Matiyu 8:20 - The Keyagana NT and 25 OT books

²⁰ Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Matiyu 8:20 ပူးပေါင်းရင်းမြစ်များ

Samu 104:12

Kokuʼnate nama anagaʼmogimo ani haigileʼmo haneʼniya yosaleʼmo apanoʼmo kiteʼa yosa akopaleʼmo maiʼneʼa apakemo neʼaiye.

Samu 104:17

Nama anagaʼmogimo ani Sita yosafiʼmo apanoʼmo nekiyaʼmonanafa yatala lugoʼe apaiyaʼe nama anagaʼmogimo Paeni yosafiʼmo apanoʼmo nekiye.

Samu 40:17

Inagi nagaemo afa vekamo maiʼneʼna kafu huʼna maiʼnovaʼmonanafa Ala kava neʼmoʼa nagaefeʼmo agesamo neʼafiye. O Gotiyo, huʼna, naha maeka nagufamo alika katika neʼnatana vekaʼnimogae, huʼna, afaʼa oʼmaika malage huka naha mao.

Samu 69:29

Huʼa maiʼnayaʼmonanafa nagaemo muki yaʼnimo ohaneʼniya vekamo maiʼneʼna kana yaʼmo aliʼnove. O Gotiyo, huʼna, nagufamo alika katika nateteka alika asaga huka nato.

Samu 84:3

Aise nama anagaʼmogi apanoʼmo kiteʼa maiʼnageʼapaeʼmo kisaveʼyave anagaʼmogi apanoʼmo haneʼnigeʼa apamuʼmo maleteʼa aiʼa apalo atiteʼa neʼyagaiye. Nokafiʼmo neʼmaiyaʼmonanafa muki vayaʼaiteʼmo yagaika neʼapatana vekae, huʼna, kini vekaʼnimo Gotiʼnimogae, huʼna, nokafiʼmo oʼmaiʼneʼna ofalinimo kamisuva hiʼyalamukaleʼe muki ofalinimo nehaya hiʼyalamukaleʼefeʼmo nagesamo neʼafuve.

Neniyo 7:13

Haniʼilagamo nagaemo ani ageʼnova alagamunafiʼmo vemo mafaʼnegana huʼna mago vekamo ageʼnove. Agaemo hiyateʼmo eno akeyaʼvilagamo neʼmaiya Gotitegamo eʼnigeʼa avaleliʼuʼa Goti aulagaleʼmo ateʼnae.

Matiyu 12:32

Mago vayaʼmogi Vemo mafaʼneeʼmo huʼa faipa huʼa atesaya hosu kavaʼapimo afaʼa alino atalegaiyaʼmonanafa aote Aunemeʼaeʼmo huʼa faipa huʼa atesaya hosu kavaʼapimo hemenimo alino oʼatalege afole aisiya afinaʼmo alagi alino oʼatalege hugiye.

Matiyu 12:40

Yonaʼa alopa noyamemo agupafiʼmo loleʼe magoʼe felugaʼe loleʼe magoʼe haniʼilagaʼeʼmo maiʼniya kava huno Vemo mafaʼnemoʼmo loleʼe magoʼe felugaʼe loleʼe magoʼe haniʼilagaʼeʼmo mopamo afepilagamo uno lamino maigiye.

Matiyu 12:8

Vemo mafaʼnemoʼmo Sapati afinateʼmo yagaino neʼateyaʼmofeʼmae, huno hapa paiʼniye.

Matiyu 13:37

Yesuʼa hunoʼaeʼmo, hoyaʼafiʼmo alagepa avina yaʼmo hakaleʼniya vekamo maiʼniya kava huno Vemo mafaʼnemo maiʼniye.

Matiyu 16:13

Yesuʼa Sisaliya Filipai taoni haopalegamo uno maiʼnenoʼaeʼmo geʼamo neʼafiya vayaʼaifeʼmo, apakaemo vayaʼmogimo Vemo mafaʼneeʼmo ina laʼae, huʼa nehae, huno ge huno apafi geʼnigeʼapaeʼmo,

Matiyu 16:27

Vemo mafaʼnemoʼmo afoʼamo ha le konali yaʼamo aliteno enisole vayaʼamogiʼeʼmo eminenoʼaeʼmo aliʼyaʼapilefeʼmo apamete apamete huno miyaʼapimo apamigiye.

