Napa 17:8 - The Keyagana NT and 25 OT books

⁸ Moseseʼa egaʼamo seli mono nopiʼmo uno haino ageʼniyana Eloniʼmo Livai nofi vekamo hayopa kayoʼafatiʼmo ausasi aeteno ausemo heteno Amoni alagamo aeteno ago afu leʼniye.

Napa 17:8 ပူးပေါင်းရင်းမြစ်များ

Aepa Gemae 40:10

Ani nofiʼmoʼa loleʼe magoʼe akopamo aeteno ause heteno alagamo aeno afu leʼnigeʼna ageʼnove.

Samu 110:2

Ala kava neʼmoʼa kayotetiʼmo yagaika apatesana himamukamo Saiyoni taonifatiʼmo alino atesigeno ugiye. Kame vayakamogi folagapiʼmo maiʼneka yagaika apato, huno kaha paiʼniye.

Salomoni Yokemae 2:3

Alagepa alagamo neʼaeya yosamo yahaofilaga yosamo haneʼniya folagapiʼmo haneʼniya kava huno nahau nayamopafiʼmo neʼnahaiya vekaʼnimo ve mafaʼne anagaʼai folagapiʼmo maiʼniye. Nagaemo lusi yegemo nelegeʼnaeʼmo ani yosamo ulunapiʼmo itopaleʼmo maiʼneʼnaeʼmo lusi kava huʼna namogaga aiʼnove. Ani yosa alagamo lagiʼna neʼnogeno navayafilagatiʼmo lusi kava huno haga neʼnahaiye.

Aiyeya 4:2

Ani afinaʼmo Ala kava neʼmo ve mafaʼneʼamoʼmo saufa ausasaʼmo haineno afole aisigeʼa vayaʼamogimo ala apakimo alige ha le konali yaʼapimo alige hisayafeʼmo maigiye. Isaleli vayaʼmo kalavusifatiʼmo ataleʼa uʼnaya vayaʼmogi ani yosamo aepafatiʼmo alagepa neʼyaʼmo afole aisigeʼa ageteʼa hapaʼye hisigeʼapaeʼmo, Alagepa neʼyane, huʼa hugae.

Napa 16:5

Moseseʼa Kolaʼagi akame huʼnaya vayaʼaifenagi huno hapa painoʼaeʼmo, Ega netepiʼmo Ala kava neʼmoʼa agaiʼa aote vekaʼamo alino apave liteno ani vekamo agaiʼa haopaleʼmo avalelino egaiye. Ani lekana paino atesiya vekamo agaiʼa haopaleʼmo avalelino egaiye, huno hapa paiʼniye.

Napa 17:5

Inagi nagaemo lekana paiʼna ateʼnova vekamo hayopa kayopatiʼmo ausasiʼmo aegaiye. Ani kavatetiʼmo nagaemo Isaleli vayaʼmogi kagaefeʼmo ge kahauʼnaya vayaʼai apavayamo aliʼna akani malegauve.

Napa 17:9

Moseseʼa Ala kava netegatiʼmo muki hayopa kayoʼmo kumatega alinino lamino Isaleli vayaʼmo apave liʼnigeʼa ageteʼapaeʼmo magoke magoke vayaʼmogi hayopa kayoʼapimo aliʼnae.

Himulu 9:4

Ani nopiʼmo hiʼyalamuʼmo goli yafatetiʼmo alo huʼnaya hiʼyalamuʼmo haneʼniye. Ani hiʼyalamuteʼmo alagepa atumo neʼaiya yaʼmo kaeʼnae. Mago kesimo agiʼamo kotalake kesimo yosaletiʼmo alo huteʼa goli yafatetiʼmo yosaleʼmo fale aiʼa ati kae maleʼnaya kesimo ani nopiʼmo haneʼniye. Ani kesifiʼmo goli yafa yuvapamo hanege Eloni hayopa kayoʼafatiʼmo ausisi aeʼniya hayopa kayoʼmo hanege lole yafatalateʼmo kotalakemo avoʼmo kae maleʼniya yafatalaʼmo hanege huʼniye. Yuvapafiʼmo mago neʼyaʼmo kokuʼnapatiʼmo emineʼniya neʼyaʼmo agiʼamo manamo haneʼniye.