Napa 12:6 - The Keyagana NT and 25 OT books

⁶ Ala kava neʼmoʼa hunoʼaeʼmo, Lanakaemo geʼnimo afiʼao. Mago vekamoʼmo nagaetegati gemo alinineno aeno hakalo huno hapa nepaiya vekamo Isaleli vayaʼmogi folagapiʼmo maiʼnisiyaʼmoʼmo nagaemo alagamunagana yaʼmo aliʼna avelige nagesiyafeʼmo aliʼna avelige alagamuna gemo ha paige nehuve.

Napa 12:6 ပူးပေါင်းရင်းမြစ်များ

Aepa Gemae 15:1

Henagaʼamo Emalemiʼa alagamuna agegekana huno ageʼniyana Ala kava neʼmoʼa ha painoʼaeʼmo, Emalemiyo, huno, koli osuvo. Nagaemo halegukamo maiʼneʼna hetamakamo maiʼnove, huno ha paiʼniye.

Aepa Gemae 20:7

Ani kava huʼniyaʼmofeʼmo hemenimo alika ategeno anauʼamotegamo vino. Agaemo aune gemo nehiya vekaʼnimo maiʼniyanageno nagaefeʼmo nunumuʼmo huno katesigeka ofaligane. Ani a kanomo anauʼamotegamo alika atesanageno oʼvisiyaʼmoʼmo kagaikaʼe vayakaʼeʼmo ago alagi faligune, huka kagesamo afiyo.

Aepa Gemae 28:12

Au kaleʼnenoʼaeʼmo alagamuna ageyana mago hakayamo mopaleti kokuʼnapiʼmo uno haiʼnigeno ageʼniye. Aepaʼamo mopafiʼmo hanetegeno avoyaʼamo kokuʼnapiʼmo uno haiʼnigeno ageʼniye. Ageʼniyana Goti enisole vayaʼamo ani hakayaleʼmo emi eteʼa uʼa haiteʼa huʼa maiʼnageno apakeʼniye.

Aepa Gemae 28:16

Huno ha paiʼnigeno Yekopuʼa aupatiʼmo he tinoʼaeʼmo, Alagi lama gemo huve, huno, Ala kava neʼmo manile maiʼniyaʼmonanafa maiʼniye, huʼna oʼageʼnove, huno huʼniye.

Aepa Gemae 37:5

Mago afinaʼmo Yosefeʼa alagamuna ageteno nepuʼamogifeʼmo ava ge huno hapa paiʼnigeʼa afiteʼapaeʼmo magoʼe huʼa apaini huteʼa alagi ohapauʼniye.

Aepa Gemae 37:9

Henagaʼamo Yosefeʼa alagi magoʼe huno alagamuna agetenoʼaeʼmo nepuʼamogifeʼmo ina ge huno hapa paiʼniye. Afiyo, huno, nagaemo magoʼe huʼna alagamuna ageʼnovana hemeni alagamunafiʼmo yegegi kaigi leveniʼa kanefinagi huʼa nagaeteʼmo ape huʼa nateʼnageʼna ageʼnove, huno hapa paiʼniye.

Aepa Gemae 46:2

Amiʼnigenoʼaeʼmo haniʼilagamo Gotiʼa Yekoputegamo alagamuna agegekana huno afole aiteno, Yekopuvo, Yekopuvo, huno ge huʼnigeno Yekopuʼa hunoʼaeʼmo, ove maiʼnove, huno huʼniye.

Samu 105:15

Inagi yagaiʼa neʼapataya kini vayaʼaifeʼmo hunoʼaeʼmo, uvelimo lakiʼna apateʼnova vayaʼmo maiʼnayanagi apame oʼaliyo. Nagaetegati gemo alini eʼa aeʼa hakalo huʼa hapa nepaiya vayaʼmo maita halove hutapa apatetetapa hanageke yaʼmo alita oʼapamiyo, huno ge hapauʼniye.

Samu 89:19

Aote vekamoʼmo alagamuna agegekana huno ageʼnigekaeʼmo ina ge huka ha paiʼnane. Nagaemo himamuʼaʼe vekamo lokiya vaiʼna ateʼnove. Nagaemo mago vekamo vayapatiʼmo lekana paiʼna ateteʼna aliʼna asaga huʼna ateʼnove.

Hatu maeno apate'niya gemae 7:1

Inagi Ala kava neʼmoʼa Mosesefeʼmo ha painoʼaeʼmo, afiyo, huno, nagaemo kini vekamo aulagaleʼmo kagaemo Gotigagana huʼna aliʼna hamaleʼna kateʼnove. Nepukamo Eloniʼmo Gotitegati gemo alinineno aeno hakalo huno hapa nepaiya vekagana huno maigiye. Kagaemo Elonifeʼmo ha paisana gemo alino kini vekaeʼmo ha paigiye.

