Matiyu 8:4 - The Keyagana NT and 25 OT books

⁴ Yesuʼa ha painoʼaeʼmo, kateʼmo neʼukaeʼmo mago vayaʼaifeʼmo hapa opaika mono huno neʼapateya vekalegageʼmo uka aliʼna kahageʼna kateʼnova kagufamo alika ave liyo. Apakaemo lepolosi kaitaʼamo ago hageʼniye, huʼa kagesayafeʼmo kagufamo alika ave liteka akeyaʼvilagamo Moseseʼa amiyo, huno huʼniya ofalinimo amiyo, huno ha paiʼniye.

Matiyu 8:4 ပူးပေါင်းရင်းမြစ်များ

Aiyeya 42:21

Ala kava neʼmoʼa fatago kavaʼamoʼmo alagepa huno afole aigiyaʼmofeʼmo amuse nehiye. Agaemo Goti keʼaepa geʼamo magoʼe huno alino alopa huno ateteno ala agimo amigiye.

Matiyu 10:18

Agotileʼmo lapavaleliʼuʼa lapatesagetapa gamani vayaʼai apaulagaleʼe kini vayaʼai apaulagaleʼeʼmo he titapa maiʼnetapa Yu nofi vayapatiʼmo oʼmaiʼnaya vayaʼaifeʼmo alagepa faigoko gemo aeta hakalo huta hapa paigae.

Matiyu 16:20

geʼamo neʼafiya vayaʼaifeʼmo hapa painoʼaeʼmo, nagaefeʼmo Kalaisi vekamo maiʼniye, huta hapa opaiyo, huno hapa paiʼniye.

Matiyu 17:9

Avefatiʼmo ataleʼuʼa nelamiʼapaeʼmo Yesuʼa hapa painoʼaeʼmo, ageʼnaya kavafeʼmo mago vayaʼaifeʼmo hapa opaitapa afaʼa maime maime viyo. Vemo mafaʼnemo kanolufatiʼmo alino he tino atetesigetapaeʼmo hapa paigae, huno hapa paiʼniye.

Matiyu 3:15

Yesuʼa hunoʼaeʼmo, he, ani kavaʼmo haneʼniyaʼmonanafa hemenimo kagaemo geʼnimo afa akame hugetaʼao. Muki Goti fatago kavaʼamo alitaʼa afole aitaʼa ategauʼae, huno ha paiʼnigenoʼaeʼmo Yoniʼa hunoʼaeʼmo, he kanalene, huno huʼniye.

Matiyu 5:17

Lapakaemo nagaefeʼmo hutapaeʼmo, Agaemo Mosese keʼaepa geʼe Gotitegati gemo alini eʼa aeʼa hakalo huʼa hapa nepaiya vayaʼai geʼapiʼeʼmo alino atalesiyafeʼmo emineʼniye, hutapa lapakesamo oʼafiyo. Aliʼna atalesuvafeʼmo emiʼnoʼmeʼnofa aliʼna afole aiʼna atesuvafekeʼmo emineʼnove.

Matiyu 6:1

Ehetapiye, huʼna, Vayaʼmogimo lapakesayafeʼmo apaulagaleʼmo vayaʼmo hapa maesaya agufa kavaʼmo osiyo. Hisagenoʼaeʼmo kokuʼnapi afotapimoʼmo miyatapimo olapamigiye.

Matiyu 9:30

Yesuʼa lokiya gemo huno hana painoʼaeʼmo, mago vayaʼaifeʼmo hapa opaiʼao, huno hana paiʼniyaʼmonanafa

Maki 13:9

Mago vayaʼmogimo lapatafauʼa kanisole vayaʼai agotileʼmo lapavaleliʼa uge alu mono nopi alu mono nopiʼmo lapamagige huteʼa gamani vayaʼaiteʼmo yagaiʼa neʼapataya vayaʼaitegaʼe yagaiʼa neʼapataya kini vayaʼai apaulagaleʼeʼmo uta nagiʼnilefeʼmo he ti netapa lama gemo hugae.

Maki 3:12

Yesuʼa hosu apaune vayaʼaifeʼmo lokiya gefatiʼmo hunoʼaeʼmo, ina laʼnamo maiʼnofi hutapa hapa opaiyo, huno hapa paiʼniye.

Maki 5:43

Yesuʼa lokiya ge huno hapa paitenoʼaeʼmo, mago vayaʼaifeʼmo uta hapa opaiyo, huteno, aʼmafaʼnemo mago neʼyaʼmo amiyo, huno hapa paiʼniye.

