Napa 11:1 - The Keyagana NT and 25 OT books

¹ Isaleli vayaʼmogimo apakaetegamo afole aiʼniya hanageke yafeʼmo asole gemo huteʼa ge neʼnagenoʼaeʼmo Ala kava neʼmoʼa afiteno ohauʼnigeno lusi kava huno aipamo leʼniye. Aipamo leʼnigenoʼaeʼmo seli noʼapileʼmo maiʼnageno Ala kava neʼmo atamoʼmo mago haopaʼalega afelagaʼamo leno apasagaliʼnigeʼa faliʼnae.

Napa 11:1 ပူးပေါင်းရင်းမြစ်များ

Aepa Gemae 38:10

Ala kava neʼmoʼa Onani huʼniya kavafeʼmo amuse osuʼniyaʼmofeʼmo ago amagiʼnigeno faliʼniye.

2 Samiyo 11:27

Hau huʼniya kanaʼamo uno hano hutegenoʼaeʼmo inagi Neviniʼa, Matasimaʼmo avalelitapa eyo, huno huʼnigeʼa avaleliʼa eʼa Nevini noʼafiʼmo ateʼnae. Neviniʼa ago aliʼnigeno mago mafaʼnemo Nevinitetiʼmo alino ateʼniye. Huʼniyaʼmonanafa Ala kava neʼmoʼa Neviniʼmo huʼniya kavafeʼmo ohauʼniye.

2 Kini 1:12

Inagi Ilaiyaʼmo geʼaleʼmo aeno atagaina hunoʼaeʼmo, Goti vekaʼamo maiʼnisuvaʼmoʼmo kokuʼnapatiʼmo atamo emineno kagaeʼe fifitiʼa ati vayakaʼeʼmo lapaleno, huno huʼnigenoʼaeʼmo atamo emineno ati vayaʼaiteʼmo yagaino neʼapateya vekaʼe fifitiʼa ati vayaʼaʼeʼmo apaleʼnigeʼa faliʼnae.

Samu 106:18

Kokuʼnapatiʼmo atamo emineno hosu kavaʼmo huteʼa anakame huʼnaya vayaʼeʼmo alagi leno apasaga liʼniye.

Samu 78:21

Huʼa huʼnayaʼmofeʼmo Ala kava neʼmoʼa afitenoʼaeʼmo lusi kava huno aipamo leno apateʼniye. Yekopu vayaʼmo atamoʼmo emineno leno apasaga liʼniye. Lagufamo alino katino lategaiye, huʼa apakesamo afiʼa fatago osuge aliʼa amufa oʼamige huʼnayaʼmofeʼmo aipamo leno apateʼniye.

Samu 78:63

Kamemo huteʼapaeʼmo neya vayaʼapimo kamitimo apaiʼnageʼa faliʼnageʼapaeʼmo aʼmafaʼne anagaʼapimo veleʼmo oʼmaiʼa afaʼa maiʼnae.

Hatu maeno apate'niya gemae 16:7

Lapakaemo Ala kava nefeʼmo hagalu hagalu hutapa ge hauʼnaya gemo afiʼniyaʼmofeʼmo netepiʼmo ha le konali kavaʼamo agegae. Laʼagaemo ina lagitaʼamo maiʼnoʼagetapaeʼmo laʼagaefeʼmo hagalu hagalu hutapa ge laʼahaunae, huʼana hapa paiʼnaʼae.

Hatu maeno apate'niya gemae 16:9

Inagi Moseseʼa Elonifeʼmo hunoʼaeʼmo, Isaleli vayaʼaifeʼmo ani ge huka hapa paiyo, huno ha paiʼniye. Ala kava neʼmoʼa hagalu hagalu hutapa ge hauʼnaya gemo ago afiʼniyaʼmofeʼmo nagae nahaopaleʼmo etapa hogo hutapa maiyo, huka hapa paiyo, huno huʼniye.

Aiyeya 33:14

Saiyoni taonifiʼmo maiʼnaya vayapatiʼmo hosu kavaʼmo nehaya vayaʼmogimo koli huʼa maiʼnae. Aigofe vayaʼmogimo hapau aiteʼapaeʼmo apamoʼyamo neʼaiye. Apakaemo huʼapaeʼmo, Lagaepatiʼmo ina lagimo leno pasaga neliya atafiʼmo maige maige huʼa maigae. Lagaepatiʼmo ina lagimo yu oseno lege lege huno neʼmaiya ata koteʼmo maige maige huʼa maigae, huʼa nehae.

Neyomi 1:5

Ala kava neʼmoʼa emineʼnigenoʼaeʼmo imimaʼmo aliʼnigeno muki alopa avemoʼmo kanage kanage huge muki aise avefatiʼmo hamaiʼmo alige nehiye. Eno avaʼyi hisiya afinaʼmo ma mopamo leno sagaligiye. He, Agaemo mopaʼe ma mopafi vayaʼeʼmo leno pasagaligiye.

Hamakaki 3:5

Agaemo alopa kaitaʼmo alino ateʼnigeno eno asole vayaʼmo kaita hapauʼniye. Uʼnigenoʼaeʼmo magoʼe huno alopa kaitaʼmoʼa akame huno uʼnigeno magoʼe vayaʼmo kaita hapauʼniye.

