼmo muki vayaʼmo alitana anupa hutana apateʼao. Kagaemo apaulagaleʼmo mani alopa yafapifeʼmo ge nehugenoʼa aniʼmo afole aino. Ge hisanageno aniʼmo afole aisigeʼapaeʼmo muki vayanagi pulumaka anaganagi sipisipi anaganagi huʼa negae.

Napa 20:8 ပူးပေါင်းရင်းမြစ်များ

Aepa Gemae 18:14

Mago kavaʼmo Ala kava neʼmoʼa afaʼa osisiya agufa kavaʼmo haneʼnifiye. Lekana paiʼna ateʼnova afinaʼmo mani hemeni agufa afinaʼmo kagaetega halate esugenoʼaeʼmo Selaʼa ve mafaʼnemo alino ategaiye, huno ha paiʼniye.

Samu 105:41

Agaemo aniʼmo ohaneʼniya kotegamo yafapiʼmo amagino apalo atiʼnigeno yafapatiʼmo alopa anikefamo emineʼnigeʼa neʼnae.

Samu 114:8

Agaemo yafaʼmo alino hamaleʼnigeno ani kotuʼmo afole aiʼniye. Lokiya yafaʼmo aino apalo atiʼnigeno meti aniʼmo eno haineʼniye.

Hatu maeno apate'niya gemae 14:16

Hayopa kayokamo alika asagauliʼneka solovala aniteʼmo akoʼya huʼnegenoʼao aniʼmo aino akaka vaesigeno aniʼmo folagapiʼmo mopamo hau huʼninageʼa Isaleli vayaʼmo ugae.

Hatu maeno apate'niya gemae 17:9

Moseseʼa Yasuvafeʼmo ha painoʼaeʼmo, Lapakaepatiʼmo mago vayaʼmo lekana paika apavalelikuka Amaleki vayaʼeʼmo kamemo huvo. Egamo nagaemo aise avefiʼmo uʼna haiʼna Goti kayoʼamo nayapiʼmo aliteʼna he tiʼna maiʼnegauve, huno ha paiʼniye.

Hatu maeno apate'niya gemae 4:17

Kagaemo mani hayopa kayokamo aliteka uvo. Henagaʼamo mani hayopa kayotetiʼmo noʼagaya agufa kaune kavaʼmo hugane.

Hatu maeno apate'niya gemae 4:2

Ala kava neʼmoʼa, kayapiʼmo na agufa yaʼmo aliʼnane, huno afi geʼnigeno, hayopa kayoʼmo aliʼnove, huno ha paiʼnigenoʼaeʼmo

Hatu maeno apate'niya gemae 4:20

Inagi Mosese aʼagi lole mafaʼneʼalanagi huno mago nokileʼmo apavaleno faino apateʼniye. Moseseʼa Goti kayoʼamo alitegeʼa Isipi kotegamo uʼnae.

Hatu maeno apate'niya gemae 7:20

Inagi Moseseʼe Eloniʼeʼmo Ala kava neʼmoʼa hana paiʼniya kavaʼmo huʼnaʼae. Eloniʼa kini vekamo aulagaleʼe aliʼyaʼamo neʼaliya vayaʼmogi apaulagaleʼmo hayopa kayoʼaletiʼmo alopa aniteʼmo amagiʼnigenoʼaeʼmo kola aniʼmo alino hamaleʼniye.

Aiyeya 43:20

Nagaemo kaʼme kotegamo aniʼmo afela afu anagaʼmo apamiguvaʼmofeʼmo ala nagiʼnimo namigae. Lekana paiʼna apateʼnova vayaʼnimogimo aniʼmo nesayafeʼmo hau huʼniya kotegamo alopa meti aniʼmo afole aisiya kavaʼmo huguve.

Napa 20:11

Inagi Moseseʼmo kayoʼmo alino asagauliʼneno lole kanaleʼmo ani yafapiʼmo amagiʼnigeno alopa aniʼmo emineʼnigeʼa muki vayaʼmogiʼe muki afu anagaʼmogiʼeʼmo neʼnae.

