Napa 16:5 - The Keyagana NT and 25 OT books

⁵ Moseseʼa Kolaʼagi akame huʼnaya vayaʼaifenagi huno hapa painoʼaeʼmo, Ega netepiʼmo Ala kava neʼmoʼa agaiʼa aote vekaʼamo alino apave liteno ani vekamo agaiʼa haopaleʼmo avalelino egaiye. Ani lekana paino atesiya vekamo agaiʼa haopaleʼmo avalelino egaiye, huno hapa paiʼniye.

Napa 16:5 ပူးပေါင်းရင်းမြစ်များ

Samu 105:26

Agaemo aliʼyaʼamo neʼaliya vekamo Moseseʼe lekana paino ateʼniya vekamo Eloniʼeʼmo alino anateʼnigeʼana kini vekalegamo uʼnaʼae.

Samu 115:10

Gotifeʼmo mono hutapa neʼapataya Eloni nofi vayane, huʼna, Ala kava nefeʼmo alita amufa amiyo. Agaemo hapa maeno halegukana huno yagaino neʼapate.

Samu 65:4

Lekana paika apateʼnana vayaʼmo aulena vayaʼmo maiʼnae. Kagaemo apakaemo kagaetegamo eʼa mono nokafiʼmo maisayafeʼmo apavalelika neʼane. Nokafiʼmo maiʼnetaeʼmo laipamoʼmo alagi kanale hugiye. Lagaemo aote mono nokafiʼmo maisunagekaeʼmo alika auleka lategane.

Malakai 3:18

Ani afinaʼmo lapakaemo ani vayaʼmo apaketapa aeto hutetapaeʼmo, fatago vayaʼmae, hutapa apaketa aeto huge ani vayaʼmo hosu vayaʼmae, hutapa apaketa aeto huge Goti aliʼyaʼamo aliʼnaya vayaʼmae, hutapa apaketa aeto huge Goti aliʼyaʼamo oʼaliʼnaya vayaʼmae, hutapa apaketa aeto huge hugae, huno hapa paiʼniye.

Napa 16:3

Apakaemo eʼa Mosesetegaʼe Elonitegaʼeʼmo aliʼa anupa huʼneʼapaeʼmo, Lanakaemo lusi kava hutana lanakitanileʼmo alitana asaga huʼnaʼae. Mukiʼamogitamo Goti aote vayaʼamo maiʼnone. Ala kava neʼmoʼa lagaeʼeʼmo magokepi lokaeno maiʼniye. Haiya kava higetanaeʼmo ala lanakimo alitetana lagaeteʼmo yagaitana latesaʼafeʼmo nehaʼae, huʼa huʼnae.

Napa 16:6

Ina kavaʼmo hiyo. Ega netepiʼmo Kolagaʼe muki kakame nehaya vayaʼenagi hutapa yuvapamo alitetapa alagepa atumo neʼaiya laʼnefamo alitetapa aise atagi alagepa atumo neʼaiya laʼnefagi hutapa ani yuvapafiʼmo maletetapa alinita eyo. Etapa seli mono noteʼmo Ala kava neʼmo aulagaleʼmo he titapa maiyo. Ala kava neʼmoʼa lagae folagapatiʼmo lekana paino ateʼniya vekamo alino laveligiye. Lekana paino ateʼniya vekamo aote vekamo maiʼniye. Livai nofi vayaʼmogitapae, huʼna, lapakaemo ala lapakitapimo alitetapa Ala kava neʼmoʼa olapamiʼniya aliʼyaʼmo alisayafeʼmo lapauʼniye.

Napa 17:5

Inagi nagaemo lekana paiʼna ateʼnova vekamo hayopa kayopatiʼmo ausasiʼmo aegaiye. Ani kavatetiʼmo nagaemo Isaleli vayaʼmogi kagaefeʼmo ge kahauʼnaya vayaʼai apavayamo aliʼna akani malegauve.

