Napa 16:35 - The Keyagana NT and 25 OT books

³⁵ Ala kava neʼmoʼa atamo alino ataleʼnigeno emineno tu hataleti fifitiʼa ve anagaʼmogi alagepa atumo neʼaiya ofalinimo nehaya vayaʼmo apaleno apasagaliʼniye.

Napa 16:35 ပူးပေါင်းရင်းမြစ်များ

Samu 106:18

Kokuʼnapatiʼmo atamo emineno hosu kavaʼmo huteʼa anakame huʼnaya vayaʼeʼmo alagi leno apasaga liʼniye.

Samu 50:3

Gotitimoʼa eminenoʼaeʼmo ge osuno afaʼa oʼmaigiye. Atamo lelino uno hogotetesigeno eminegaiye. Alopa yasimo alige ko aige hulino haopaʼaleʼmo egaiye.

Napa 16:17

Mukiʼamogitapamo magoke magoke yuvapatapimo tu hataleti fifitiʼa yuvapatapimo alitetapa alagepa atumo aisiya laʼnefamo maleta alinita Ala kava netegamo eyo.

Napa 16:2

Ani foʼa vayaʼe Isaleli vayaʼaiteʼmo yagaiʼa neʼapataya vayaʼmo tu hataleti fifitiʼa vayaʼeʼmo Moseseʼmo agoti huʼa atesayafeʼmo Mosese aulagaleʼmo aliʼa anupa huʼa he tiʼnae. Isaleli vayaʼmogi ani neʼyagaiya vayaʼmo lekana paiʼa apateʼnageno vayaʼmogi apaulagaleʼmo ala apakiʼapimo haneʼniye.

Napa 16:34

Ani kelifiʼmo uʼa nelamiʼapaeʼmo lusi kava huʼa kage kage huʼnageʼapaeʼmo muki Isaleli vayaʼmogimo apaune neheʼapaeʼmo, Fiku yanageno mopamo aino akaka vaesigeta lagaeʼeʼmo asagauta aigune, huʼa huʼnae.

Napa 16:36

Inagi Ala kava neʼmoʼa Mosesefeʼmo ina ge huno ha paiʼniye.

Napa 16:49

Ani afinaʼmo fotini tauseni seveni hataletiʼa vayaʼmo alopa kaita kayotetiʼmo apamagiʼnigeʼa faliʼnae. Hogoteʼa Kolaʼa huʼniya kavatetiʼmo magoʼe huʼa alu vayaʼmo faliʼnae.

Leveleseni 11:5

Mago vayaʼmogimo kame huʼa anatesayafeʼmo nehisagenoʼaeʼmo anavayafatiʼmo atamoʼmo leno pasaga ligiye. Ani kava huʼa kame huʼa anatesayafeʼmo nehisaya vayaʼeʼmo faligae.