Napa 14:31 - The Keyagana NT and 25 OT books

³¹ Muki vayaʼamo mani kaʼme koteʼmo faligayaʼmonanafa kame vayatimogimo aise mafaʼne anagatimo kalavusi huʼa apategae, hutapa huʼnaya mafaʼne anagatapimo alagepa koteʼmo apavaleliʼna uguve. Apakaefeʼmo lapakaemo hutapaeʼmo, hosu koʼmo haneʼniye, hutapa huʼnaya koʼmo uʼa haiʼa ageteʼa alagepa huʼa oʼmaigae.

Napa 14:31 ပူးပေါင်းရင်းမြစ်များ

Aepa Gemae 25:34

Amitegeno Yekopuʼa Isoʼmo peleti mayaʼe haesa hefaʼeʼmo amiʼnigeno aniʼeʼmo neteno he tino uʼniye. Isoʼa ani kavaʼmo huʼniya kavatetiʼmo yege mafaʼnemoʼmo aliʼniya yaʼaeʼmo ina agufa yane, huno huʼniye.

Samu 106:24

Apateteno alagepa mopamo lapamiguve, huno huʼniyana apakesamo afiʼa fatago osuʼnayaʼmofeʼmo ina agufa mopamo haneʼniye, huʼa huteʼa alagepa mopaeʼmo ohapauʼniye.

Mai'naya kavane 1:25

Aliʼna api aiʼna lapateʼnovana olapauʼnigetapa lapavenatuʼna hetapa atalegekana hutapa ataletetapa geʼnimo oʼafiʼnae. Hosu kavaʼmo nehae, huʼna lapa paiʼnogetapaeʼmo lapakameʼyamo namiʼnae.

Mai'naya kavane 1:30

Aliʼna api aiʼna lapateʼnogetapaeʼmo olapauʼnigetapa geʼnimo oʼafiʼnae. Hosu kavaʼmo nehae, huʼna lapa paiʼnogetapaeʼmo olapauʼnigetapa lapavenatuʼna hetapa atalegekana hutapa ataletetapa lapakameʼyamo namiʼnae.

Napa 14:3

Na kava higenoʼaeʼmo Ala kava neʼmoʼa apakaemo kamefatiʼmo lahaeteʼapaeʼmo aʼne mafaʼnetimo kalavusi huʼa apatesayafeʼmo mani koteʼmo lavalelino eʼniye. Lagaemo Isipi kotegamo halate visunaʼmoʼmo kanale hugiye.

Matiyu 22:5

Uʼa hapa paiʼnayaʼmonanafa geʼapimo oʼafiʼa atagu faeʼa u eʼa huʼnae. Mago vekamo hoyaʼalega uʼnigeno mago vekamo aliʼyaʼalega uʼniye.

Apa 13:41

Ani gemo avoʼmo kae maleʼniya gemoʼa hunoʼaeʼmo, Geʼnieʼmo huta faipa hutapa neʼataya vayaʼmogitapamo afiyo, huno, Nagaemo lapaulagaleʼmo nehuva kavafeʼmo ava gemo huʼa aliʼa lapaya neʼmalagetapaeʼmo lapakesamo afita fatago nosayaʼmofeʼmo lapau aitetapa faliyo, huno huʼniye, huno avoʼmo kae maleʼniye, huno hapa paiʼniye.

Yasuva 5:7

Inagi Yasuvaʼmo faliʼnaya Isaleli vayaʼmogi ve mafaʼne anagaʼapimo kategamo neʼvagenoʼaeʼmo apakufamo atupamo hatagauno oʼataleʼniyaʼmofeʼmo hatagauno ataleʼniye. Ala kava neʼmoʼa ani ve mafaʼne anagaʼmo afoʼapimogi apaimuʼyaleʼmo alino afole aino apateʼniye.