Napa 17:10 - The Keyagana NT and 25 OT books

¹⁰ Ala kava neʼmoʼa Mosesefeʼmo ha painoʼaeʼmo, Eloni hayopa kayoʼmo halate seli mono nopiʼmo alinika haika kotalake kesimo haopaleʼmo malo. Gemo amagiʼa neʼatalaya vayaʼmogimo apakesamo afisaya alagena yaʼmo hanegaiye. Apakaemo ofalisayafeʼmo magoʼe huʼa ge oʼnegae.

Napa 17:10 ပူးပေါင်းရင်းမြစ်များ

Samu 57:4

Nagupi mafaʼnemoʼmo laiyoni anagaʼmogi folagapiʼmo maiʼniye. Nagaemo ma mopafi vayaʼmo atagana huʼa maiʼnaya vayaʼai folagapiʼmo maiʼnove. Apaveʼmoʼa hayo kana huno hanege kevegana huno hanege huʼniye. Apavenafuʼnamo aveʼmo neʼneya naipegana huno haneʼniye.

Hatu maeno apate'niya gemae 16:32

Moseseʼa apakaefeʼmo ina ge huno hapa paiʼniye. Ala kava neʼmoʼa naha painoʼaeʼmo, Magoke samomo aiseʼamo alopa hugekana huʼnisiya samofiʼmo ani neʼyaʼmo maleʼnisageʼa lapakinago vayaʼmogimo agegae. Nagaemo Isipi kotegatiʼmo lapavaleliʼna kaʼme kotegamo eʼnaeʼmo lapamiʼnova neʼyaʼmo agesayafeʼmo malegae, huno naha paiʼniye, huno hapa paiʼniye.

Hatu maeno apate'niya gemae 16:34

Ala kava neʼmoʼa Mosesefeʼmo huvo, huno ha paiʼniya gemo Eloniʼa akame hisiyafeʼmo ani samomo alino kotalake kesimo haopaleʼmo maleʼniye.

Aiyeya 1:2

Ala kava neʼmoʼa hunoʼaeʼmo, Kokunapi vayanagi ma mopafi vayanagi hutapa geʼnimo afiyo. Ala kava neʼmoʼnamo nagemo aiʼna gemo ago hu maleʼnovaʼmofeʼmo afiyo. Nagaemo mafaʼneʼnimo alagepa huʼna yagaiʼna apateʼnovaʼmonanafa yagaiʼna apateʼnova vekamoʼna geʼnimo oʼafiʼnae.

Napa 14:5

Inagi Moseseʼe Eloniʼeʼmo muki Isaleli vayaʼai apaulagaleʼmo anaugosalegatiʼmo mopafiʼmo asagauʼana aiʼnaʼae.

Napa 16:21

Nagaemo mani vayaʼmo malage huʼna aliʼna hano huʼna apatalesuvafeʼmo apataletana viʼao.

Napa 16:38

Hosu kavaʼapilefeʼmo faliʼnaya vayaʼmogi ata kaeʼnaya yuvapamo aliʼa amagiʼa latapa huteʼa ofalini hiʼyalamuteʼmo aiʼa ati kaegae. Apakaemo ani yuvapafiʼmo Goti aulagaleʼmo ofalinimo huʼnayaʼmofeʼmo aote yuvapamo haneʼniye. Isaleli vayaʼmogimo ageteʼapaeʼmo alagena yaʼmo haneʼniye, huʼa huteʼa ani afole aiʼniya kavafeʼmo apakesamo afigae.

Napa 16:40

Ani aiʼa ati kae maleʼnaya kavaʼmoʼmo Isaleli vayaʼmo apakesa afi yaʼmo apamisiya kavaʼmo huʼnae. Ageteʼapaeʼmo Eloni nofi vayaʼamogigeʼmo alagepa atumo aisiya laʼnefamo Ala kava neʼmo aulagaleʼmo ofalini hiʼyalamuteʼmo afaʼa kaegae. Mago alu nofi vekamoʼmo ani ofalini kavaʼmo nehisigenoʼaeʼmo Ala kava neʼmoʼa Kolaʼe akame huʼnaya vayaʼaitegaʼeʼmo huʼniya agufa kavaʼmo hugiye. Ala kava neʼmoʼa Mosese avayaletiʼmo ha paiʼniya kavaʼamo huʼniye.

Napa 17:11

Inagi Moseseʼmo Ala kava neʼmoʼa ha paiʼniya kavaʼmo huʼniye.

Napa 17:4

Aliteka tuolofuʼa hayopa kayoʼmo seli mono nopiʼmo kotalake kesimo haopaleʼmo alitaʼa anupa hutaʼa maiʼnoʼa yategamo malo.

Napa 17:9

Moseseʼa Ala kava netegatiʼmo muki hayopa kayoʼmo kumatega alinino lamino Isaleli vayaʼmo apave liʼnigeʼa ageteʼapaeʼmo magoke magoke vayaʼmogi hayopa kayoʼapimo aliʼnae.

Napa 20:9

Inagi Moseseʼmo Ala kava neʼmo geʼamo akame huno uno kotalake kesimo haopaleʼmo haneʼniya hayopa kayoʼmo aliʼniye.

1 Kolitiyani 10:10

Apakaepatiʼmo magoʼamogimo alagepa huʼa oʼmaiʼnayaʼmofeʼmo hagalu hagalu huʼa ge neʼnagenoʼaeʼmo vayaʼmo neʼapamagiya enisole vekamoʼmo emineno kamitimo apamagiʼniye.

Efasasi 5:6

Mani agufa hosu kavaʼmo nehayaʼmofeʼmo Goti geʼamo oʼafiʼa amagiʼa neʼatalaya vayaʼaifeʼmo aipamo leno neʼapateyanageno alagi apamagigiyaʼmofeʼmo fiku yanageʼa mago vayaʼmogi afa gemo huteʼa humi lapategae.

Himulu 9:4

Ani nopiʼmo hiʼyalamuʼmo goli yafatetiʼmo alo huʼnaya hiʼyalamuʼmo haneʼniye. Ani hiʼyalamuteʼmo alagepa atumo neʼaiya yaʼmo kaeʼnae. Mago kesimo agiʼamo kotalake kesimo yosaletiʼmo alo huteʼa goli yafatetiʼmo yosaleʼmo fale aiʼa ati kae maleʼnaya kesimo ani nopiʼmo haneʼniye. Ani kesifiʼmo goli yafa yuvapamo hanege Eloni hayopa kayoʼafatiʼmo ausisi aeʼniya hayopa kayoʼmo hanege lole yafatalateʼmo kotalakemo avoʼmo kae maleʼniya yafatalaʼmo hanege huʼniye. Yuvapafiʼmo mago neʼyaʼmo kokuʼnapatiʼmo emineʼniya neʼyaʼmo agiʼamo manamo haneʼniye.

1 Samiyo 2:12

Ilai mafaʼnelaʼmo alagi hosu vekalaʼmo maiʼnaʼae. Anakaemo Ala kava neʼmo oʼageʼnaʼae.

1 Samiyo 30:22

Inagi mago alagi hosu vayaʼmogi Neviniʼeʼmo magokepi lokaeʼa uʼnaya ati vayaʼmogimo huʼapaeʼmo, Ani vayaʼmogi lagaeʼeʼmo magokepiʼmo oʼuʼnayaʼmofeʼmo lagaemo kamemo huteta kamefatiʼmo alinita eʼnona yapatiʼmo oʼaligae. Apakaemo aʼne mafaʼneʼapigekeʼmo apavaleliʼa ugae, huʼa huʼnae.