Napa 13:29 - The Keyagana NT and 25 OT books

²⁹ Amaleki vayaʼmo lamaga haopalegamo maiʼnageʼa Hiti vayanagi Yemusi vayanagi Emo vayanagi huʼa ave koteʼmo maiʼnageʼa Kenani vayaʼmo alopa Metaleniyani solovala aniʼmo haopaleʼe Yoneni ani haigifiʼeʼmo maiʼnae, huʼa ha paiʼnae.

Napa 13:29 ပူးပေါင်းရင်းမြစ်များ

Aepa Gemae 14:7

Henagaʼamo halate aiʼa atagineʼa Katesi taonifilagamo uʼnae. Ani taonimo hogote agiʼamo Enimisapati taonie. Huteʼapaeʼmo Emaleki nofi vayaʼe Emo nofi vayaʼeʼmo kamemo huʼa aeʼa apaka seʼnae. Emo nofi vayaʼmo Hasasoni Tama taonifiʼmo maiʼnae.

Hatu maeno apate'niya gemae 3:17

Nagaemo Isipi kotega neʼaliya hanageke yapatiʼmo apavaleliʼna Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnaya kotegamo kanale lanitani mopafatiʼmo alagepa neʼyaʼmo afole neʼaiya mopaleʼmo lapavaleliʼna uʼna lapategauve, huʼna kaha nepauva gemo huka hapa paiyo.

Hatu maeno apate'niya gemae 3:8

Afiteʼnaeʼmo Isipi vayaʼmogi apayapatiʼmo apakufamo aliʼna katiʼna apatesuvafeʼmo emiʼneʼnove. Nagaemo mago mopamo kanale lanitani mopafatiʼmo neʼyaʼmo alagepa huno afole neʼaiya kotega mopaleʼmo apavaleliʼna uguve. Hemenimo ani mopaleʼmo Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnae.

Napa 13:17

Inagi Moseseʼmo ani vayaʼmogimo uʼa Kenani kotegamo ageʼa alagepa hutesageʼa Isaleli vayaʼmo uʼa kame hisayafeʼmo alino apateʼnigeʼa uʼnae. Moseseʼmo hapa painoʼaeʼmo, Lapakaemo hoga haopalegamo uʼniya kateʼmo uta haitetapa lamaga haopalega Kenani ave koteʼmo uta haiyo.

Napa 13:30

Mago vekamo agiʼamo Kelepiʼmo Mosese aulagaleʼmo muki maiʼnaya vayaʼaifeʼmo, ge osiyo, huteno, lagaemo uta kame hapaeteta mopaʼapimo afaʼa aligunaʼmofeʼmo hemenitomo uta haita mopaʼapimo aligune, huno hapa paiʼniye.

Napa 14:25

Hemenimo Amaleki vayaʼe Kenani vayaʼeʼmo ani kagoʼmu koteʼmo maiʼnae. Egamo lapakaemo mani haopalegatiʼmo ataletapa ataginetapa kaʼme kotega haesa solovala anitegamo uʼniya kateʼmo viyo, huno hapa paiʼniye.

Napa 14:43

Lapakaemo visageʼapaeʼmo Amaleki vayaʼmogiʼe Kenani vayaʼmogiʼeʼmo kame lahapaesagetapa faligae. Lapakaemo Ala kava neʼmo ago ataleʼnayanageno lapakaeʼeʼmo magokepi lokaeno oʼmaigiyaʼmofeʼmo kamemo huʼa aeʼa lapaka segae, huno hapa paiʼniye.

Napa 14:45

Inagi Isaleli vayaʼmo uʼa haiʼnageʼapaeʼmo Amaleki vayaʼe Kenani vayaʼeʼmo ave kotetiʼmo ataleʼa emiʼeʼa kamemo huteʼa huʼa aeʼa apaka seteʼa apavegala aeliʼa uʼa Homa taonifilagamo apataleʼnae.

Napa 24:20

Melamiʼmo Amaleki nofi vayaʼmo apaketenoʼaeʼmo ina ge huno aune gemo aeno hakalo hunoʼaeʼmo, Amaleki vayaʼmo hogote vayaʼmo maiʼnayaʼmonanafa henaga vayaʼmo maime maime uʼa hano hugae.

Yasuva 10:5

Ani gemo huʼniyaʼmofeʼmo Emo nofi vayaʼaiteʼmo yagaiʼa neʼapataya kini vayaʼmogimo faefuʼa kini vayaʼmo Yulusalemu kini vekagi Hipaloni kini vekagi Yamuti kini vekagi Lekisi kini vekagi Eloni kini vekagi muki ami vayaʼapigi huʼa aliʼa anupa huteʼa uʼa Gimiyoni taonimo haopaleʼmo seli noʼapimo aliʼa he tiʼa ateteʼa Gimiyoni vayaʼeʼmo kame huʼnae.

