Matiyu 7:7 - The Keyagana NT and 25 OT books

⁷ Ge hutapa afi nekegenoʼao afaʼa lapamigiyanagi. Kahauya hiyo agetapa aligayanagi.

Matiyu 7:7 ပူးပေါင်းရင်းမြစ်များ

Aepa Gemae 26:32

Ani afinakeʼmo Aisaki aliʼyaʼamo neʼaliya vayaʼmo eʼa Aisakifeʼmo ha paiʼapaeʼmo, Mago ani keli kotuʼmo kafiʼnonageno malelino aniʼmo haineʼniye, huʼa ha paiʼnae.

Samu 10:17

O Ala kava nene, huʼna, kagaemo yagu yaga vayaʼmogimo nunumuʼmo nehaya gemo afigane. Koli osisayafeʼmo apaipamo alika falu hugane. Kagetafo huka afigane.

Samu 10:4

Avai avai nehiya vekamoʼmo Gotiʼa agesiyafeʼmo kahauya nosiye. Gotifeʼmo alagi agesamo noʼafiye.

Samu 119:12

O Ala kava nene, huʼna, alagi aulena Gotigamomaiʼnane. Avoʼmo kae maleʼnaya keʼaepa gekamo alika naya malo.

Samu 27:8

Kagaemo nagaefeʼmo hukaeʼmo nagaefeʼmo kahauya hulika eno huka nehanageʼnaeʼmo kagaefeʼmo nagaemo kahauya huliʼna uguve, huʼna nehuve.

Samu 34:4

Koli huʼna maiʼneʼnaeʼmo naha maesiyafeʼmo kahauya huʼna nunumuʼmo huʼnogeno afitenoʼaeʼmo naha maeʼnigeʼna koli osuʼna afaʼa maiʼnove.

Samu 37:4

Ala kava nefekeʼmo amuse hutapa ategenoʼao lapaipafiʼmo lapauʼnisiya yaʼmo lapamino.

Samu 50:15

Hanageke yaʼmo alisaya afinaʼmo nagaefekeʼmo ge higeʼnao alagepa huʼna lapa maesugetapa ala nagiʼnimo namigae.

Samu 69:32

Ala vayaʼmo maiʼnone, huʼa apakesamo noʼafiya vayaʼmogi ani kavaʼmo ageteʼapaeʼmo apamogaga aigae. Lapakaemo Gotiʼmo agesayafeʼmo kahauya nehaya vayaʼmogitapamo lapaipamo alagepa huno hanesigeta maige maige hutapa maigae.

Samu 70:4

Muki vayaʼmogi kagesayafeʼmo kahauya nehaya vayaʼmogimo apamogaga aiʼa kagaefeʼmo amuse hiyo. Apakufamo alika katika apateʼnanaʼmofeʼmo kahao ke nehaya vayaʼmogi muki afinaʼmo huʼapaeʼmo, Goti agiʼaleʼmo magoʼe magoʼe hutapa alita asaga hiyo, huʼa hiyo.

Mai'naya kavane 8:17

Nagaefeʼmo hapau apamopafiʼmo nehapaiya vayaʼaifeʼmo nahau nayamopafiʼmo neʼnahaiye. Apaya mukiki huʼa kahauya nehisaya vayaʼmogi nagegae.

Salomoni Yokemae 3:2

Nagaemo he tiʼna taonifiʼmo uʼna muki kaʼaleʼmo uʼneʼna nagupi mafaʼnemoʼmo hau ayamopafiʼmo hauʼniya vekanimo kahauya huʼna agegauve, huʼna nagesamo afiʼnove. Nagaemo kahauya huʼnovaʼmonanafa oʼageʼnove.

Matiyu 18:19

Mani kavatefeʼmo magoʼe gemo lapa nepauve, huno, Hainu afinaʼmo lapakaepatiʼmo lole vekalaʼmoganimo mago kavafeʼmo nunumuʼmo huʼanaeʼmo laʼamiyo huʼana magoke anaipa anakesamo aliʼneʼana huʼnisaʼana kokuʼnapi afoʼnimoʼmo afaʼa hana maeno anamigiye.

Matiyu 21:22

Lapakesamo afita fatago hisayana nunumuʼmo huta afi gesaya yaʼmo afaʼa aligae.

Matiyu 6:33

Lapakaemo hogotetapa Gotiʼa yagaino neʼapateya vayapiʼmo haitapa maige fatago kavaʼamo alige hutapa maisayafeʼmo kahauya hiyo Gotiʼa muki yaʼmo ma mopafi maisaya yaʼmo magokepiʼmo lapamigiyaʼmofeʼmae.

