Napa 12:2 - The Keyagana NT and 25 OT books

² Anakaemo ina gemo huʼanaeʼmo, Ala kava neʼmoʼa Mosese avayaletikeʼmo gemo aeno hakalo huno hapa paiʼnifiye. Haʼao. Agaemo laʼagae laʼavayaletiʼeʼmo gemo aeno hakalo huno hapa opaiʼnifiye, huʼana huʼnaʼae. Ala kava neʼmoʼa ani gemo afiʼniye.

Napa 12:2 ပူးပေါင်းရင်းမြစ်များ

Aepa Gemae 29:33

Henagaʼamo Liyaʼa halate aipaguʼeʼmo maiteno ve mafaʼnemo alino atetenoʼaeʼmo, Ala kava neʼmoʼa nagaefeʼmo ohauʼniya kavaʼmo agetenoʼaeʼmo magoʼe huno ve mafaʼnemo namiʼniye, huno huteno agiʼamo Simiyoniʼae huno ateʼniye.

2 Samiyo 11:27

Hau huʼniya kanaʼamo uno hano hutegenoʼaeʼmo inagi Neviniʼa, Matasimaʼmo avalelitapa eyo, huno huʼnigeʼa avaleliʼa eʼa Nevini noʼafiʼmo ateʼnae. Neviniʼa ago aliʼnigeno mago mafaʼnemo Nevinitetiʼmo alino ateʼniye. Huʼniyaʼmonanafa Ala kava neʼmoʼa Neviniʼmo huʼniya kavafeʼmo ohauʼniye.

Hatu maeno apate'niya gemae 4:14

Ala kava neʼmoʼa Mosesefeʼmo aipamo leʼnigeno, Nepukamoʼmo Eloniʼmo Livai nofi vekamo maiʼniye. Nagaemo ageʼnovana alagepa huno gemo nehiya vekamo maiʼniye. Agaemo hemenimo kagaeʼeʼmo fotu hisaʼafeʼmo neʼe. Agaemo eno kagetenoʼaeʼmo aipafilagamo amogaga aigiye.

Hatu maeno apate'niya gemae 4:30

Eloniʼa muki geʼamo Ala kava neʼmoʼa Mosesefeʼmo ha paiʼniya geʼamo hapa paiʼniye. Inagi agaemo muki vayaʼai apaulagaleʼmo muki alagena kavaʼmo huʼniye.

Hatu maeno apate'niya gemae 5:1

Henagaʼamo Moseseʼe Eloniʼeʼmo Isipi kini vekalegamo uʼanaeʼmo, Ala kava neʼmo Isaleli vayaʼmogi Gotiʼapimoʼmo kagaefeʼmo hunoʼaeʼmo, Vayaʼnimo apatalegeʼa kaʼme kotegamo uʼa nagiʼnilefeʼmo alopa yagita huteʼa nagaetefeʼmo mono hiyo, huno huʼniye, huʼana ha paiʼnaʼae.

Hatu maeno apate'niya gemae 7:10

Inagi Moseseʼe Eloniʼeʼmo kini vekalegamo uʼanaeʼmo Ala kava neʼmoʼa hana paiʼniya kavaʼmo huno Eloniʼmo kini vekamo aulagaleʼe aliʼyaʼamo neʼaliya vayaʼai apaulagaleʼeʼmo hayopa kayoʼamo mopafiʼmo yaga auʼnigenoʼaeʼmo nagaloʼyavemo alino hamaleʼniye.

Mai'naya kavane 13:10

Apakiʼapileʼmo aliʼa asaga huʼa neʼataya kavapatiʼmo ge nehapaya kavaʼmo afole neʼaiyaʼmonanafa aliʼa api aiʼa apatesayafeʼmo nehaya gemo neʼafiya vayaʼmogi afiteʼa ageʼnaya vayaʼmo maiʼnae.

Maika 6:4

Nagaemo Isipi kotegatiʼmo kalavusi aliʼyapatiʼmo hatu maeʼna lapateteʼna lapavaleliʼna eʼnove. Nagaemo Moseseʼagi Eloniʼagi Miliyamuʼagi huʼna yagaiʼa lapatesayafeʼmo lekana paiʼna apateteʼna aliʼna apateʼnogeʼa lapavaleliʼa eʼnae.