Yasuva 10:6

Gimiyoni vayaʼmogimo ge huʼa ataleʼnageno Yasuvategamo Giligali taonifiʼmo seli noʼmo aliʼa he tiʼa ateʼnaya yategamo uʼniye. Apakaemo huʼapaeʼmo, Emo nofi vayaʼmogi avefiʼmo maiʼnaya kini vayaʼapimogimo kame lahaesayafeʼmo magokepiʼmo aliʼa anupa huʼa maiʼnae. Malage huka eka laha mao. Kagaemo aliʼyakamo neʼaluna vayaʼmo lataleka oʼuvo, huʼa ha paiʼnae.

Yasuva 3:10

Hemenimo lapakaemo afole aisiya kavatetiʼmo hutapaeʼmo afaʼa neʼmaiya Gotiʼa lapakae folagapiʼmo maiʼnenoʼaeʼmo uno haino me otalegaifa Kenani vayanagi Hiti vayanagi Haivi vayanagi Pelesi vayanagi Gagasi vayanagi Emo vayanagi Yemusi vayanagi huno laulagaleʼmo alino hapa faino apataleʼniye, hutapa agegae.

Yasuva 5:1

Emo nofi vayaʼmo yegemo uno lamino nefaleya haopalega Yoneni anitegamo maiʼnageʼapaeʼmo Kenani nofi vayaʼmo alopa solovala aniʼmo Meteleniyani ani haigifiʼmo maiʼnae. Ala kava neʼmoʼa Isaleli vayaʼmogi Yoneni aniʼmo lakaegefeʼmo huʼnaya afinaʼmo aniʼmo alino hau hu maleʼnigeʼa lakaeʼnae, huʼa huʼnaya gemo Emo vayaʼaiteʼmo neʼyagaiya kini vayaʼmogiʼe Kenani vayaʼaiteʼmo neʼyagaiya kini vayaʼmogiʼeʼmo afiteʼapaeʼmo Isaleli vayaʼaifeʼmo koliʼapimo huʼnagenoʼaeʼmo kame hisaya lokiyaʼapimo ago hano huʼniye.

Yasuva 9:1

Muki kini vayaʼmo Yoneni aniʼmo magayaga yegemo uno lamino nefaleya haopalega maiʼnaya kini vayaʼmogimo Isaleli vayaʼmogi huʼnaya kavafeʼmo apava gemo afiʼnae. Ani kini vayaʼmo Hiti kini vayanagi Emo kini vayanagi Kenani kini vayanagi Pelesi kini vayanagi Haivi kini vayanagi Yemusi kini vayanagi huʼa alopa Metaleniyani solovala aniʼmo haopaletiʼmo uno Lemanoni mopamo hakuteʼmo utegeʼa maiʼnae. Ave kotega maige otu kotemo maige alopa solovala ani haigifiʼmo maige huʼnaya kini vayaʼmogiʼeʼmo apava gemo afiʼnae.

1 Samiyo 14:48

Soloʼmo kame hisayafeʼmo ati vayaʼamogi apaipafiʼmo huno fugali huʼnigeʼapaeʼmo apakaemo magoʼe huʼa lokiya vaiʼa kame huʼa Amaleki vayaʼaina aeʼa apaka seʼnae. Apakaemo kamemo huʼapaeʼmo Isaleli vayaʼmogi kagemi yaʼapimo kumaya aliʼnaya vayaʼai apayapatiʼmo hatu maeʼa apateʼnae.

1 Samiyo 27:8

Ani afinaʼmo Neviniʼe vayaʼaʼeʼmo uʼa Gesu vayanagi Gaya vayanagi Emaleki vayaʼenagi huʼa kamemo huʼnae. Ani nofi vayaʼmogimo akeyaʼvilagamo ani mopaleʼmo maiʼnae. Apakae mopamo Su kotegamo hanege hulinuno Isipi hakuteʼmo avaʼyi huʼniye.

1 Samiyo 30:1

Neviniʼe ati vayaʼaʼeʼmo loleʼe magoʼe afinaʼmo uʼa Sikalagi taoniʼapifiʼmo avaʼyi huteʼapaeʼmo apakaemo ageʼnayana Sikalagi taonimo hosuʼnigeʼa ageʼnae. Amaleki vayaʼmogi Yuta kotega hoga haopalega uʼa kamemo huteʼa Sikalagi taonimo ata kaeʼa ataleʼnae.

1 Samiyo 7:14

Akeyaʼvilagamo Filisatini vayaʼmogimo Isaleli vayaʼai taonimo Ekiloni taoniletiʼmo hanelinuno Gati taonileʼmo utegeno muki folagapi haneʼniya taonimo aliʼnae. Aliʼnayaʼmonanafa ani afinaʼmo halate Isaleli vayaʼaina apamiʼnae. Apakaemo Isaleli vayaʼmogi Emo vayaʼeʼmo magoʼe huʼa kame osuʼa alagepa huʼa magokepiʼmo lokaeʼa maiʼnae.