Napa 16:9 - The Keyagana NT and 25 OT books

⁹ Isaleli vayaʼmogita Gotitimoʼmo Isaleli vayapatiʼmo lapavaleno alino lapaote lapateteno agaiʼa haopaleʼmo lapavalelino eʼnigetapa Ala kava neʼmo seli mono noʼmo aliʼyaʼmo alitetapa Isaleli vayaʼai aliʼyaʼapimo alisayafeʼmo ina agufa aliʼyane, hutapa lapakesamo neʼafifiye.

Napa 16:9 ပူးပေါင်းရင်းမြစ်များ

Aepa Gemae 30:15

Liyaʼa hunoʼaeʼmo, Anauʼnimoʼmo alika kagaeʼekeʼmo neʼmaiya kavafeʼmo kagesamo afikaeʼmo, aise yane, huka nehapiye. Hutekaeʼmo kagaemo mafaʼneʼnimoʼmo alinino eʼniya kahauʼeʼmo namiyo, huka hapiye, huno huʼnigeno Lesoʼa hunoʼaeʼmo, Inagi ani yaʼmo namisanana Yekopuʼeʼmo hemeni haniʼilagamo magokepi lokaeka havaegane, huno ha paiʼniye.

2 Sitoli 35:3

Agaemo Isaleli vayaʼmo aliʼa apaya neʼmalaya Livai nofi vayaʼmogi Ala kava netefeʼmo apaote maiʼnaya vayaʼaifeʼmo hapa painoʼaeʼmo, Ala kava neʼmo kotalake kesiʼamo alitapa kini vekamo Solomoniʼmo Nevini mafaʼnemoʼmo ki maleʼniya nopiʼmo maleyo. Lapakaemo magoʼe hutapa kotalake kesimo alita kofi litapa oʼugae. Hemenimo Ala kava neʼmo Gotitapimo aliʼyaʼamo alige Goti vayaʼamo Isaleli vayaʼmo hapa maege hutapa maiyo.

Aiyeya 7:13

Inagi Aiyeyaʼmo hunoʼaeʼmo, Nevini vayane, huʼna, afiyo. Lapakaemo hosu kavaʼmo hisageʼa ma mopafi vayaʼmogi alaga hapaesiya kavaʼmo afole aisiyaʼmoʼmo aise kavaʼmo haneʼniyaʼmonanafa Gotiʼnimoʼeʼmo alagaʼmo haesiyafeʼmo hosu kavaʼmo hisafiye, huno ge huno apafi geʼniye.

Napa 16:13

Kagaemo alagepa mopamo haneʼniya koʼmo Isipi kotegatiʼmo lavalelika mani kaʼme koteʼmo falisunafeʼmo eʼnane. Ani hosu kavakamo aise hosu kavaʼmo haneʼnifiye. Kagaemo ani kavaʼmo hutekaeʼmo hemenimo magoʼe huka hosu kavaʼmo huka yagaika latesanafeʼmo nehapiye.

Napa 16:8

Inagi Moseseʼa Kolafeʼmo hunoʼaeʼmo, Livai nofi vayaʼmogitapae, huʼna, Afiyo.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

1 Kolitiyani 4:3

Lapakaeʼe mago ma mopafi vayaʼeʼmo hutapaeʼmo, alagepa aliʼyaʼmo neʼaliye, hutapa nehisafi hosu aliʼyaʼmo neʼaliye, hutapa nehisafi alita fako hutapa neʼnatesayana ina agufa kavaʼmo nehae, huʼna nagesamo neʼafuve. Inagi nagaiʼnimo, alagepa aliʼyaʼmo neʼaluve, huʼna osuge, hosu aliʼyaʼmo neʼaluve, huʼna osuge huteʼna aliʼyaʼnieʼmo aliʼna fako huʼna noʼatove.

1 Samiyo 18:23

Inagi apakaemo uʼa Nevinifeʼmo ani gemo ha paiʼnayaʼmonanafa Neviniʼa hunoʼaeʼmo, Nagaemo kini vekamo ayemoʼamoʼnamo maisuva kavaʼmo aise kavaʼmo haneʼniye, hutapa lapakesamo neʼafifiye. Haʼao, kagemi yaʼnimo ohanege ala nagimo ohanege huʼniye, huno hapa paiʼniye.