Napa 14:18 - The Keyagana NT and 25 OT books

¹⁸ Nagaemo Ala kava neʼmoʼnamo malage huʼna naipamo olege lusi kava huʼna nahau huʼna apatege hosu kavaʼapiʼe geʼnimo amagiʼa neʼatalaya kavaʼapiʼeʼmo aliʼna atalege nehuve. Neʼatalovaʼmonanafa vaiʼapimo haneʼniya vayaʼmo afaʼa apakegeʼna oʼapategauve. Nagaemo afoʼapimogimo huʼnaya hosu kavaʼapiletiʼmo mafaʼne anagaʼapigi lotoʼapimogiʼenagi apakinago vayaʼenagi huʼna kayoʼmo apamiguve, huka huʼnane.

Napa 14:18 ပူးပေါင်းရင်းမြစ်များ

Samu 103:8

Ala kava neʼmoʼa hau huno apatege fiku hapa maeno apamige vase vase huno aipamo leno apatege lusi kava huno hau ayamopafiʼmo hauge nehiye.

Samu 108:4

Kahau huka nelatana kavaʼmo atupaʼamoʼmo kokuʼnapiʼmo uno haino aeno aga seʼniye. Muki afinaʼmo gekamo akame nehana kavaʼmoʼa hiyateʼmo uno haiʼniye.

Samu 145:8

Ala kava neʼmoʼa fikumo laha maeno lamige hau huno latege malage huno aipamo leno olatege hau ayamopafiʼmo hauge nehiye.

Samu 78:38

Ani kavaʼmo huʼnayaʼmonanafa hau ayamopafiʼmo hauʼniya vekamo maiʼniyaʼmofeʼmo muki vayaʼamo kamitimo oʼapamagiʼnifa hosu kavaʼapigeʼmo alino ataleʼniye. Muki afinaʼmo aipamo leno apatege apatege huno maiʼniyaʼmonanafa aipamo leno apateʼniya kavaʼamo ataleʼniye.

Hatu maeno apate'niya gemae 20:5

Nagaemo Ala kava neʼmo Gotitapimoʼnamo neʼmauva naimuʼyaleʼmo maiʼnaya aigofe gotigifeʼmo naipa kafamo hapaeteʼna kaino nefauva vekamo maiʼnovaʼmofeʼmo alu gotigitefeʼmo lapaleʼyamo faiʼnetapa ape hutapa mono osiyo. Afoʼapimogi hosu kavaʼapilefeʼmo nagaefeʼmo ohapauʼnigeʼa apaini huʼa neʼnataya vayaʼmogi mafaʼne anagaʼapimo nagaemo kayo apamiguve. Nagaemo mafaʼneʼapimogi aliʼa apatesaya mafaʼnemo kayoʼmo apamige apakaemo aliʼa apateme apateme visaya mafaʼnemo kayoʼmo apamige huguve.

Hatu maeno apate'niya gemae 20:6

Nagaefeʼmo nohapaiya vayaʼmo kayoʼmo apamiguvaʼmonanafa nagaefeʼmo hapauʼnigeʼa keʼaepa geʼnimo akame nehaya vayaʼmo tauseni tauseniʼa vayaʼaifeʼmo nahau huʼna apategauve.

Yona 4:2

Yonaʼa nunumuʼmo hunoʼaeʼmo, Ala kava nene, huno, Koʼnimo ataleʼna oʼmeʼnova afinaʼmo ani kavaʼmo hugane, huʼna huʼnofiye. He, ani gemo ago huʼnove. Ani kavaʼmo hugane, huʼna nagesamo afiʼnovaʼmofeʼmo ataleʼna naune hetaleʼna Tasisi taonifiʼmo ugefeʼmo huʼnove. Ago afiʼnovana kagaemo fiku hapa maeka apamiteka kahau huka neʼapatana Gotigamo maiʼnane. Kaipamo malage huno nole. Kahau kayamopafiʼmo kahauʼniya kavaʼmo asole kavakamo haneʼniye. Kagaemo vayaʼmo apamagisanafeʼmo okahauʼniyaʼmofeʼmo halate alu kaipa kagesamo afiʼnane.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Napa 14:17

Inagi Ala kava nene, huʼna, Kagaemo alopa lokiyakamo alika laveliteka ani kavaʼmo huguve, huka hu maleʼnana kavakamo huvo, huʼna nunumuʼmo nehuve. Kagaemo ina ge huka huʼnane.

Napa 23:21

Agaemo Yekopu vayaʼaitegamo hosu kavaʼmo oʼageʼniye. Agaemo Isaleli vayaʼaitegamo hanageke kavaʼmo oʼageʼniye. Ala kava neʼmo Gotiʼapimoʼmo apakaeʼeʼmo magokepiʼmo lokaeno maiʼniye. Apakaemo alopa gefatiʼmo kini vekaʼapieʼmo ge nehae. Ala kava neʼmo Gotitimoʼa kini vekatimo maiʼniye, huʼa nehae.

Lomu 5:21

Hosu kavaʼmoʼa nefaliya kavaʼmo alino afole aino ateteno ani kavatetiʼmo yagaino neʼapateya kava huno fikumo hapa maeno neʼapamiya kavaʼmoʼa fatago kavaʼaletiʼmo yagaino neʼapatesigeʼa Ala kava netimo Yesu Kalaisitetiʼmo alagepa huʼa maige maige huʼa maisaya yaʼmo apamisiyafeʼmae.