Napa 11:17 - The Keyagana NT and 25 OT books

¹⁷ Inagi nagaemo emiʼneʼna kagaeʼeʼmo gege huguʼae. Nagaemo kagaeteʼmo maiʼniya Aunemeʼamo kamiʼnova Aunemepatiʼmo mago aliʼna apamiguve. Apamisugeʼa kaha maeʼa aliʼnana kana yapatiʼmo alisageka kagaikageʼmo muki kana yaʼamo oʼaligane.

Napa 11:17 ပူးပေါင်းရင်းမြစ်များ

Aepa Gemae 11:5

Huʼnayaʼmonanafa Ala kava neʼmoʼa kiʼnaya taonimo agege yatala noʼmo agege hisiyafeʼmo emineʼniye.

Aepa Gemae 17:22

Gotiʼa ani gemo huno ha paiteno ago ataleno uno haiʼniye.

Aepa Gemae 17:3

Emalemiʼa augosalegatiʼmo aino ati kaeno havaeʼnigeno Gotiʼa mago gemo ina ge huno ha paiʼniye.

Aepa Gemae 18:33

Ala kava neʼmo ataleno uʼnigeno Emalehamuʼa noʼalegamo uʼniye.

2 Kini 2:15

Gotitegati gemo aliniʼeʼa aeʼa hakalo huʼa hapa nepaiya vayapatiʼmo Yeliko taonifiʼmo maiʼnaya vayaʼmogimo ageʼnayana Ilaisaʼmo ani kavaʼmo huʼnigeʼa ageteʼapaeʼmo, Ilaiya aunemeʼamo eno Ilaisateʼmo maiʼniye, huʼa huteʼapaeʼmo eʼa agaeʼeʼmo fotu huteʼa aulagaleʼmo mopafiʼmo apaleʼyamo faiʼneʼapaeʼmo ape huʼnae.

2 Kini 2:9

Anakaemo ago lakaeʼana uteʼanaeʼmo Ilaiyaʼmo Ilaisafeʼmo ha painoʼaeʼmo, Hemenimo alagi ago hogo hiyanageno Ala kava neʼmoʼa nagaemo navalesigeʼnaeʼmo kagaemo katalegauve. Katalegauvaʼmofeʼmo hogoteʼna kaha maesuvafeʼmo na agufa kavaʼmo hisuve, huno huʼnigeno Ilaisaʼmo hunoʼaeʼmo, Kahaoke hovanagi, Gotiʼa lokiya kaunekameʼmoʼa alino fako huno apatesiya yapatiʼmo lole agufa yaʼmo aligesuve, huno ha paiʼniye.

Hatu maeno apate'niya gemae 18:18

Mani aliʼyaʼmo lusi alopa aliʼyaʼmo haneʼniyaʼmofeʼmo kagaikageʼmo afaʼa oʼaligane. Kagaikaʼe mani he tiʼa maiʼnaya vayaʼeʼmo lusi kava huno alagaʼmo lahapaesigetapa alagepa hutapa oʼmaigae.

Hatu maeno apate'niya gemae 18:22

Kagaemo afaʼa apateʼnisanageʼa vayaʼmogi kavaʼapimo aliʼa fako hugae. Apakaemo alopa hanageke yatefeʼmo eʼa kagaefeʼmo hisageka alika fako huganaʼmonanafa aise hanageke yatefeʼmo apakaiʼapimo afaʼa aliʼa fako hugae. Apakaemo ani aliʼyaʼmo aliʼa kaha maesagenoʼaeʼmo kana okahaugiye.

Hatu maeno apate'niya gemae 19:11

Olagaʼamo alo hiyo, huka hapa paiyo. Ema olagaʼamo nagaemo Sainai avefiʼmo eminesugeʼa muki vayaʼmogimo nagegae.

Hatu maeno apate'niya gemae 19:20

Inagi Ala kava neʼmo emineno Sainai avefiʼmo maiʼnenoʼaeʼmo Mosesefeʼmo ge huʼnigeno Moseseʼa uno haiʼniye.

Hatu maeno apate'niya gemae 34:5

Haiʼnigenoʼaeʼmo Ala kava neʼmo hiyapiʼmo emineno Moseseʼeʼmo avefiʼmo he tino maiʼnenoʼaeʼmo, Ala kava neʼmo maiʼnove, huno aeno hakalo huʼniye.

Aiyeya 63:11

Gotiʼa kame huno apateteno akeyaʼvilagamo Moseseʼe vayaʼamogiʼeʼmo geʼapimo huʼapaeʼmo, Haiyaʼalegamo sipisipiʼaleʼmo yagaiʼniya vekaʼe Isaleli vayaʼeʼmo solovala anipatiʼmo apakufamo alino katino apateʼniya Gotiʼmo maiʼniye, huʼa huge, Haiyaʼalegamo Aunemeʼamo alino apakaepiʼmo ateʼniya Gotiʼa maiʼniye, huʼa huge huʼnaya geʼapieʼmo halate agesamo afiʼniye.

Napa 11:25

Maiʼnagenoʼaeʼmo Ala kava neʼmo ani hiyapiʼmo maiteno emineno Mosesefeʼmo ha paiʼniye. Agaemo Moseseʼeʼmo maiʼniya Aunemeʼafatiʼmo alino sevetiʼa vayatama vayaʼaina apamiʼnigeʼa Gotitegati gemo aliniʼeʼa aeʼa hakalo huʼa hapa paiʼnae. Huʼnayaʼmonanafa henagaʼamo halate ani kavaʼmo osuʼnae.

Napa 12:5

Eʼa maiʼnagenoʼaeʼmo Ala kava neʼmoʼa hiyapiʼmo maiʼneno emineno seli no kipateʼmo he tino maiʼneno Eloniʼe Miliyamuʼefeʼmo keya aeno ge huʼniye. Anakaemo agaetegamo eʼnaʼae.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 7:39

Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

Lomu 8:9

Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.

1 Kolitiyani 2:12

Lagaemo Gotiʼa fiku laha maeno lamiʼniya yaʼmo agesunafeʼmo ma mopafi vayaʼai apauneʼapameʼmo oʼaliʼnopa Gotitegatikeʼmo Aunemeʼamo aliʼnone.

1 Tesaloniyani 4:8

Keya aeno ge huʼniyaʼmofeʼmo mani gemo oʼafiʼnaya vayaʼmogimo ma mopafi vayaʼmo apakameʼyamo noʼapamifa Aunemeʼamo lamiʼniya Gotikeʼmo apakameʼyamo neʼamiye.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

Yuti 1:19

Ani kavaʼmo nehaya vayaʼmogimo siosi vayaʼmo aliʼa fako huʼa neʼapatae. Goti Aunemeʼamo oʼaliʼa ma mopafi vayaʼmo maiʼnae.

1 Samiyo 10:6

Inagi Ala kava neʼmo Aunemeʼamo kagaeteʼmo eminesigeka apakaeʼeʼmo magokepiʼmo Gotitegati gemo alinikeka aeka hakalo hugane. Kagaemo aeto agufa vekamo hamalegane.