Napa 20:7

Inagi Ala kava neʼmoʼa Mosesefeʼmo ina gemo huno ha painoʼaeʼmo,

Matiyu 21:21

Yesuʼa hunoʼaeʼmo, Lama ge lapa nepauve, huno, lapakesamo afita fatago huʼnetapaeʼmo lole lapakesamo oʼafiʼnisayana fiki yosaeʼmo huʼnova agufa gemo afaʼa hugae. Ani kava hutapa mani aveeʼmo, nokamo atalekuka solovala anipiʼmo asagauka aiyo, hutapa hisageno uno asagauno aigiye.

Luki 11:13

Lapakaemo hosu vayaʼmo maiʼnayaʼmonanafa mafaʼnetapimo alagepa yaʼmo alita neʼapamiya agufa kavaʼmo huno kokuʼnapi afotapimofeʼmo kaote Kaunekameʼmo alika namiyo, huʼa ge huʼa afi gesaya vayaʼmo afaʼa magoʼe huno alino apamigiye, huno hapa paiʼniye.

Yoni 16:24

Hogotetapa nagiʼniletiʼmo ge hutapa afi okeʼnae. Afaʼa ge hutapa afi gegenoʼao lapamisigeno lapaipafiʼmo lapamogaga aisaya kavaʼmo havai tegaiye, huno hapa paiʼniye.

Apa 1:14

Ani vayanagi mago aʼne anaganagi Yesu itaʼamoʼmo Maliyaʼagi Yesu aganaʼamogimogi huʼa magoke apaipa apakesamo aliteʼa aliʼa anupa huʼa maiʼneʼa nunumuʼmo huge ge huʼa afige huʼa maiʼnae.

Yasuva 6:20

Hapa paiʼnigeʼa mono huʼa neʼapataya vayaʼmogimo pikulimo nehageʼapaeʼmo Isaleli vayaʼmogimo malage huʼa alopa gefatiʼmo lusi kava huʼa ge huʼnageno taonileʼmo huʼa ku ai maleʼnaya yafa kegiʼyamo aino nakupaeno mopafiʼmo asagauno aiʼniye. Inagi muki vayaʼamogimo apaulagaleʼmo haneʼniya katetiʼmo uʼa haiʼa taonimo aliʼnae.

Yasuva 6:5

Apakaemo pikulimo huʼa yatala hisaya afinaʼmo afitetapaeʼmo mukiʼamogitapamo alopa gefatiʼmo keya aetapa ge hisageno ani taonimo agiʼnaleʼmo faino vego huʼniya yafa kegiʼyamo aino naku paeno mopafiʼmo asagauno aisigeʼapaeʼmo inagi muki Isaleli vayaʼmo apaulagaleʼmo haneʼniya katetiʼmo taonifiʼmo alagi uʼa haigae, huno ha paiʼniye.

Leveleseni 22:1

Inagi enisole vekamoʼmo afaʼa neʼmaiya yaʼmo neʼapamiya aniʼmo alopa aniʼmo uno nelamiya aniʼmoʼa aeno ha neleya aniʼmo nave liʼniye. Ani aniʼmo Gotiʼa yagaino neʼapateya siyaʼafatiʼe aikeli sipisipimoʼa yagaino neʼapateya siyaʼafatiʼeʼmo emineno alopa kaʼmo taoni folagapiʼmo haneʼniya kateʼmo uno lamiʼniye. Nelamiya aniʼmo aluga aluga ani agiʼnaleʼmo afaʼa neʼmaiya yaʼmo neʼapamiya yosamo hanege hanege huno haneʼneno magoke kafugafiʼmo tuolofuʼa afinaʼmo muki kaiʼaʼe kaiʼaʼeʼmo alagamo neʼae. Yosa haitaʼamoʼmo alu kotega alu kotegamo maiʼnaya vayaʼmo alino hapageno apatesi yosa haitamo haneʼniye.

Leveleseni 22:17

Goti Aunemeʼamoʼe sipisipi vekaleʼmo maisiya a kanomoʼeʼmo, Neʼeyo, huʼana huʼnaʼae. Ani gemo afiʼnisaya vayaʼmogimo, neʼeyo, huʼa hiyo. Anifeʼmo lapauʼnisiya vayaʼmogimo neʼeyo, huʼa nehae. Hapauʼnisiya vayaʼmogimo afaʼa neʼmaiya yaʼmo neʼapamiya aniʼmo fikumo negae, huno hapa paiʼniye.