Napa 16:33 - The Keyagana NT and 25 OT books

³³ Apakaeʼe muki magokepi lokaeʼa maiʼnaya vayaʼeʼmo afaʼa maiʼneʼapaeʼmo yatala kelifiʼmo uʼa lamiʼnageno mopamoʼmo aeno apati kaeʼnigeʼa Isaleli vayapatiʼmo apataleʼa faliʼnae.

Napa 16:33 ပူးပေါင်းရင်းမြစ်များ

Yuti 1:11

Vaehae, huʼna, apakaetegamo kagegage kavaʼmo afole aigiye. Keniʼa hosu kateʼmo uʼniya kava huʼa ani kateʼmo uʼnae. Melamiʼa monimo alisiyafeʼmo hosu kavaʼmo huʼniya kavaʼmo huʼa apayamukiki huʼnae. Kolaʼa Mosese geʼamo oʼafiʼniyaʼmofeʼmo Gotiʼa alino agoʼya lagauno ataleʼniya kava huʼa hosu kavaʼmo nehayanageno alino apagoʼya lagauno apatalegaiye.

Samu 143:7

O Ala kava nene, huʼna, Geʼnimo afiteka malage huka naha mao. Nauneʼnameʼnimo faligekana huno maiʼniye. Kagaemo nagaefeʼmo fala okiyo, fiku yanageʼna faliteʼa alopa kelifiʼmo uʼa lamiʼnaya vayakana huʼna maiguve.

Samu 69:15

Aniʼmo heteno aeno nati kaege alopa anipiʼmo aeʼna lapanege yatala kelifiʼmo avayamo aino akanino natege hisigeʼna maisuvafeʼmo oʼnatalo.

Samu 55:23

O Gotiyo, huʼna, Kagaemo alika apatalesanageʼa faligae. Kame nehaya vayaʼe aigofe gemo nehaya vayaʼeʼmo aupa afinaʼmo maiteʼa faligae. Faligayaʼmonanafa nagaemo aliʼna amufa kamiguve.

Samu 9:15

Kagaefeʼmo mono nosaya vayaʼmogi kateʼmo esaya vayaʼmo asagauʼa aisayafeʼmo kafi maleʼnaya kelifiʼmo apakaiʼapimo asagauʼa aiʼnae. Aneʼaimo hanagi maleʼnayaʼmonanafa apakaiʼapigeʼmo heʼnae.

Napa 16:32

Mopamo aino akaka vaeteno alino nakaiʼnigeʼa apakaegi muki afamo anagaʼapigi Kolaʼeʼmo maiʼnaya vayanagi kagemiyaʼapigi huʼa asagauʼa aiʼnae.

Napa 16:34

Ani kelifiʼmo uʼa nelamiʼapaeʼmo lusi kava huʼa kage kage huʼnageʼapaeʼmo muki Isaleli vayaʼmogimo apaune neheʼapaeʼmo, Fiku yanageno mopamo aino akaka vaesigeta lagaeʼeʼmo asagauta aigune, huʼa huʼnae.

Samu 55:15

Kagaemo kameʼnimogi apatenegeʼa faliyo. Apatenegeʼa malage huʼa faliʼnaya vayaʼaitegamo lamiyo. Hosu kavaʼmo apaipafiʼmo hanege noʼapifiʼmo hanege huʼniyaʼmofeʼmae.

Samu 141:7

Layamufamo aliʼa kanolufiʼmo yaga auʼnageno haneʼniye. Vayaʼmogimo yosamo apalotiteʼa atanaʼamo aliʼa yaga auʼa ataleʼnaya kava huno layamufamo haneʼniye.

Napa 22:33

Nokikamoʼmo nagetenoʼaeʼmo loleʼe magoʼe afinaʼmo alu kateʼmo uʼniye. Alu kateʼmo oʼuʼniyesinana nagaemo ago kamiti kamagiteʼna nokimo afaʼa atesugeno maiyesine, huno ha paiʼniye.

Samu 55:16

Apakaetegamo ani kavaʼmo afole aigiyaʼmonanafa nagaemo Gotifeʼmo keya aesugeno agaemo Ala kava neʼmoʼa nagufamo alino katino nategaiye.