Matiyu 17:9

Avefatiʼmo ataleʼuʼa nelamiʼapaeʼmo Yesuʼa hapa painoʼaeʼmo, ageʼnaya kavafeʼmo mago vayaʼaifeʼmo hapa opaitapa afaʼa maime maime viyo. Vemo mafaʼnemo kanolufatiʼmo alino he tino atetesigetapaeʼmo hapa paigae, huno hapa paiʼniye.

Matiyu 19:28

Yesuʼa hunoʼaeʼmo, alagi lama gemo lapa nepauve, huno, saufa mopaʼe kokuʼnaʼeʼmo afole aisigenoʼaeʼmo Vemo mafaʼnemoʼmo ha le konali yaʼamo aliteno yagaino neʼapateya siyaʼaleʼmo fai maiʼnisigetapaeʼmo nakame nehaya vayaʼmogitapamo yagaita apatesaya siyamo tuolofuʼa siyateʼmo fai maiʼnetapaeʼmo tuolofuʼa Isaleli nofi vayaʼaiteʼmo yagaita apategae.

Maki 8:38

Hemeni afinaʼmo maiʼnaya vayaʼmogi anauʼapimoʼmo ataleʼa kumai heʼa neʼvaya aʼnegana huʼa maiʼnae. Ani vayapatiʼmo ina lagimo nagaeʼe geʼnileʼefeʼmo apavagage nehisifigeno Vemo mafaʼnemoʼmo Afoʼamotegatiʼmo ha le konali yaʼamo aliteno apaote enisole vayaʼaʼeʼmo eminenoʼaeʼmo apakaefeʼmo avagage hugiye, huno hapa paiʼniye.

Luki 12:8

Nagaemo lapa paiʼnaeʼmo, vayaʼmogimo mago vayaʼmogi apaulagaleʼmo nagiʼnimo aeteʼapaeʼmo Yesuʼmo akame nehuve, huʼa aeʼa hakalo huʼa hapa nepaisaya vayaʼaifeʼmo Vemo Mafaʼnemoʼmo Goti enisole vayaʼamogi apaulagaleʼmo vayaʼnimo maiʼnae, huno apakimo aegaiye.

Luki 18:8

Lama gemo lapa nepauve, huʼna, malage huno alino fako huno apateteno hapa maegaiyaʼmonanafa Vemo Mafaʼnemo emineno apakesamo afiʼa fatago nehaya vayaʼaina kahauya huno apakesifiye, huno hapa paiʼniye.

Luki 2:12

Lapakaemo agesaya agufa alagena kavaʼmo haneʼniyana kenafiʼmo hayaeno ateteno pulumakamogi neʼyaʼmo neʼmalaya yuvapafiʼmo havaeno ateʼnigeno maiʼniye. Uta agetetapaeʼmo ani mafaʼneeʼmo laha paiʼniye, hutapa hugae, huno hapa paiʼniye.

Luki 2:16

malage huʼa uʼa apakayana Maliyaʼagi Yosefeʼagi pulumakamogi neʼyaʼmo neʼmalaya yuvapafiʼmo havaeno maiʼniya mafaʼnegi huʼa maiʼnageʼapaeʼmo apakeʼnae.

Luki 2:7

Yege mafaʼneʼamo alino ateteno kenafiʼmo hayaeno ateteno pulumakamogi neʼyaʼmo neʼmalaya yuvapafiʼmo havaeno ateʼniye. Alu kotegatiʼmo nata neʼa eʼnaya vayaʼmo nehavaya nopiʼmo ago kili paeʼnageʼana pulumakamogi nopiʼmo havaesaʼafeʼmo maiʼneʼanaeʼmo alino ateʼniye.

Luki 21:36

Inagi muki afinaʼmo kava yagaita maiyo. Muki afole aisiya kavaʼamo aeta agasesaya agufa kavaʼmo huta maiʼnetapaeʼmo Vemo Mafaʼnemo aulagaleʼmo he tita maisayafeʼmo nunumuʼmo hiyo, huno hapa paiʼniye.

