Napa 11:10 - The Keyagana NT and 25 OT books

¹⁰ Inagi ve aʼnemogimo afamo anagaʼapiʼe anagaʼapiʼeʼmo seli noʼapimo kipateʼmo maiʼneʼa lusi kava huʼa aviʼyaʼmo huʼnageno Moseseʼmo afiʼniye. Ala kava neʼmoʼa lusi kava huno aipamo leno apateʼnigeno Moseseʼeʼmo ani kavafeʼmo ohauʼniye.

Napa 11:10 ပူးပေါင်းရင်းမြစ်များ

Samu 106:25

Apakaemo seli noʼapifiʼmo maiʼneʼapaeʼmo Goti geʼamo akame osuʼa ge nege nege huʼa maiʼnae.

Samu 139:21

O Ala kava nene, huʼna, Apaini nehaya vayaʼaifeʼmo naini huʼnove. Apakameʼyamo nekamiya vayaʼai apaulagafiʼmo navenatuʼnamo heʼna neʼapatove.

Samu 78:21

Huʼa huʼnayaʼmofeʼmo Ala kava neʼmoʼa afitenoʼaeʼmo lusi kava huno aipamo leno apateʼniye. Yekopu vayaʼmo atamoʼmo emineno leno apasaga liʼniye. Lagufamo alino katino lategaiye, huʼa apakesamo afiʼa fatago osuge aliʼa amufa oʼamige huʼnayaʼmofeʼmo aipamo leno apateʼniye.

Samu 78:59

Gotiʼa apaketenoʼaeʼmo aipamo leno apateteno agaiʼa vayaʼamo akameʼyamo apamiʼniye.

Aiyeya 5:25

Ani kavaʼmo huʼnayaʼmofeʼmo Ala kava neʼmoʼa vayaʼaeʼmo aipamo leno apateʼniye. Agaemo ayaʼmo alino asagauteno ago apamagiʼniye. Apamagiʼnigenoʼaeʼmo avemoʼmo kanage kanage huʼnigeʼapaeʼmo faliʼnaya vayaʼmogi apakufaʼamo taoni kateʼmo ina kava huno atupa yakana huno haneʼniye. Agaemo ani kavaʼmo huʼniyaʼmonanafa aipamo neleya kavaʼamo alino hano huno oʼataleʼniye. Apamagisiyafeʼmo ayaʼmo alino asagaunoʼageʼmo maiʼniye.

Napa 11:1

Isaleli vayaʼmogimo apakaetegamo afole aiʼniya hanageke yafeʼmo asole gemo huteʼa ge neʼnagenoʼaeʼmo Ala kava neʼmoʼa afiteno ohauʼnigeno lusi kava huno aipamo leʼniye. Aipamo leʼnigenoʼaeʼmo seli noʼapileʼmo maiʼnageno Ala kava neʼmo atamoʼmo mago haopaʼalega afelagaʼamo leno apasagaliʼnigeʼa faliʼnae.

Napa 11:11

Ala kava nefeʼmo ina ge huno ha paiʼniye. Kagaemo na agufa kavaʼmo higekaeʼmo lusi kana yaʼmo namiʼnane. Kagaemo na agufa kavaʼmo higekaeʼmo nagaefeʼmo nahaoke oseka muki mani vayaʼaiteʼmo yagaiʼna apatesuvafeʼmo ani kana yaʼmo namiʼnane.

Napa 11:9

Haniʼilagamo seli noʼapilegamo lao yaʼmo asagauno aiʼnigenoʼaeʼmo manaʼeʼmo magokepi asagauno aiʼniye.

Napa 12:3

Ani vekamo Moseseʼmo agaiʼamo lusi kava huno alino afepiʼmo neʼateya agufa kavaʼmo huʼa muki ma mopafi vayaʼmogimo osuʼnae.

Napa 12:9

Ala kava neʼmoʼa aipamo leno anateteno anataleno uʼniye.

Napa 16:27

Inagi muki vayaʼmogimo Kolaʼagi Netaniʼagi Amailamiʼagi huʼa seli noʼapiletiʼmo ataleʼa uʼnae. Netaniʼe Amailamiʼeʼmo emi eʼana seli noʼanimo kipateʼmo aʼne mafaʼneʼaniʼeʼmo hetiʼana maiʼnaʼae.

Napa 21:5

Apakaemo Gotiʼe Moseseʼefeʼmo ge hanauteʼa huʼa faipa huʼa anateteʼapaeʼmo, Na kava hugefeʼmo Isipi kotegatiʼmo mani kaʼme koteʼmo falisunafeʼmo lavalelika eʼnane. Neʼyaʼmo ohanege aniʼmo ohanege huʼnigeno mani lamu nosiya neʼyafeʼmo olahauʼniye, huʼa ha paiʼnae.

Maki 10:14

Yesuʼa ani kavaʼmo agetenoʼaeʼmo hosu aipamo kaliʼnigeno geʼamo neʼafiya vayaʼaifeʼmo hunoʼaeʼmo, aise mafaʼne anagaʼmo apatafauta oʼapategeʼa nagaetegamo afaʼa esageʼna ani agufa mafaʼnegana vayaʼmo Gotiʼa yagaino neʼapateya koteʼmo haneʼniya yaʼmo apakaiʼapi yaʼmo haneʼniyaʼmofeʼmae.

Maki 3:5

Yesuʼa aulu hapaeno apakelinuneno huteno aipamo leno apateʼniye. Lokiya apaipa vayaʼmo maiʼnayaʼmofeʼmo aipamoʼmo kana huʼniye. Agaemo hunoʼaeʼmo, kayaʼmo aeka hayo huvo, huno huʼnigeno aeno hayo huʼnigeno ayaʼmo alino api aino ateʼnigeno alu ayakana huno haneʼniye.