Matiyu 9:24 - The Keyagana NT and 25 OT books

²⁴ Ataletapa kumatega uta lamiyo. Mani aʼmafaʼnemo ofaliʼnifa afaʼa au kaleno maiʼniye, huno hapa paiʼnigeʼapaeʼmo huʼa faipa huʼa ateteʼa kigi huʼa ateʼnae.

Matiyu 9:24 ပူးပေါင်းရင်းမြစ်များ

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Maki 5:40

Hapa paiʼnigeʼapaeʼmo lusi kava huʼa kigi huʼa ateʼnagenoʼaeʼmo muki vayaʼamo alino hapa faitalegeʼa kumatega uʼa lamiʼnae. Agaemo ani aʼmafaʼnemo itaʼafoʼalaʼmoganimogi agaemo avagi huʼa eʼnaya vayanagi huno apavalelino ani aʼmafaʼnemo maleʼnaya nopiʼmo uʼa haiʼnae.

Luki 8:53

ago faliʼniye, huʼa ageʼnayaʼmofeʼmo kigi huʼa ateʼnae.

Yoni 11:4

Yesuʼa ani gemo afitenoʼaeʼmo, ani kaitaʼmo falisiya agufa kaitaʼmo ohauʼnifa Goti ha le konali yaʼamo ageteʼapaeʼmo agiʼaleʼmo aliʼa asaga huge Goti mafaʼneʼamo agiʼaleʼeʼmo aliʼa asaga huge hisayafeʼmo ani kaitaʼmo hauʼniye, huno hapa paiʼniye.

Apa 20:10

Poloʼa uno lamino haifiʼyaleʼmo havaeʼneno anu kitenoʼaeʼmo, atete olapaino. Afaʼa maiʼniye, huno hapa paiʼniye.

Apa 9:40

Ave liʼnagenoʼaeʼmo Pitaʼa hunoʼaeʼmo, kumatega uta lamiyo, huno hapa paiʼnigeʼa uʼa lamiʼnageno aleʼya faino maiʼneno nunumuʼmo huteno aino afe leno agufaleʼmo ageʼnenoʼaeʼmo, Tamaitao, huno, he tiyo, huno nehigenoʼaeʼmo aulagamo ageno ayakeno Pitaʼmo agetenoʼaeʼmo he tino fai maiʼniye.