Napa 16:46 - The Keyagana NT and 25 OT books

⁴⁶ Inagi Moseseʼa Elonifeʼmo ha painoʼaeʼmo, Alagepa ofalini yuvapamo aliteka ani yuvapafiʼmo ofalini hiʼyalamutetiʼmo atamo aeka maleka alinika eno. Mago alagepa atumo aisiya laʼnefamo ani ataleʼmo alika maleteka alinika malage huka muki vayaʼai folagapiʼmo uvo. Muki vayaʼai hosu kavaʼapilefeʼmo ofalinimo hugeʼapao Goti aulagaleʼmo alagepa huʼa maigae. Ala kava neʼmoʼa apakaefeʼmo aipamo leno apateteno alopa kaita kayotetiʼmo aepa faino apamagiʼniye, huno ha paiʼniye.

Napa 16:46 ပူးပေါင်းရင်းမြစ်များ

Samu 106:29

Ani kava huʼnagenoʼaeʼmo Ala kava neʼmoʼa aipamo leno apateteno alopa kaitaʼmo apamiʼniye.

Samu 141:2

Vayaʼmogi kagaemo alagepa atumo neʼaiya ofalini yafeʼmo amuse nehana kava huka nunumuʼmo nehuva geʼnieʼmo amuse huʼneka afiyo. Nayaʼmo aliʼna asaga huʼneʼna nunumuʼmo nehuva kavaʼnimoʼmo uneʼmo afumo amagiʼa ofalinimo nekamiya yakana hino.

Hamakaki 3:5

Agaemo alopa kaitaʼmo alino ateʼnigeno eno asole vayaʼmo kaita hapauʼniye. Uʼnigenoʼaeʼmo magoʼe huno alopa kaitaʼmoʼa akame huno uʼnigeno magoʼe vayaʼmo kaita hapauʼniye.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Napa 11:33

Apakaemo aepa faiʼa namamo ameʼamo neʼnagenoʼaeʼmo inagi Ala kava neʼmo malage huno aipamo leno apateteno alopa hosu kaitamo alino ateʼnigeno apakaetegamo eʼnigeʼa asole ve aʼnemo faliʼnae.

Napa 25:13

Agaemo Gotiʼamotefeʼmo kaino faiteno Isaleli vayaʼai hosu kavaʼapimo aliʼna atalesuvafeʼmo kaʼmo valino nateʼniyaʼmofeʼmo agaegi aginago mafaʼne anaganagi huʼna kotalakemo hu malegauve. Apakaemo mono huʼa apatesaya vayaʼmo muki afinaʼmo maige maige huʼa maigae.

Napa 25:8

Agaemo seli nopiʼmo uno haino hayoʼaletiʼmo magokepiʼmo ve kanoʼe a kanoʼeʼmo anakufafiʼmo aeno haniʼnigeʼana faliʼnaʼae. Ani kavatetiʼmo ani alopa kaitaʼmo hano huʼniye.