Matiyu 7:11

Lapakaemo hosu vayaʼmo maiʼnayaʼmonanafa mafaʼnetapimo alagepa yakeʼmo alita neʼapamiya kava huno kokuʼnapi afotapimoʼmo magoʼe huno aeno lapaka seno maiʼnenoʼaeʼmo ge huʼa afi nekaya vayaʼmo alagepa yaʼmo apamigiye.

Matiyu 7:8

Hakalu hakalu nehigenoʼao kitamo yakino lapategaiyanagi. Muki vayaʼmogi Gotifeʼmo ge huʼa afi nekaya vayaʼmogimo afaʼa aligae. Kahauya nehaya vayaʼmogimo ageʼa aligae. Hakalu hakalu nehaya vayaʼmo uʼa haisayafeʼmo kitamo yakino apategaiye.

Maki 11:24

Ani kavaʼmo haneʼniyaʼmofeʼmo lapa nepauve, huno, lapakaemo na agufa kavafeʼmo nunumuʼmo hutapa afi negesafi aliguve hutapa lapakesa afita fatago huʼnetapa hiyo afaʼa aligayanagi.

Luki 13:25

Noʼmo afoʼamoʼmo he tino kitamo ki maleʼnisigetapaeʼmo kumatega he tita maiʼnetapaeʼmo kitaleʼmo hakalu hakalu nehutapaeʼmo, Ala kava nene, hutapa, kitamo yakika lato, huta nehisagenoʼaeʼmo, olapakeʼnova vayanagi haiyaʼalegati eʼnae, huno ge huno lapafi gesigetapaeʼmo,

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:7

Lapakaemo nagaepiʼmo aeta hanitapa maiʼnisageno geʼnimo lapaipafiʼmo haneʼninagetapa lapauʼnisiya yafeʼmo Gotifeʼmo ge hutapa afi gesagenoʼaeʼmo afaʼa lapamigiye.

Yoni 4:10

Ha paiʼnigenoʼaeʼmo, kagaemo Gotiʼa fiku hapa maeno neʼapamiya yaʼmo ageteka aniʼmo he fika namiyo, huno ge huʼniya vekamo ageka aeto huʼnanesinana agaefeʼmo namiyo, huka afi gesanageno kanage kanage huno haineno uno nelamiya aniʼmo kamiʼniyesine, huno ha paiʼnigenoʼaeʼmo

Lomu 2:7

Gotiʼa ha le konali yaʼapigi ala apakiʼapigi maige maige huʼa maisaya yaʼapigi huʼa alisayafeʼmo hapaʼye nehigeʼa alagepa kavaʼmo oʼataleʼa atafauʼa alagi huʼa maime maime neʼvisaya vayaʼmo alagepa huʼa maige maige huʼa maisaya yaʼapimo apamigiye.

Lomu 3:11

Mago afiʼnaya vayaʼmo oʼmaiʼnae. Gotiʼmo agesayafeʼmo kahauya nehaya vayaʼmo oʼmaiʼnae.

Himulu 11:6

Amuse huno ateʼniyaʼmonanafa apakesamo afiʼa fatago nosaya vayaʼaifeʼmo Gotiʼa amuse huno apatesiyafeʼmo magoke alagepa kavaʼmo alagi afaʼa osugae. Na kava hinageʼapaene. Gotitegamo neʼvaya vayaʼmogimo huʼapaeʼmo, Gotiʼa maiʼniye, huteʼa agaefeʼmo apayamukiki huʼa kahauya huʼa agesayafeʼmo nehaya vayaʼaina alagepa yaʼmo neʼapamiye, huʼa apakesamo afiʼa fatago nehae.

Yemisi 5:15

Apakaemo Gotifeʼmo apakesamo afiʼa fatago huʼneʼa nunumuʼmo huʼa atesageno Ala kava neʼmoʼa alagepa huno alino hageno ategaiye. Kaitaʼmo hauʼniya vekamoʼmo hosu kavaʼmo huʼnisiyaʼmoʼmo Ala kava neʼmoʼa hosu kavaʼamo alino atalegaiye.

1 Yoni 3:22

Lagaemo keʼaepa geʼamo akame nehunagenoʼaeʼmo amuse huno nelateya kavaʼmo nehunaʼmofeʼmo haoke nehunagenoʼaeʼmo nelamiye.