Maki 6:11

Neʼvisageʼapaeʼmo mago taonifiʼmo maiʼnisaya vayaʼmogimo aliʼa falu fala huʼa olapateʼa getapimo oʼafisayaʼmoʼmo Gotiʼa kavatieʼmo ohauʼniye, huʼa agesayafeʼmo apataleta ugefeʼmo lapaiyaletiʼmo mumusopamo alita fopo hutaletapa viyo. Lama ge huve, huno, Gotiʼa agoti huno apatesiya afinaʼmo Sotomi taonifiʼe Gomola taonifiʼeʼmo maiʼnaya vayaʼmogi mago hosu yaʼmo aligayaʼmonanafa ani taonifiʼmo maiʼnaya vayaʼmogi magoʼe huʼa lusi hosu yaʼmo aligae, huno hapa paiʼniye.

Maki 7:36

Yesuʼa hunoʼaeʼmo, ani kavafeʼmo ava ge huta hapa opaiyo, huno hapa paiʼniye. Magoʼe magoʼe gemo huno hapa paiʼniyaʼmonanafa oʼafiʼa magoʼe huʼa ava ge hulitata huʼa hapa paiʼnae.

Maki 8:30

Huno ha paiʼnigeno Yesuʼa hunoʼaeʼmo, ina laʼnamofi hutapa mago vekaeʼmo ha opaiyo, huno hapa paiʼniye.

Maki 9:9

Aveletiʼmo ataleʼa uʼa nelamiʼapaeʼmo Yesuʼa hunoʼaeʼmo, ageʼnaya kavafeʼmo ava ge hutapa hapa opaita maime maime neʼvigenoʼao Vemo mafaʼnemo kanolufatiʼmo he tisiya afinakeʼmo ava ge huta hapa paiyo, huno hapa paiʼniye.

Luki 17:14

Yesuʼa apaketenoʼaeʼmo, uta mono huʼa neʼapataya vayaʼmo lapakufamo alita apave liyo, huno hapa paiʼnigeʼapaeʼmo kategamo neʼvagenoʼaeʼmo apakufalafaʼmo alino hamaleʼniye.

Luki 4:41

Inagi hosu apaune vayaʼmo asole vayaʼmogi apaipafatiʼmo emi eʼapaeʼmo, Goti mafaʼneʼamo maiʼnane, huʼa alopa gefatiʼmo huʼnae. Kalaisi vekamo maiʼniye, huʼa ago ageʼnayaʼmofeʼmo Yesuʼa hunoʼaeʼmo, ge osuta afa maiyo, huno hapa paiʼniye.

Luki 5:14

Yesuʼa hunoʼaeʼmo, mago vekaeʼmo uka ha opaika mono huno neʼapateya vekalegageʼmo uka kagufamo alika aveligeno kageno alagepa hino. Alika apavelisanageʼa vayaʼmogi agesayafeʼmo Moseseʼa hiyo, huno huʼniya ofalinimo kagufalafaʼmo alino hamaleʼniya kavatefeʼmo ofalinimo amiyo, huno ha paiʼniye.

Luki 8:56

Itaʼafoʼalaʼmoganimo hanau aiʼnaʼagenoʼaeʼmo, mago vekaeʼmo utana ha opaiʼao, huno hana paiʼniye.

Luki 9:21

Yesuʼa lokiya gemo hunoʼaeʼmo, magoke vekaeʼmo mani gemo ha opaiyo, huno hapa paiʼniye.

Yoni 5:41

Nagaemo ago apaketeʼnaeʼmo, ma mopafi maiʼnaya vayaʼmogimo ala nagiʼnimo namigae, huʼna nagesa noʼafuve.

Yoni 7:18

Mago vekamoʼmo agaiʼa aipafatiʼmo ge nehisiyana agaiʼa agiʼaleʼmo aliʼa asaga huʼa atesayafeʼmo haʼye huʼnigeno kahauya nehiye. Mago vekamoʼmo alino ateʼnigeno emineʼniya vekamo agiʼaleʼmo aliʼa asaga huʼa atesayafeʼmo hauʼnisiyana lama ge vekamo maiʼnigeno aigofe gemo aipafiʼmo alagi ohaneʼniye.

Yoni 8:50

Vayaʼmogi nagiʼnileʼmo aliʼa asaga huʼa natesayafeʼmo aliʼyaʼmo noʼalufa mago vekamo alino fako huno neʼapateya vekamokeʼmo nagiʼnileʼmo alino asaga huno atesiyafeʼmo aliʼyaʼmo neʼaliye.