Napa 16:3 - The Keyagana NT and 25 OT books

³ Apakaemo eʼa Mosesetegaʼe Elonitegaʼeʼmo aliʼa anupa huʼneʼapaeʼmo, Lanakaemo lusi kava hutana lanakitanileʼmo alitana asaga huʼnaʼae. Mukiʼamogitamo Goti aote vayaʼamo maiʼnone. Ala kava neʼmoʼa lagaeʼeʼmo magokepi lokaeno maiʼniye. Haiya kava higetanaeʼmo ala lanakimo alitetana lagaeteʼmo yagaitana latesaʼafeʼmo nehaʼae, huʼa huʼnae.

Napa 16:3 ပူးပေါင်းရင်းမြစ်များ

Esala 9:2

Ina kava huʼa lagaepatiʼmo magoʼamogimo apakaiʼapiʼe ve mafaʼneʼapimogiʼeʼmo uʼa alu nofi vayaʼmogi a mafaʼnemo aliʼnayaʼmofeʼmo aote mafaʼnemo aliʼa apateʼnaya mafaʼnefiʼmo aliʼa fitagu fatagu huʼnae. Neʼyagaiya vayaʼmogiʼe yahauve vayaʼmogiʼeʼmo hogoteʼa ani agufa hosu kavaʼmo huʼnageʼa vayaʼmogi apakame huʼnae, huʼa naha paiʼnae.

Samu 106:16

Kaʼme kotega maiʼneʼapaeʼmo Moseseʼe Ala kava neʼmo aliʼyaʼamo neʼaliya vekamo Eloniʼefeʼmo, aetana laga oseʼnaʼaʼmofeʼmo yagaitana olateʼao, huʼa huʼnageno mopamo aino akaka vaeʼnigeʼa Netaniʼe afamo anagaʼaʼenagi Amilamiʼe afamo anagaʼaʼenagi huʼa asagauʼa aiʼnageno aino akaniteno aeno apati kaeʼniye.

Samu 68:17

Goti kame talalaʼamo tauseni tauseniʼamo haneʼniye. Ala kava neʼmoʼa Sainai avefiʼmo emineno maiʼniya kava huno Saiyoni avemo aote aveleʼmo emineno maiʼniye.

Hatu maeno apate'niya gemae 19:6

Nagaemo kini vekatapimo maiʼneʼna yagaiʼna lapatesugetapa naulagaleʼmo vayaʼaiteʼmo mono hutapa apatesaya vayaʼmo maige lapaote vayaʼnimo maige hugae, huka hapa paiyo.

Napa 14:14

Afiteʼa ani mopaleʼmo maiʼnaya vayaʼaifeʼmo hapa paigae. Ani vayaʼmogimo afiteʼapaeʼmo kagaemo Ala kava neʼmogamo lagaeʼeʼmo magokepiʼmo lokaeka maiʼnane. Kagaemo Ala kava neʼmogamo laugosafiʼmo lageʼnanageta kaugosafiʼmo kageʼnone. Hiyakamoʼmo lagaeteʼmo haneʼnigekaeʼmo felugamo posigana agufa hiyapiʼmo maiteka uka hogotege haniʼilagamo posigana agufa ata vaipiʼmo maiteka uka hogotege huʼnane, huʼa afiʼnae.

Napa 16:11

Lapakaemo alita anupa hutapa maiʼnetapaeʼmo Ala kava netegamo hosu kavaʼmo nehae. Eloniʼa ina laʼmo maiʼnifi hutetapa ge hauʼnae.

Napa 16:41

Egaʼamo muki Isaleli vayaʼmogimo Moseseʼe Eloniʼefeʼmo ge hanauʼnaʼae. Ge hanauʼanaeʼmo, Lanakaemo Ala kava neʼmo vayaʼamo kamitimo apamagiʼnaʼae, huʼa huʼnae.

Napa 23:21

Agaemo Yekopu vayaʼaitegamo hosu kavaʼmo oʼageʼniye. Agaemo Isaleli vayaʼaitegamo hanageke kavaʼmo oʼageʼniye. Ala kava neʼmo Gotiʼapimoʼmo apakaeʼeʼmo magokepiʼmo lokaeno maiʼniye. Apakaemo alopa gefatiʼmo kini vekaʼapieʼmo ge nehae. Ala kava neʼmo Gotitimoʼa kini vekatimo maiʼniye, huʼa nehae.

Apa 7:39

Huno hapa paiʼniyaʼmonanafa huʼniya geeʼmo ohapauʼnigeʼapaeʼmo, halate atagi neta Isipi kotegamo ugune, huʼa apakesamo afiʼnae.

Apa 7:51

Lapaipa lapakesamo akaniʼniya vayaʼmogitapae, huno, Goti geʼamo noʼafiya nofi vayakana hutapa maiʼnageno Goti geʼamo afisayafeʼmo lapaipa lapakesamo aino halo noʼaiye. Lapakinago vayaʼmogi huʼnaya kava hutapa muki afinaʼmo Goti Aunemeʼamoʼmo lapakaefeʼmo ge nehiya gemo ataletapa maitapa halove nehae.