Napa 16:41 - The Keyagana NT and 25 OT books

⁴¹ Egaʼamo muki Isaleli vayaʼmogimo Moseseʼe Eloniʼefeʼmo ge hanauʼnaʼae. Ge hanauʼanaeʼmo, Lanakaemo Ala kava neʼmo vayaʼamo kamitimo apamagiʼnaʼae, huʼa huʼnae.

Napa 16:41 ပူးပေါင်းရင်းမြစ်များ

1 Kini 18:17

Ehapiʼmo Ilaiyaʼa agetenoʼaeʼmo, Kagaemo Isaleli vayaʼmo hanageke yaʼmo alika neʼapamina vekamo kagaemo maiʼnapiye, huno huʼnigenoʼaeʼmo

Samu 106:13

Huʼnayaʼmonanafa huʼniya kavafeʼmo ago apake kaniʼnigeʼapaeʼmo agaefeʼmo na agufa kavaʼmo hisune, huʼa ge huʼa afi okeʼneʼa afa kavakeʼmo huʼnae.

Samu 106:23

Henagaʼamo Gotiʼa aipamo leno apatetenoʼaeʼmo vayaʼnimo aliʼna apagoʼya lagauʼna apatalegauve, huno huʼnigenoʼaeʼmo Gotiʼa aliʼyaʼamo alisiyafeʼmo lekana paino ateʼniya vekamo Moseseʼa nunumuʼmo huno apatetenoʼaeʼmo apamagisiya kaʼmo ago akani maleʼnigeno Gotiʼa afaʼa apateʼniye.

Aiyeya 26:11

Ala kava nene, huʼna, koli hisayafeʼmo kayaʼmo alika asagauʼnanaʼmonanafa apakaemo oʼagegae. Oʼagegayaʼmonanafa vayakamo hapa maesanafeʼmo kahaʼye nehiya kavaʼmo ageteʼa apavagage hugiye. Kagaemo vayakaeʼmo lusi kava huno kahauʼnigeka hapa neʼmane, huʼa ageteʼa apavagage hugiye. He, kaipamo lesiya kavakamoʼmo kame vayakamo atakana huno apalegaiye.

Napa 14:2

Mukiʼamogimo Moseseʼe Eloniʼeʼmo ge hanauteʼapaeʼmo, Lagaemo Isipi kotegamofi kaʼme kotegamofi huta faliʼnonesinana kanale huʼniyesine.

Matiyu 5:11

Nagaetefeʼmo huʼa faipa huʼa lapatege apaini huʼa lapatege lapakaefeʼmo aigofe gemo huʼapaeʼmo, ani hosu kavaʼmo nehae, ina hosu kavaʼmo nehae, huʼa nehisayana Goti aulena vayaʼamo maiʼnae.

Apa 21:28

Isaleli vayaʼmogitapae, huʼa, Laha maeyo. Ani vekamoʼmo Yu vayaʼmogitaeʼmo hosu lava gemo huge Mosese keʼaepa geʼaeʼmo hosu gemo haneʼniye, huno huge mani alopa mono nofeʼmo hosu ge huge huno muki kotegamo alino apaya neʼmale. Agaemo hemenimo mago alu nofi vayaʼmo apavalelineno lagae laote mono notimo alino hosu huno ateʼniye, huʼa hapa paiʼnae.

Apa 5:28

Ani vekamo agiʼalefeʼmo alita apaya oʼmaleyo, huta lokiya gemo huta lapa opaiʼnopiye. Ago lapa paiʼnonaʼmonanafa ani getapimoʼmo aino atagu faeno uneno huno Yulusalemu taonifiʼmo havai teʼniye. Lapakaemo aigofe gemo hutapaeʼmo, apakaemo ani vekamo amagiʼnae, hutapa lagaepikeʼmo alita faita nelatae, huno hapa paiʼniye.

1 Kolitiyani 10:10

Apakaepatiʼmo magoʼamogimo alagepa huʼa oʼmaiʼnayaʼmofeʼmo hagalu hagalu huʼa ge neʼnagenoʼaeʼmo vayaʼmo neʼapamagiya enisole vekamoʼmo emineno kamitimo apamagiʼniye.

2 Kolitiyani 6:8

Mago vayaʼmogi lagitileʼmo aliʼa afepi nelatae. Mago vayaʼamogi huʼa faipa huʼa nelatageʼa mago vayaʼamogi ala lagitimo nelamiye. Mago vayaʼmogi huʼapaeʼmo, apakesamo nefaiya vayaʼmo maiʼnae, huʼa nehayaʼmonanafa lama ge vayaʼmo maiʼnone.

Yuti 1:16

Ani vayaʼmogimo muki kavafeʼmo ohapauʼniyaʼmofeʼmo hagalu hagalu gemo nehuʼapaeʼmo aiʼa maku make nehae. Apakufamoʼmo hauʼniya kavaʼmo akame nehuʼapaeʼmo, ala vayaʼmo maiʼnone, huʼa nehae. Apakaemo hapauʼniya kavaʼmo afole aisiyafeʼmo apavayaletiʼmo ge huʼa hapao ke nehae.