Matiyu 9:22 - The Keyagana NT and 25 OT books

²² Yesuʼa aino afe leno agetenoʼaeʼmo, Aʼmafaʼneʼnimogae, huno, kagesamo afika fatago nehana kavakamoʼmo alino kahageno kateʼniyanagi koli osuka afaʼa maiyo, huno ha nepaigenoʼaeʼmo aiguʼyaʼamo malage huno hageʼniye.

Matiyu 9:22 ပူးပေါင်းရင်းမြစ်များ

Matiyu 15:28

Yesuʼa hunoʼaeʼmo, kagaemo magoʼe huka kagesamo afika fatago nehane. Nehanaʼmofeʼmo kahauʼniya kavaʼmo afaʼa huguve, huno ha paiteno ani afinaʼmo aʼmafaʼneʼamo aipafatiʼmo hosu aune vekamo alino hafaino ataleʼniye.

Matiyu 17:18

Yesuʼa hosu aune vekaeʼmo ke hauʼnigeno ani mafaʼnemo aipafatiʼmo ataleno lamino uʼnigeno ani afinatetiʼmo alagepa huno maiʼniye.

Matiyu 8:13

yagaino neʼapateya vekaeʼmo, Naha maegaiye, huka kagesamo afika fatago huʼnanaʼmofeʼmo kaha maegauvanagi afaʼa uvo, huno ha paiʼnigeno ani afinaʼmo aliʼyaʼamo neʼaliya vekamo kaitaʼamo hageʼnigeno he tino alagepa huno maiʼniye.

Matiyu 9:2

Mago vayaʼmogimo kanage kanaga osuno yakaikonaʼaleʼmo havaeno neʼmaiya vekamo avaleliʼeʼa Yesu haopaleʼmo ateʼnae. Yesuʼa agaiʼaeʼmo apakesamo afiʼa fatago huʼnaya kavaʼapimo apaketenoʼaeʼmo kanage kanaga osuno neʼmaiya vekaeʼmo ha painoʼaeʼmo, mafaʼneʼnimogae, huno, hosu kavakamo aliʼna ataleʼnovanagi koli osuka kaipamoʼmo falu hino, huno ha paiʼniye.

Matiyu 9:29

anaulagaleʼmo ayaʼmo maleʼnenoʼaeʼmo, Ani kavafeʼmo lanakesamo afitana fatago huʼnaʼaʼmofeʼmo mani kavaʼmo lanakaeteʼmo afole aigiye, huno hana paiʼnigeno anaulagalaʼmo ayakeʼnigeʼana ageʼana ayakeʼnaʼae.

Maki 10:52

kagesa afika fatago huʼnana kavakamoʼmo alino ayakeno kateʼnigi afaʼa uvo, huno huʼnigeno malage huno aulagamo ageno yaketeno kateʼmo akame huno uʼniye.

Maki 5:34

Ani gemo ha paiʼnigenoʼaeʼmo, aʼmafaʼneo, huno, kagesamo afika fatago huʼnana kavakamoʼmo alino kahageno kateʼniyanagi uka alagepa huka maigenoʼao kaipamoʼmo falu hino, huno ha paiʼniye.

Luki 17:19

kagesamo afika fatago huʼnana kavakamoʼmo alino kahageno kateʼniyanagi he tika afaʼa uvo, huno ha paiʼniye.

Luki 18:42

Yesuʼa hunoʼaeʼmo, kaulagamo afa ageka ayako. Nagaefeʼmo kagesa afika fatago huʼnana kavakamoʼmo alino ayakeno kateʼniye, huno ha paiʼnigeno

Luki 7:50

Agaemo ani afeʼmo hunoʼaeʼmo, kagesamo afika fatago huʼnana kavakamoʼmo kagufamo alino katino kateʼniyanagi kaipamoʼmo falu huʼninageka afaʼa uvo, huno ha paiʼniye.

Luki 8:48

aʼmafaʼneʼnimogae, huno, kamogaga aiyo. Nagaefeʼmo kagesamo afika fatago nehana kavakamoʼmo alino kahageno kateʼniyanagi kaipamoʼmo falu huʼninageka afaʼa uvo, huno ha paiʼniye.

Yoni 4:53

Afoʼamoʼmo hunoʼaeʼmo, Yesuʼa ani kanaleʼmo mafaʼnekamo kaitaʼmo hageʼnigeno afaʼa maiʼniye, huno ha paiʼniya geeʼmo agesa afiteno agaeʼe muki afamo anagaʼamogiʼeʼmo Yesufeʼmo apakesamo afiʼa fatago huʼnae.

Apa 14:9

Ani vekamo maiʼnenoʼaeʼmo Poloʼa huʼniya gemo afiʼnigeno Poloʼa agetenoʼaeʼmo, aliʼna he tiʼna atesuvafeʼmo agesamo afino fatago nehiyaʼmofeʼmo afaʼa aliʼna he tiʼna ategauve, huno agesa afiteno aulu haeno agetenoʼaeʼmo

Apa 16:18

muki afinaʼae afinaʼaeʼmo ani agufa gemo huno hapa paige hapa paige huno maiʼniye. Poloʼa lusi kava huno alagaʼmo haeʼnigenoʼaeʼmo aino afe leno ani hosu aune vekaeʼmo hunoʼaeʼmo, Yesu Kalaisi agiʼaletiʼmo ani aʼmafaʼnemo ataleka emikeno, huʼna kaha nepauve, huno ha nepaigenoʼaeʼmo malage huno ataleno emineʼniye.

Himulu 4:2

Gotiʼa alagepa faigoko geʼamo hapa paiʼnigeʼa afiʼnaya kava huno laha paiʼnigeta afiʼnone. Afiʼnayaʼmonanafa apakesamo afiʼa fatago osuʼnayaʼmofeʼmo afiʼnaya gemoʼmo hapa oʼmaeʼniye.