Neniyo 10:8

Inagi nagaiʼnimo magokeʼageʼmo maiʼneʼna alagamuna agegekana kavaʼmo huʼna magoʼe huʼna ageliʼna uʼnogeno lokiyaʼnimo hano huʼnigeno alu naugosamo kaliʼniye.

Neniyo 2:19

Haniʼilagamo Gotiʼa Neniyoʼmo alagamuna kategamo kini vekamo alagamuna gemo aepaʼamo alino ave liʼniye. Neniyoʼa agetenoʼaeʼmo kokuʼnapi maiʼniya Gotiʼa alino auleno ateʼniye.

Neniyo 7:1

Melisasaʼmo hogote kafugaʼamo Mamiloni kote kini vekamo maiʼnigenoʼaeʼmo Neniyoʼa haniʼilagamo hipale havaeʼnenoʼaeʼmo mago alagamuna ageʼniye. Ani alagamuna gemo ava geʼeʼmo aepaʼaʼefeʼmo avoʼmo kae maleʼniye.

Neniyo 8:2

Ani alagamunamo afole aiʼnigeʼna ageʼnovana nagaemo Ilami kotega alopa Susa taonifiʼmo Ulai aniʼmo agiʼnaleʼmo maiʼnove.

Napa 24:4

Ani gemo Goti gemo afiʼniya vekamoʼmo aeno hakalo nehiya gemae. Agaemo alagamuna agegekana huno ageʼniyana lokiyaʼaʼe Gotiʼa agetenoʼaeʼmo aulagamo haleʼnigeno asagauno aiʼniye.

Matiyu 1:20

Agesamo afiteno alagamuna ageyana Ala kava neʼmo enisole vekamo agaetegamo emineʼnigeno ageʼniye. Enisole vekamoʼmo ha painoʼaeʼmo, Nevini aginago vekamo Yosefeyo, huno, aote Aunemeʼamoʼmo aipaguʼmo amiʼniyaʼmofeʼmo akamo Maliyaʼa alisanafeʼmo koli osuvo.

Matiyu 2:19

Helotiʼa ago falitegenoʼaeʼmo Yosefeʼa Isipi kotegamo maiʼnenoʼaeʼmo alagamuna ageʼniyana Ala kava neʼmo enisole vekaʼamo afole aiʼnigeno ageʼniye.

Matiyu 23:31

Ani gemo hutetapaeʼmo Gotitegati gemo alini eʼa aeʼa hakalo huʼa hapa paiʼnaya vayaʼmo kamitimo apamagiʼnaya vayaʼai apakinago vayaʼmo lagaemo maiʼnone, hutapa lapakaitapieʼmo mani agufa faigoko gemo nehae.

Matiyu 23:34

Ani kavatefeʼmo nagaemo Gotitegati gemo alini eʼa aeʼa hakalo huʼa hapa nepaiya vayanagi afiteʼa ageʼnaya vayanagi aliʼa apaya neʼmalaya vayanagi huʼna aliʼna apatesugeʼa lapakaetegamo ugae. Lapakaemo mago vayaʼmo apamagige mago vayaʼmo malipu yosaleʼmo nili aitetapa alita he tita apatege mago vayaʼmo mono notapifiʼmo nofi kayotetiʼmo apamagige mago vayaʼmo taoniʼafi taoniʼafiʼmo vegala aege hugae.

Matiyu 23:37

Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.

Matiyu 27:19

Pailatiʼa uno haino agoti huno neʼapateya siyateʼmo fai maiʼnigenoʼaeʼmo aʼamoʼmo mago gemo huno atalegeno agaetegamo eʼniye. Ani gemo hunoʼaeʼmo, hemeni haniʼilagamo alagamuna ageteʼnaeʼmo ani vekaeʼmo naipamoʼmo lusi kava huno kana huʼniyaʼmofeʼmo ani alagepa vekalegamo mago agufa kavaʼmo afaʼa osuka ato, huno ha paiʼniye.

Luki 1:11

Sekalaiyasiʼmo haino ageyana Ala kava neʼmo enisole vekaʼamoʼmo alagepa atumo neʼaiya yaʼmo maleʼneʼa ata nekaya hiʼyalamuteʼmo lamaga haopaleʼmo he tino maiʼnigeno ageʼniye.

Luki 1:22

Nopatiʼmo eminenoʼaeʼmo ge osuno ayatetikeʼmo avame name kavaʼmo huʼnigeʼa ageteʼapaeʼmo, agaemo alopa mono nopiʼmo alagamuna agegekana huno aeto agufa kavaʼmo ageʼnenoʼaeʼmo nehiye, huʼa ageʼnae. Ayatetikeʼmo avame name kavaʼmo huteno ge osuno afaʼa maiʼniyaʼmofeʼmae.

