Matiyu 9:6 - The Keyagana NT and 25 OT books

⁶ Vemo mafaʼnemoʼmo ma mopafi maiʼnaya vayaʼai hosu kavaʼapimo alino atalesiya himamuʼamo haneʼniyanageno alino lapave ligiye, huno hapa paiteno kanage kanaga osuno neʼmaiya vekaeʼmo, he tika yakaikonakamo aliteka nokalegamo uvo, huno ha paiʼnigeno

Matiyu 9:6 ပူးပေါင်းရင်းမြစ်များ

Aiyeya 43:25

Nagaiʼnilefeʼmo nagaiʼnimo keʼaepa gemo amagitapa ataleʼnaya kavatapimo aeʼna kalo paeʼna ataleʼnove. Nagaemo hosu kavatapieʼmo nagesamo oʼafiʼna nage kaniʼna atalegauve.

Maika 7:18

Ina laʼmo Gotigakana huno maiʼniye. Kagaemo hosu kavaʼapilefeʼmo afaʼa ateyo, huka huteka alika neʼatalane. Kagaemo aise nofi vayaʼmo logufa vayakamogimo gekamo amagiʼa ataleʼnaya hosu kavaʼapimo uka aeka aga seka alika neʼatalane. Hau huno latesiyafeʼmo amuse nehiyaʼmofeʼmo muki afinaʼmo aipamo leno lateme lateme noʼviyanageno hau huno lategaiye.

Matiyu 4:24

Ani kavaʼmo huʼniya ava gemoʼmo muki Siliya kotegamo aino atagu faeno uneno huʼnigeʼa afiteʼapaeʼmo muki alu kaita alu kaitaʼmo hapauʼniya vayanagi lusi kava huno apakafu nekiya vayanagi hosu apaune vayaʼmo apaipafiʼmo maiʼnaya vayanagi hafosa neʼapamagiya vayanagi kanage kanaga osuʼa neʼmaiya vayanagi huʼa agaetegamo apavaleli eʼa apateʼnageno alino hapageno apateʼniye.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Matiyu 9:2

Mago vayaʼmogimo kanage kanaga osuno yakaikonaʼaleʼmo havaeno neʼmaiya vekamo avaleliʼeʼa Yesu haopaleʼmo ateʼnae. Yesuʼa agaiʼaeʼmo apakesamo afiʼa fatago huʼnaya kavaʼapimo apaketenoʼaeʼmo kanage kanaga osuno neʼmaiya vekaeʼmo ha painoʼaeʼmo, mafaʼneʼnimogae, huno, hosu kavakamo aliʼna ataleʼnovanagi koli osuka kaipamoʼmo falu hino, huno ha paiʼniye.

Matiyu 9:5

Nagaemo huʼnaeʼmo, hosu kavakamo aliʼna ataleʼnove, huʼna huʼnovanageʼna hemenimo he tika umenitata huvo, huʼna hisuvana haiya gemoʼmo lokiyaʼamo ohaneʼniye.

Matiyu 9:7

he tino noʼalegamo uʼniye.

Maki 2:10

Lapakaemo Vemo mafaʼnemoʼmo ma mopafiʼmo maiʼnenoʼaeʼmo hosu kavaʼapimo alino atalesiya himamuʼamo aliʼna lapave liguve, huno huteno kanage kanaga osuno neʼmaiya vekaeʼmo hunoʼaeʼmo,

Maki 2:7

Gotikeʼmo vayaʼai hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.

Luki 5:21

keʼaepa gemo avoʼmo kaeʼa aliʼa apaya neʼmalaya vayaʼmogiʼe Falasi vayaʼmogiʼeʼmo ani gemo afiteʼapaeʼmo, ani vekamo ina laʼae. Gotifeʼmo huno faipa huno neʼate. Gotikeʼmo vayaʼmogi hosu kavaʼapimo afaʼa alino atalegaiye, huʼa apaipafiʼmo apakesamo afiʼnae.

Yoni 10:28

Nagaemo maige maige huʼa maisaya yaʼmo aliʼna neʼapamuvanageʼa alagi ofaligae. Mago vayaʼmogi eʼa nayapatiʼmo aliʼa naha faleʼa oʼapatalegae.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Yoni 5:27

Ani kava huno Mafaʼneʼamoʼmo alino fako huno apatesiyafeʼmo lekana paino ateʼniye. Vemo Mafaʼnemo maiʼniyaʼmofeʼmae.

Yoni 5:8

Yesuʼa hunoʼaeʼmo, he tika yakaikonakamo aliteka uvo, huno ha nepaigenoʼaeʼmo

Apa 5:31

Gotiʼa agaemo ala agiʼamo amiteno avalelino uno haino lamaga haopaleʼmo atetenoʼaeʼmo, hogote vekamo yagaino apatesiya vekamo maiʼneno apakufamo alino katino neʼapateya vekae, huno lekana paino ateʼniye. Agaemo Isaleli vayaʼmogita laipamo alita afe lesuna kavaʼmo lamige hosu kavatimo alino atalege haisiyafeʼmae.

Apa 9:34

Agetenoʼaeʼmo Iniyasiyo, huno, Yesu Kalaisiʼa alino kahageno kateʼnigi he tika yakaikonakamo alika alagepa huka maiyo, huno ha paiʼnigeno malage huno he tiʼniye.

2 Kolitiyani 2:10

Lapakaemo hosu kavaʼamo alitapa atalesageʼnaeʼmo nagaeʼeʼmo aliʼna atalegauve. Nagaetegamo hosu kavaʼmo huʼnisiyaʼmoʼmo aliʼna ataleʼnove. Lapa maesuvafeʼmo Kalaisi aulagaleʼmo hosu kavaʼamo aliʼna ataleʼnove.

2 Kolitiyani 5:20

Ani aliʼyaʼamo lamiʼniyaʼmofeʼmo Kalaisi avayamo aliʼnonagenoʼaeʼmo Gotiʼa lavayafatiʼmo hunoʼaeʼmo, lapao ke hove, huno nehiya agufa gemo huta muki vayaʼaifeʼmo hutaeʼmo, lapao ke hone, huta Gotiʼa ago alino ao yaʼmo hu maleʼniyaʼmofeʼmo lapakaemo alita lapao yaʼmo hu maleʼnetapa agaeʼeʼmo magokepi lokaetapa maiyo, huta nehune.

Efasasi 4:32

Lapaipamo lapamete lapamete hutapa apamiteta afalu afalu kavaʼmo hutapa lapau hutapa apateyo. Gotiʼa Kalaisitefeʼmo hosu kavatapimo afaʼa alino ataleʼniya kava hutapa konagatapimogiʼeʼmo afalu afalu kavaʼmo hutapa hosu kavaʼapimo alita ataleyo.

Kolosi 3:13

Hosu kavaʼmo lapakaepatiʼmo hisagetapaeʼmo konagatapilegamo afalu afalu kavaʼmo hutapa vase kavaʼmo huge hosu kavaʼapimo alita atalege hutetapa magokepiʼmo lokaetapa maiyo. Mago konagatapimoʼmo konagaʼaeʼmo, nagaetegamo hosu kavaʼmo huʼniye, huno agesamo afiʼnisiyaʼmoʼmo Ala kava neʼmoʼa hosu kavatapimo alino ataleʼniya kava hutapa hosu kavaʼamo alita ataleyo.