Napa 11:1

Isaleli vayaʼmogimo apakaetegamo afole aiʼniya hanageke yafeʼmo asole gemo huteʼa ge neʼnagenoʼaeʼmo Ala kava neʼmoʼa afiteno ohauʼnigeno lusi kava huno aipamo leʼniye. Aipamo leʼnigenoʼaeʼmo seli noʼapileʼmo maiʼnageno Ala kava neʼmo atamoʼmo mago haopaʼalega afelagaʼamo leno apasagaliʼnigeʼa faliʼnae.

Napa 11:29

huno huʼniyaʼmonanafa Moseseʼa hunoʼaeʼmo, Nagaetefeʼmo kagesamo afiʼnekaeʼmo ke nefaipiye. Haʼao, Ala kava neʼmoʼa muki vayaʼaina Aunemeʼamo apamisigeʼa agaetegati gemo aliniʼeʼa aeʼa hakalo hisayafeʼmo nahauʼniye.

Napa 12:3

Ani vekamo Moseseʼmo agaiʼamo lusi kava huno alino afepiʼmo neʼateya agufa kavaʼmo huʼa muki ma mopafi vayaʼmogimo osuʼnae.

Napa 16:3

Apakaemo eʼa Mosesetegaʼe Elonitegaʼeʼmo aliʼa anupa huʼneʼapaeʼmo, Lanakaemo lusi kava hutana lanakitanileʼmo alitana asaga huʼnaʼae. Mukiʼamogitamo Goti aote vayaʼamo maiʼnone. Ala kava neʼmoʼa lagaeʼeʼmo magokepi lokaeno maiʼniye. Haiya kava higetanaeʼmo ala lanakimo alitetana lagaeteʼmo yagaitana latesaʼafeʼmo nehaʼae, huʼa huʼnae.

Lomu 12:10

Magoke konagamogimo nehaya kava hutapa yuna lapaipa kaliʼnetapa lahapau lapayamopafiʼmo lahapaino. Apakava oʼmaitapa hogotetapa apakiʼapileʼmo alita asaga hutapa apateyo.

Lomu 12:3

Nagaemo fikumo naha maeno namiʼniya himamuʼaletiʼmo muki vayaʼmogitapaeʼmo lapa paiʼnaeʼmo, Gotiʼa lapamete lapamete huno lapamiʼniya yafeʼmo hutapaeʼmo, nagesamo afiʼna fatago huʼnova yaʼmo na magi yaʼmo namiʼnifi, hutapa lapamete lapamete hutapa lapakesamo afita ho hutetapa yagaita ateyo. Fikumo yanageno mago aiseʼamo aliʼnisiya vekamoʼmo, alopa yaʼmo aliʼnove, huno agesamo afigiye.

Filipai 2:14

Muki kavaʼmo nehutapaeʼmo hosu lapaugosamo kaliʼnetapa hagalu hagalu hutapa ge oʼvaiyo.

Filipai 2:3

Lapakaitapiekeʼmo lapakesamo afitapa lapakitapileʼmo alita asaga hisayafeʼmo mago kavaʼmo alagi osiyo. Lapakufamo alita afepi atetetapa konagatapieʼmo, alagepa vayaʼmogeʼa ago aeʼa lagaseʼa maiʼnae, hutapa lapakesamo afiyo.

1 Pita 5:5

Neya vayaʼmogitapae, huʼna, vayatama vayaʼai apaiyafiʼmo maiʼnetapa geʼapimo afiyo. He, muki vayaʼamogitapae, huʼna, ina agufa vayaʼmo maiʼnone, nehutapa aliʼyaʼmo neʼaliya vayaʼmogimo aliʼa neʼvaiya kukenamo aliʼa neʼvaiya kava hutapa konagatapimogi apaiyafiʼmo maiʼnetapa geʼapimo afiyo. Na kava nehiyaʼmofeʼmae. Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fiku hapa maeno neʼapamiye.