Luki 20:6

Vayaʼmogi lekana paiʼa ateʼnae, huta hisunana muki vayaʼmogimo yafa kayotetiʼmo lamagigae. Yoniʼmo Gotitegati gemo alinineno aeno hakalo huno hapa nepaiya vekae, huʼa apakesamo neʼafiyaʼmofeʼmae, huʼa huteʼa

Apa 10:11

Ageʼniyana kokuʼnaʼmo halo aiʼnigeno alopa latapa kenamo mopa afafaleʼmo emineʼniye. Loleʼe loleʼe atupaleʼmo nofi aeteno ataleʼnigeno emineʼniye.

Apa 10:17

Pitaʼa alagamuna agegekana huno ageʼniya kavaʼmo aepaʼaeʼmo agesa alaʼamo neʼafigeʼapaeʼmo Koniliyasiʼa alino apateʼnigeʼa eʼnaya vayaʼmo Saimoni nofeʼmo kahauya hume hume eʼa ageteʼa kegiʼya kipateʼmo he tiʼnae.

Efasasi 4:11

Agaemo vayaʼaina fikumo hapa maeno apamiʼniya gemo aepaʼamo haneʼniyana mago vayaʼamo apa vayaʼmo maisayafeʼmo lekana paino apatege mago vayaʼamo Gotitegati gemo alini eʼa aeʼa hakalo huʼa hapa paisaya vayaʼmo lekana paino apatege mago vayaʼamo agaiʼaeʼmo alagepa faigoko geʼamo aeʼa hakalo huʼa hapa paisaya vayaʼmo lekana paino apatege mago vayaʼamo sipisipi vayaʼaiteʼmo yagaiʼa apateʼneʼa aliʼa apaya malesaya vayaʼmo lekana paino apatege huʼniye.

Himulu 1:1

Akeyaʼvilagamo Gotiʼa agaiʼalegati gemo alini eʼa aeʼa hakalo huʼa hapa paiʼnaya vayaʼai apavayafatiʼmo laginago vayaʼaifeʼmo hapa paiʼniye. Alu afinaʼae alu afinaʼaeʼmo aise gemo hapa paite hapa paite huge alu kavatetiʼe alu kavatetiʼeʼmo hapa paige huʼniye.

Leveleseni 11:10

Muki ma mopafi vayaʼmo lole vekalaʼmoganimo apakafu yaʼmo aliʼana apamiʼnaʼa vekalaʼmo faliʼnaʼaʼmofeʼmo amuse huʼapaeʼmo apamogaga aiteʼa mago yaʼmo fikumo hapa maeʼa apamiʼnageʼapaeʼmo aliʼa apamiʼnae.

Leveleseni 11:3

Nagaemo lole vekalaʼmoganimo nava gemo hisaʼafeʼmo himamuʼnimo anamiʼnisugeʼana nagaetegati gemo alini uʼana vani tauseni tu hataleti sigisitiʼa afinaʼmo ani kavaʼmo huʼana foti tuʼa kaileʼmo aeʼana hakalo huʼana hapa paigaʼae. Ma mopafi vayaʼmogimo hosu kavaʼmo nehayaʼmofeʼmo hosu kukenamo laisi kukana agufa kukenamo vaigaʼae, huno naha paiʼniye.

1 Samiyo 28:6

Soloʼmo Ala kava nefeʼmo ge huno afi geʼniyaʼmonanafa Ala kava neʼmoʼa ha opaiʼniye. Agaemo mago alagamuna oʼamige hisaya kavaʼmo neʼagaya yafatetiʼmo Soloʼmo alino ave olige polofeti geʼapiletiʼmo ha opaige huʼniye.

1 Samiyo 3:15

Inagi Samiyoʼmo ani gemo afitenoʼaeʼmo havaeʼnigeno kotiʼniye. Samiyoʼmo he tinuno Ala kava neʼmo mono noʼafiʼmo kitamo yakiʼniye. Samiyoʼmo Ilaifeʼmo ani alagamuna agegekana huno afiʼniya gemo ha paisiyafeʼmo koli huʼniye.

1 Samiyo 3:21

Ageʼnageno Ala kava neʼmoʼa Sailo taonifiʼmo halate Samiyotegamo afole aiʼniye. Ala kava neʼmoʼa Sailo taonifiʼmo emineno geʼaletiʼmo agaiʼamo alino aveliʼnigeno Samiyoʼmo ageʼniye. Inagi Samiyo geʼamo muki Isaleli vayaʼaitegamo afole aiʼniye.