Napa 11:18

Inagi kagaemo Isaleli vayaʼaifeʼmo ina ge huka hapa paiyo. Lapakaemo lapakaitapimo alita lapaote lapateyo. Egamo alo hutapa maiʼnetapa ameʼamo alita negae. Ala kava neʼmoʼa lapakaemo ameʼaeʼmo aviʼyaʼmo huʼnaya gemo ago afiʼniye. Aulagaleʼmo aviʼyaʼmo hutetapa ge hutapaeʼmo, Lagaemo Isipi kotegamo alagepa huta maiʼnonaʼmofeʼmo ina laʼmo ameʼamo lamigiye, hutapa huʼnae. Huʼnayaʼmofeʼmo Ala kava neʼmoʼa ameʼamo lapamigiyanagetapa lapakaemo negae.

Napa 12:2

Anakaemo ina gemo huʼanaeʼmo, Ala kava neʼmoʼa Mosese avayaletikeʼmo gemo aeno hakalo huno hapa paiʼnifiye. Haʼao. Agaemo laʼagae laʼavayaletiʼeʼmo gemo aeno hakalo huno hapa opaiʼnifiye, huʼana huʼnaʼae. Ala kava neʼmoʼa ani gemo afiʼniye.

Napa 14:2

Mukiʼamogimo Moseseʼe Eloniʼeʼmo ge hanauteʼapaeʼmo, Lagaemo Isipi kotegamofi kaʼme kotegamofi huta faliʼnonesinana kanale huʼniyesine.

Napa 14:22

Muki mani vayaʼmogimo ha le konali yaʼnimo agege Isipi kotegaʼe kaʼme kotega hau huʼniya kotegaʼeʼmo noʼagaya agufa naune kavaʼmo huʼnogeʼa agege huʼnayaʼmonanafa naya loleʼa afinaʼmo geʼnimo oʼafiʼa namalageka huʼnae.

Napa 14:27

Muki Isaleli vayaʼmogi nagaefeʼmo ge nahauʼnae. Na magi afinaʼmo magoʼe huʼna apakeʼna apataleme apataleme visugeʼa afaʼa maigae. Isaleli vayaʼmogimo nagaefeʼmo ge nahauʼnaya gemo afiʼnove.

Napa 14:28

Lanakaemo mani geʼnimo apakaefeʼmo hapa paiʼao. Ala kava neʼmoʼnamo lama gemo huʼnaeʼmo, Afaʼa maiʼnove, huʼna huʼnova kava huʼna naha paiʼnaya kavaʼmo lapakaetegamo huguve.

Napa 16:11

Lapakaemo alita anupa hutapa maiʼnetapaeʼmo Ala kava netegamo hosu kavaʼmo nehae. Eloniʼa ina laʼmo maiʼnifi hutetapa ge hauʼnae.

Napa 16:35

Ala kava neʼmoʼa atamo alino ataleʼnigeno emineno tu hataleti fifitiʼa ve anagaʼmogi alagepa atumo neʼaiya ofalinimo nehaya vayaʼmo apaleno apasagaliʼniye.

Napa 17:5

Inagi nagaemo lekana paiʼna ateʼnova vekamo hayopa kayopatiʼmo ausasiʼmo aegaiye. Ani kavatetiʼmo nagaemo Isaleli vayaʼmogi kagaefeʼmo ge kahauʼnaya vayaʼai apavayamo aliʼna akani malegauve.

Napa 21:5

Apakaemo Gotiʼe Moseseʼefeʼmo ge hanauteʼa huʼa faipa huʼa anateteʼapaeʼmo, Na kava hugefeʼmo Isipi kotegatiʼmo mani kaʼme koteʼmo falisunafeʼmo lavalelika eʼnane. Neʼyaʼmo ohanege aniʼmo ohanege huʼnigeno mani lamu nosiya neʼyafeʼmo olahauʼniye, huʼa ha paiʼnae.

1 Kolitiyani 10:10

Apakaepatiʼmo magoʼamogimo alagepa huʼa oʼmaiʼnayaʼmofeʼmo hagalu hagalu huʼa ge neʼnagenoʼaeʼmo vayaʼmo neʼapamagiya enisole vekamoʼmo emineno kamitimo apamagiʼniye.

Himulu 12:29

Gotitimoʼmo atafiʼmo kaeʼnageno leno saga neliya atagana huno maiʼniyaʼmofeʼmae.

Yemisi 5:4

Aliʼyatapimo neʼaliya vayaʼmogi hoyatapifiʼmo aliʼyaʼmo neʼaliya vayaʼaifeʼmo humi apatetetapa hosu miyaʼmo neʼapamiye. Oʼapamiʼnaya monimoʼa hosu kavatapieʼmo keya aeno ge hugekana huno haneʼniye. Aliʼyatapimo neʼaliya vayaʼmogi keya aeʼa ge nehagenoʼaeʼmo Ala kava neʼmoʼa muki kokuʼnapi neʼmaiya vayaʼaiteʼmo yagaino neʼapateya vekamoʼa ani keya aeʼa ge nehaya gemo neʼafiye.

Yuti 1:16

Ani vayaʼmogimo muki kavafeʼmo ohapauʼniyaʼmofeʼmo hagalu hagalu gemo nehuʼapaeʼmo aiʼa maku make nehae. Apakufamoʼmo hauʼniya kavaʼmo akame nehuʼapaeʼmo, ala vayaʼmo maiʼnone, huʼa nehae. Apakaemo hapauʼniya kavaʼmo afole aisiyafeʼmo apavayaletiʼmo ge huʼa hapao ke nehae.