Napa 20:10 - The Keyagana NT and 25 OT books

¹⁰ Moseseʼe Eloniʼeʼmo ani yafaʼmo haopaleʼmo vayaʼmo aliʼana anupa huʼana apateʼneʼanaeʼmo Moseseʼmo ina ge huno hapa paiʼniye. Gemo amagitapa neʼatalaya vayanagi afiyo. Laʼagaemo lapakae aniʼmo mani yafapatiʼmo alitaʼa afole aita atesuʼafiye, huno huʼniye.

Napa 20:10 ပူးပေါင်းရင်းမြစ်များ

Aepa Gemae 40:8

Laʼagaemo alagamuna ageʼnoʼa kavafeʼmo aepaʼamo laʼahapaisiya vekamo oʼmaiʼniye, huʼana ha paiʼnaʼageno Yosefeʼa hunoʼaeʼmo, Gotikeʼmo alagamunamo aepaʼamo alino apave neliye. Lahanaoke hovanagi, alagamunamo ageʼnisaʼa kavafeʼmo naha paiʼao, huno huʼniye.

Aepa Gemae 41:16

Yosefeʼa geʼaleʼmo aeno atagaina hunoʼaeʼmo, Nagaiʼnimo alagamuna gemo aepaʼamo afaʼa kaha opaigufa Gotikeʼmo aepaʼamo afaʼa kaha paisigeno kaipamoʼmo falu hugiye, huno ha paiʼniye.

Samu 78:16

Yafapatiʼmo alopa aniʼmo emineʼnigeʼa neʼa maiʼnae.

Hatu maeno apate'niya gemae 17:6

Afiyo, huʼna, Nagaemo kaulagaleʼmo Holepi avefiʼmo haneʼniya yafateʼmo he tiʼna maiguve. Kagaemo eka haopaleʼmo maiʼnekaeʼmo yafapiʼmo neʼamagigenoʼao vayaʼmogimo nesaya aniʼmo eminegaiye, huno ha paiʼnigeno Moseseʼa Isaleli vayapati vayatama vayaʼmogi apaulagaleʼmo ani kavaʼmo huʼnigeno aniʼmo emineʼniye.

Napa 20:24

Lanakaemo Eloniʼe Moseseʼeʼmo Melima anitegamo geʼnimo amagitana ataleʼnaʼaʼmofeʼmo Isaleli vayaʼaina apamiʼnova mopaleʼmo Eloniʼmo oʼugifa faligiye.

Matiyu 5:22

Afiʼnayaʼmonanafa nagaemo huʼnaeʼmo, mago vekamoʼmo agaetegamo hosu kavaʼmo osuʼnisiya konagaʼamofeʼmo aipamo leno atesiyana agoti huno ategaiye. Mago vekamoʼmo konagaʼamofeʼmo, nagiʼnaga vekae, huno huʼnisiyana kanisole vayaʼaitegamo avalelinuno alino he tino ategaiye. Mago vekamoʼa konagaʼamofeʼmo, faipa nagiʼnaga vekae, huno huʼnisiyana ata kopiʼmo uʼa nelamiya kateʼmo neʼviye.

1 Kolitiyani 3:7

Avina yaʼmo nehakaleya vekaʼe aniʼmo nelakiya vekaʼeʼmo ina agufa vekalaʼmo maiʼnaʼaʼmonanafa Gotikeʼmo alino hageno neʼateya vekamo ala agi vekamo maiʼniye.

Efasasi 4:26

Hosu kavafeʼmo lapaipamo leno. Lapaipamo lesiya afinaʼmo hosu kavaʼmo osiyo. Fiku yanagetapa lapaipamo leme leme neʼvisageno yegemo uno lamino falegaiye.

Yemisi 3:2

Mukiʼamogitamo muki kavaʼalefeʼmo uta haita me netalone. Mago vekamoʼmo avayaletiʼmo alagepa geʼageʼmo nehisiyana hosu kavaʼamo alagi ohaneʼniye. Ani agufa gemo nehisiya vekamoʼmo uno haino hapaiʼniya vekamogeno muki agufaʼaleʼmo alagepa huno afaʼa yagaigiye.