Napa 13:27 - The Keyagana NT and 25 OT books

²⁷ Apakaemo Mosesefeʼmo ina ge huʼa ha paiʼnae. Kagaemo utapa ageyo, huteka ani alika lateʼnana kotegamo ago uta ageʼnone. Kanale mopamo asole mopamo haneʼniye. Ago, huʼa, lagaemo ani kotetiʼmo mago neʼyaʼmo alinita eʼnone.

Napa 13:27 ပူးပေါင်းရင်းမြစ်များ

Hatu maeno apate'niya gemae 13:5

Ala kava neʼmoʼa, lama gemo huve, huno, nagaemo lapakinago vayaʼaifeʼmo, Kenani vayaʼmogi mopagi Hiti vayaʼmogi mopagi Amo vayaʼmogi mopagi Hivi vayaʼmogi mopagi Yemu vayaʼmogi mopagi huʼna aliʼna lapamiguve, huno hapa paiʼniya Kenani kotega mopamo kanale lanitani mopafatiʼmo alagepa neʼyaʼmo afole aisiya mopaleʼmo utapa maisaya afinaʼmo muki kafugaʼae kafugaʼaeʼmo hemenimo mani agufa kaileʼmo aeno apafu noleya peleti mayamo nesayafeʼmo hopa afina kavaʼmo aepa faitapa hugae.

Hatu maeno apate'niya gemae 3:17

Nagaemo Isipi kotega neʼaliya hanageke yapatiʼmo apavaleliʼna Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnaya kotegamo kanale lanitani mopafatiʼmo alagepa neʼyaʼmo afole neʼaiya mopaleʼmo lapavaleliʼna uʼna lapategauve, huʼna kaha nepauva gemo huka hapa paiyo.

Hatu maeno apate'niya gemae 3:8

Afiteʼnaeʼmo Isipi vayaʼmogi apayapatiʼmo apakufamo aliʼna katiʼna apatesuvafeʼmo emiʼneʼnove. Nagaemo mago mopamo kanale lanitani mopafatiʼmo neʼyaʼmo alagepa huno afole neʼaiya kotega mopaleʼmo apavaleliʼna uguve. Hemenimo ani mopaleʼmo Kenani nofi vayanagi Hiti nofi vayanagi Emo nofi vayanagi Pelesi nofi vayanagi Hivi nofi vayanagi Yemu nofi vayanagi huʼa maiʼnae.

Hatu maeno apate'niya gemae 33:3

Mago kanale lanitani mopaleʼmo viyo. Gemo noʼafiya vayaʼmo maiʼnayaʼmofeʼmo lapakaeʼeʼmo magokepi lokaeʼna oʼuguve. Fiku yanageʼna aliʼna hano huʼna lapatalegauve, huno Mosesefeʼmo ha paiʼniye.

Napa 14:7

Anakaemo muki Isaleli vayaʼaifeʼmo hapa paiʼanaeʼmo, Uta ani mopamo folagapiʼmo ageʼnonana alagi kanale huʼniye.

Napa 14:8

Ala kava neʼmoʼa lagaefeʼmo amogaga aisiyaʼmoʼmo ani kotegamo lavalelinuno ani kanale asole mopamo haneʼniyanageno lamigiye.

Napa 16:13

Kagaemo alagepa mopamo haneʼniya koʼmo Isipi kotegatiʼmo lavalelika mani kaʼme koteʼmo falisunafeʼmo eʼnane. Ani hosu kavakamo aise hosu kavaʼmo haneʼnifiye. Kagaemo ani kavaʼmo hutekaeʼmo hemenimo magoʼe huka hosu kavaʼmo huka yagaika latesanafeʼmo nehapiye.

Napa 16:14

Kagaemo alagepa mopamo haneʼniya koteʼmo lavalelika oʼuge alagepa neʼya hoyaʼe nofi hoyaʼeʼmo o lamige huʼnane. Kagaemo ani vayaʼmogi apaulagamo alika katika atalesapiye. Kagaetegamo oʼuguʼae, huʼana huʼnaʼae.

Yasuva 5:6

Isaleli vayaʼmo hau huʼniya kaʼme koteʼmo fotiʼa kafugamo umenitata hume hume neʼvageʼapaeʼmo muki kame nehaya ve anagaʼmo Isipi kotegatiʼmo eʼnaya vayaʼmo ago faliʼnae. Ala kava neʼmoʼa agoʼyamo ataleno laginago vayaʼaifeʼmo hunoʼaeʼmo, Nagaemo kanale lanitani mopafatiʼmo alagepa neʼyaʼmo afole neʼaiya mopamo mafaʼne anagatapimo apamiguve, huno hapa paiʼniyaʼmonanafa Ala kava neʼmoʼa hiyo, huno hapa paiʼniya kavaʼmo akame huʼa osuʼnayaʼmofeʼmae. Ala kava neʼmoʼa agoʼyamo ataleno hunoʼaeʼmo, Ani mopaleʼmo lapavaleliʼna oʼuguve, huno hapa paiʼniye.