Napa 17:8

Moseseʼa egaʼamo seli mono nopiʼmo uno haino ageʼniyana Eloniʼmo Livai nofi vekamo hayopa kayoʼafatiʼmo ausasi aeteno ausemo heteno Amoni alagamo aeteno ago afu leʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Apa 1:24

Lekana paiʼa anateʼneʼana nunumuʼmo huʼapaeʼmo, Ala kava nene, huʼa, Muki vayaʼai apaipafiʼmo neʼapakane. Mani lole vekalapatiʼmo lekana paika ateʼnisana vekamo alika lave liyo.

Apa 13:2

Ani vayaʼmogimo Ala kava nefeʼmo mono huge neʼyaʼmo mosige huʼa maiʼnagenoʼaeʼmo Goti Aunemeʼamo aote Aunemeʼamoʼmo hapa painoʼaeʼmo, Nagaemo Manamasiʼe Soloʼeʼmo aliʼyaʼnimo alisaʼafeʼmo keya aeʼna ge huʼnovanagi alitana anaote anategeʼanao, huno hapa paiʼniye.

Apa 15:7

Lusi kava huʼa ge huge afige huʼa maiʼneʼapaeʼmo Pitaʼa he tino, konagaʼnimogitapae, huno, Akeyaʼvilagamo Gotiʼa alagepa faigoko geʼamo alu nofi vayaʼaifeʼmo aeʼna hakalo huʼna hapa paisugeʼa afiteʼapaeʼmo apakesamo afiʼa fatago hisayafeʼmo lapakaepatiʼmo nagaemo lekana paino nateʼniye.

Apa 22:14

Agaemo hunoʼaeʼmo, Laginago vayaʼai Gotiʼapimoʼa lekana paino kateʼniye. Gotiʼa hogoteno hunoʼaeʼmo, ani kavaʼmo huguve, huno agesamo afiʼniya kavafeʼmo ava gemo afiteka alagepa kavaʼmo nehiya vekamo ageteka agaiʼa avayafatiʼmo huʼniya gemo afisanafeʼmo lekana paino kateʼniye.

Efasasi 2:13

Lapakaemo afagiʼaleʼmo maiʼnayaʼmonanafa hemenimo Kalaisi Yesupiʼmo maiʼnagenoʼaeʼmo Kalaisiʼa kolaʼaletiʼmo lapavalelineno Goti haopaleʼmo lapateʼniye.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.

Himulu 12:14

Lapakaemo muki vayaʼeʼmo alagepa hutapa magokepi lokaeta maiʼnetapa aote kavaʼmo alisayafeʼmo nagu nagu hutapa vegala aeyo. Aote kavaʼmo oʼaliʼnisaya vayaʼmogimo Ala kava neʼmo oʼagegayaʼmofeʼmae.

Leveleseni 1:6

Agaemo afoʼamo Goti aliʼyaʼamo alisunafeʼmo yagaita apatesuna ala kini vayaʼe mono huta neʼapatona vayaʼeʼmo alino hamaleno lateʼniye. Yesu Kalaisiʼa ha le konali yaʼaʼe himamuʼaʼeʼmo aliteno muki afinaʼmo maige maige huno maino. He, lama ge.

1 Samiyo 2:28

Nagaemo muki Isaleli nofi vayapatiʼmo Eloni nofi vayaʼmogi mono huʼa neʼapataya vayaʼmo maisayafeʼmo lekana paiʼna oʼapateʼnofiye. He, apakaemo yafa hiʼyalamuteʼmo ofalinimo huge alagepa atumo neʼaiya laʼnefamo kaege naulagaleʼmo mono kukenamo vaige hisayafeʼmo lekana paiʼna apateʼnove. Nagaemo hapa paiʼnaeʼmo, Isaleli vayaʼmogimo atafiʼmo muki kaesaya ofalinimo atupaʼamo afaʼa negae, huʼna hapa paiʼnove.