Napa 20:1 - The Keyagana NT and 25 OT books

¹ Vani kaileʼmo muki Isaleli vayaʼmo Yini kaʼme kotegamo uʼa avaʼyi huteʼa Kenesi taonifiʼmo uʼa maiʼnagenoʼaeʼmo Miliyamuʼmo Eloniʼe Moseseʼeʼmo anasaʼanimoʼmo faliʼnigeʼa kiʼa ateʼnae.

Napa 20:1 ပူးပေါင်းရင်းမြစ်များ

Aepa Gemae 14:7

Henagaʼamo halate aiʼa atagineʼa Katesi taonifilagamo uʼnae. Ani taonimo hogote agiʼamo Enimisapati taonie. Huteʼapaeʼmo Emaleki nofi vayaʼe Emo nofi vayaʼeʼmo kamemo huʼa aeʼa apaka seʼnae. Emo nofi vayaʼmo Hasasoni Tama taonifiʼmo maiʼnae.

Samu 29:8

Agemo neʼaigenoʼaeʼmo kaʼme kotegamo alino atete huno neʼate. Ala kava neʼmoʼa Kenesi koʼmo alino atete huno neʼate.

Hatu maeno apate'niya gemae 15:20

Gotitegati gemo alinineno aeno hakalo huno hapa nepaiya a kanomo Miliyamuʼa Eloni asaʼamoʼmo mago yaveʼyamo aliʼnigeʼa muki aʼne anagaʼmogimo yaveʼyamo aliteʼa uʼa Miliyamuʼmo akame huʼa neʼuʼapaeʼmo yaveʼyamo amagiʼa yokemo huʼa omo hageliʼa uʼnae.

Hatu maeno apate'niya gemae 2:4

Ani mafaʼnemo asaʼamoʼmo mago aise afagiʼaleʼmo he tino maiʼneno ani mafaʼneleʼmo na agufa kavaʼmo afole aisifi, huno ageno maiʼniye.

Hatu maeno apate'niya gemae 2:7

Ani mafaʼnemo asaʼamoʼmo eno Felo a mafaʼneeʼmo ina ge huno afi geʼniye. Nagaemo uʼna mago Himulu nofi a kanoeʼmo ha paisugeno eno nuʼmo kagaikalefeʼmo amiteno yagaino atesifiye, huno afi geʼniye.

Maika 6:4

Nagaemo Isipi kotegatiʼmo kalavusi aliʼyapatiʼmo hatu maeʼna lapateteʼna lapavaleliʼna eʼnove. Nagaemo Moseseʼagi Eloniʼagi Miliyamuʼagi huʼna yagaiʼa lapatesayafeʼmo lekana paiʼna apateteʼna aliʼna apateʼnogeʼa lapavaleliʼa eʼnae.

Napa 12:1

Moseseʼmo Itiyopiya kotegatiʼmo mago a kanomo aliʼniyaʼmofeʼmo ani kavatefeʼmo Miliyamuʼe Eloniʼeʼmo Mosesefeʼmo hosu gemo huʼana ge hauʼnaʼae.

Napa 12:10

Ani hiyaʼmo seli noʼmo agotofuleʼmo haneʼniyatetiʼmo ataleno neʼvigenoʼaeʼmo malage huno Miliyamuʼa lepolosi kaitaʼmo hauʼnigeno agufamo alino yaveyaveʼage agufamo hamaleʼniye. Eloniʼa aino afe leno Miliyamuʼmo ageyana lepolosi a kanomo alino hamaleʼniye.

Napa 12:15

Inagi Isaleli vayaʼmogimo Miliyamuʼmo aliʼa seli noteʼmo malagamo ateʼnageno seveniʼa afinaʼmo maiʼniye. Maiʼnigeʼapaeʼmo Isaleli vayaʼmo he tiʼa alu haopalegamo oʼuʼnae.

Napa 13:21

Inagi ani vayaʼmo uʼa muki haopalega mopamo lamaga haopalega Yini kaʼme kotetiʼmo aepa faiʼa ageteʼa ageliʼuʼa Lihopi taonimo Hemati taonilegamo uʼniya ka avayaleʼmo hoga haopalegamo uʼnae.

Napa 13:26

Apakaemo ataleʼa Mosesetegagi Elonitegagi muki Isaleli vayaʼaitegagi huʼa halate eʼnae. Mukiʼamo Kenesi taonimo haopaleʼmo Pelani koʼmo hau huʼniya koteʼmo maiʼnae. Apakaemo ageʼnaya kavafeʼmo hapa paiteʼa ani aliniʼa eʼnaya neʼyaʼmo aliʼa apave liʼnae.

Napa 20:16

Inagi lagaemo Ala kava neʼmoʼa laha maesiyafeʼmo ge huʼnonageno afitenoʼaeʼmo mago enisole vekaʼamo alino ateʼnigeno emineno Isipi kotegatiʼmo lavalelino eʼniye. Hemenimo lagaemo Kenesi taonifiʼmo kagae koʼmo hakuteʼmo haneʼniya taonifiʼmo eta maiʼnone.

Napa 20:22

Muki Isaleli vayaʼmo Kenesi kotegatiʼmo ataleʼa uʼa Ho aveʼmo Iʼnomu koʼmo agiʼnaleʼmo avayi huʼnae.

Napa 20:28

Apakaemo uʼa avaʼyi huteʼapaeʼmo Moseseʼa Eloniʼmo vailiʼneno monoʼmo huno neʼapateya kukena yaʼamo asagino Iliyesaʼmo Eloni mafaʼnemo vaino ateʼniye. Eloniʼmo avefiʼmo maiʼneno faliʼniye. Inagi Moseseʼe Iliyesaʼeʼmo aveletiʼmo ataleʼana emiʼeʼnaʼae.