Napa 14:34 - The Keyagana NT and 25 OT books

³⁴ Lapakaemo ani kotegamo uta mopamo agesayafeʼmo fotiʼa afinaʼmo umenitata huʼnaya kava hutapa fotiʼa kafugamo kaʼme kotegamo umenitata nehutapaeʼmo faligae. Magoke afinatefeʼmo magoke kafugamo hosu kavatapilefeʼmo kana yaʼmo alita kofilitapa utapaeʼmo oʼnahauʼniya kavaʼmo huʼnayaʼmofeʼmo kametapimo maisugetapaeʼmo alita lapamalagigae.

Napa 14:34 ပူးပေါင်းရင်းမြစ်များ

Samu 105:42

Agaemo aliʼyaʼamo neʼaliya vekamo Emalehamufeʼmo ani kavaʼmo huguve, huno hu maleʼniya geʼaeʼmo agesamo afiʼniyaʼmofeʼmo ani kavaʼmo huʼniye.

Samu 38:4

Hosu kavaʼnimoʼmo anikana huno nagenopaleʼmo aeno nati kaeʼnigeʼnaeʼmo lusi kana yaʼmo aliʼnovaʼmofeʼmo aeno nagaseʼniye.

Samu 77:8

Agaemo magoʼe huno nagaefeʼmo hau ayamopafiʼmo ohausifiye. Polomasi geʼamo ago asagauno aiʼnifiye.

Samu 95:10

Huʼnayaʼmofeʼmo ani afinaʼmo muki maiʼnaya vayaʼaifeʼmo naipamoʼmo kana huʼnigeʼnaeʼmo, muki afinaʼaeʼmo hosu apaipa apakesageʼmo afiteʼapaeʼmo nataleʼnae. Geʼnimo alagi alagepa huʼa noʼafiye.

Neniyo 9:24

Gotiʼa vayakaʼe aote taonikaleʼefeʼmo sevetiʼa sotamo lekana pai maleʼniye. Ani afinaʼmo agaemo aeno apaka seʼniya aote vekamo uvelimo lakino atesigeʼapaeʼmo Yu vayaʼmogi hosu kavaʼapimoʼmo magoʼe huno havai tesiyafeʼmo magoʼe huʼa hosu kavaʼmo hugae. Ani aote vekamoʼmo hosu kavaʼmo alino hano huno atalege alino nanu aeno apatege hanege hanege huno hanesiya fatago kavaʼamo alino afole aino atege alagamuna agegekana huʼa vayaʼmogi Gotitegati gemo aliniʼeʼa aeʼa hakalo huʼa hapa nepaiya kavaʼmo ohanesiyafeʼmo kameletiʼmo faleno aeno akanino atalege hugiye.

Napa 13:25

Apakaemo fotiʼa afinaʼmo ageʼa umenitata huteʼa aiʼa atagi neʼa eʼnae.

Apa 13:18

Apakaemo fotiʼa kafugamo kaʼme kotega maiʼneʼapaeʼmo hosu kavaʼmo huʼnayaʼmonanafa oʼapataleno hapa maeʼniye.

Himulu 4:1

Inagi Gotiʼa ani kavaʼmo huguve, huno hu maleʼniya gemo hano osuno afaʼa haneʼnigeno hemeniʼeʼmo hunoʼaeʼmo, nagaeʼeʼmo maiʼa haga leʼa maisayapiʼmo alagi u haiʼa maigae, huno laha nepaiye. Fiku yanageta lapakaepatiʼmo mago vayaʼmo uta haitapa metalegayanagi koli higetao.

Yasuva 14:10

Afiyo, huʼna, Isaleli vayaʼmogita kahaepa kaʼme koteʼmo uteta huʼnaya afinatetiʼmo Ala kava neʼmoʼa Mosesefeʼmo ani yafeʼmo ha paiʼnigeʼna maime maime eʼnogeno foti faefuʼa kafugamo ago uno hano huʼniyaʼmonanafa Ala kava neʼmoʼa naha maeʼnigeʼna hemenimo nagaemo eiti faefuʼa kafugamo ago maiʼnogenoʼaeʼmo lokiyaʼnimo hano osuʼniye.

Leveleseni 11:3

Nagaemo lole vekalaʼmoganimo nava gemo hisaʼafeʼmo himamuʼnimo anamiʼnisugeʼana nagaetegati gemo alini uʼana vani tauseni tu hataleti sigisitiʼa afinaʼmo ani kavaʼmo huʼana foti tuʼa kaileʼmo aeʼana hakalo huʼana hapa paigaʼae. Ma mopafi vayaʼmogimo hosu kavaʼmo nehayaʼmofeʼmo hosu kukenamo laisi kukana agufa kukenamo vaigaʼae, huno naha paiʼniye.

1 Samiyo 2:30

Ani kavaʼmo nehanaʼmofeʼmo Ala kava neʼmoʼnamo Isaleli vayaʼmogi Gotiʼapimoʼnamo huʼnaeʼmo, Hogoteʼna ina ge huʼna kaha paiʼnaeʼmo, Muki afinaʼmo mafaʼnekamogiʼe afokamo mafaʼnemogiʼeʼmo naulagaleʼmo aliʼyaʼnimo aligae, huʼna kaha paiʼnovaʼmonanafa hemenimo ina gemo huve. Haʼao, magoʼe hutapa aliyaʼnimo oʼaligae. Ala nagimo neʼnamiya vayaʼaina ala apakimo apamiguve. Nagaefeʼmo ina agufa gotiʼae, huʼa nehaya vayaʼaifeʼmo, ina agufa vayane, huʼna huguve.