Matiyu 9:23 - The Keyagana NT and 25 OT books

²³ Yesuʼa uno yagaino neʼapateya vekamo nopiʼmo uno haino apakeyana feliopa kepatiʼmo nehaya agufa apakemo aige asole vayaʼmogimo kagegage huge huʼa maiʼnageno apaketenoʼaeʼmo,

Matiyu 9:23 ပူးပေါင်းရင်းမြစ်များ

2 Sitoli 35:25

Gotitegati gemo alinineno aeno hakalo nehiya vekamo Yelemaiyaʼeʼmo Yosaiyafeʼmo yulagefa aino hau huno ateʼniye. Faliʼniya afinatetiʼmo yokemo nehaya ve aʼnemogimo Yosaiyafeʼmo ava gemo huʼa faiyosago yokemo hume hume eʼa hemeniʼeʼmo nehae. Isaleli vayaʼmogimo muki afinaʼmo ani faiyosago yokemo nehae. Ani faiyosago yokemo faiyosago yokemo haneʼniya mukufiʼmo haneʼniye.

Matiyu 11:17

Lagaemo ogefage yokemo huʼnonaʼmonanafa olapauʼnigetapa omo ohageʼnae. Faiyosago yokemo huʼnonaʼmonanafa olapauʼnigeta yulagefa oʼaiʼnae, huʼa nehae.

Luki 7:32

Apakaemo mago mafaʼne anagakana huʼa maiʼnae. Mago mafaʼne anagaʼmogimo maketi kumateʼmo maiʼneʼapaeʼmo, lagaemo yaveʼyamo neʼamagunagetapaeʼmo lapakaemo oaeʼnae. Yulagefaʼmo aiʼnonana aviʼyaʼmo osuʼnae, huʼa huʼnae.

Apa 20:10

Poloʼa uno lamino haifiʼyaleʼmo havaeʼneno anu kitenoʼaeʼmo, atete olapaino. Afaʼa maiʼniye, huno hapa paiʼniye.

Apa 9:39

Pitaʼa ani gemo afitenoʼaeʼmo anakaeʼeʼmo uno avaʼyi huʼnigeʼapaeʼmo avaleliʼuʼa anaga aeno hanagi maleʼniya nopiʼmo uʼa haiʼnae. Muki kogu aʼne anagaʼmogimo eʼa Pita haopaleʼmo lokaeʼa maiʼneʼa aviʼyaʼmo nehuʼapaeʼmo Nokasiʼa apakaeʼeʼmo magokepi lokaeno maiʼniya afinaʼmo alo huʼniya siotiʼe kukenaʼeʼmo aliʼa ave liʼnae.

Leveleseni 18:22

Gitamoʼmo age aige alu yoke alu yokemo huge feliyopa huge pikulimo huge nehiya gemo halate kagaetegatiʼmo magoʼe huʼa oʼafigae. Alu aliʼya alu aliʼyateʼmo ageʼnisaya vayaʼmogimo halate kagaetegamo aliʼyaʼmo alisageʼa oʼapakegae. Monu yafaʼmoʼa viti alagamo lata nepaigeno age neʼaiya agemo halate kagaetegatiʼmo age aisigeʼa oʼafigae.