Luki 8:3

Yovana anauʼamo agiʼamo Suyaʼa Heloti noʼafi yateʼmo neʼyagaiya vekamo aʼmo maige Susanaʼe magoʼe huʼa asole aʼne anagaʼmogiʼeʼmo moniʼe neʼyaʼeʼmo ha maeʼa amimale amimale huʼa uʼeʼa huʼnae.

Luki 9:58

Yesuʼa hunoʼaeʼmo, yagagafaʼe namamogiʼeʼmo apanoʼmo haneʼniyaʼmonanafa Vemo Mafaʼnemoʼmo havaesiya noʼmo ohaneʼniye, huno ha paiʼniye.

Yoni 1:51

alagi lama gemo kaha nepauve, huno, kagaemo ageganana kokuʼnaʼmo halo aisigeʼapaeʼmo Goti enisole vayaʼamogi Vemo mafaʼneletiʼmo uʼa haiteʼa emiʼeteʼa hisageka apakegane, huno ha paiʼniye.

Yoni 12:34

Asole vayaʼmogi huʼapaeʼmo, lagae keʼaepa gemoʼa hunoʼaeʼmo, Kalaisi vekamo alagi maige maige huno maigiye, huno huʼniyaʼmonanafa na kava higekaeʼmo Vemo Mafaʼnemo aliʼa he tiʼa ategae, huka nehane. Ani Vemo Mafaʼnemo ina laʼmae, huʼa afi geʼnae.

Yoni 13:31

Yutasiʼa apataleno kumategamo uno lamitegenoʼaeʼmo Yesuʼa hunoʼaeʼmo, hemenimo Vemo Mafaʼnemoʼa ala agiʼamo aligiye. Agaemo Goti ha le konali yaʼamo alino apave lisigeno Gotiʼa agaetetiʼmo ala agiʼamo aligiye.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 3:14

Moseseʼa kaʼme kotegamo nagaloʼyavemo auneʼamo yosaleʼmo alino maleno nofi kiteno alino he tino ateʼniya agufa kavaʼmo huʼa Vemo Mafaʼnemo aliʼa he tiʼa ategae.

Yoni 6:27

Lapakaemo kasalisiya neʼyaʼmo alisayafekeʼmo aliʼyaʼmo oʼalitapa hanege hanege huno hanesiya neʼyaʼmo lapamisigetapa alagepa hutapa maige maige hutapa maisaya yaʼmo alisayafekeʼmo aliʼyaʼmo aliyo. Vemo Mafaʼnemoʼmo ani agufa neʼyaʼmo lapamigiye. Muki yaʼmo Afoʼamoʼmo Gotiʼa lekana paiʼna ateʼnove, huno alino apave lisiyafeʼmo himamuʼamo amiʼniye, huno hapa paiʼnigeʼapaeʼmo,

Yoni 6:53

Yesuʼa hunoʼaeʼmo, alagi lama gemo lapa nepauve, huno, lapakaemo Vemo Mafaʼnemo ameʼaʼe kolaʼaʼeʼmo oʼneʼnisayana afaʼa maisaya yaʼmo alagi oʼaliʼnae.

Yoni 6:62

Agesayana Vemo Mafaʼnemo atagi neno uno haino maisigetapaeʼmo, na agufa yane hutapa lapakesamo afigae.

Apa 7:56

Agetenoʼaeʼmo, Ageyo, huno, Kokuʼnaʼmo halo aiʼnigeʼna ageʼnovana Vemo Mafaʼnemo Goti lamaga haopaleʼmo he tino maiʼnigeʼna ageʼnove, huno hapa paiʼniye.

2 Kolitiyani 8:9

Ala kava netimo Yesu Kalaisiʼa fikumo lapa maeno lapamiʼniya kavafeʼmo ava gemo ago afiʼnae. Hogoteno yahauve vekamo maiʼniyaʼmonanafa lapakaemo yahauve vayaʼmo maisayafeʼmo kagemi yaʼamo oʼhaneʼniya vekamo hamaleʼniye.