Matiyu 7:6 - The Keyagana NT and 25 OT books

⁶ Gotitegatiʼmo aote yaʼmo alitapa kalamo oʼapamiyo. Lapakaemo alopa miyatetiʼmo miya nefaiya sesumo alita yaga autapa afu anagaʼmo oʼapamiyo, fiku apaiyaletiʼmo aeʼa latapaiteʼa lapaegae.

Matiyu 7:6 ပူးပေါင်းရင်းမြစ်များ

Mai'naya kavane 11:22

Goli linimo afumo agoʼyafiʼmo haneʼniya afumo maiʼniya kava huno alagepa apaulagamo neʼagaya a kanomoʼa alagepa kavaʼmo hisiya agufa agesamo noʼafiya a kanomo maiʼniye.

Mai'naya kavane 23:9

Kagaemo negi vekaeʼmo mago gemo ha opaiyo. Agaemo afiteka ageʼnana gekaeʼmo huno faipa huno kategaiye.

Mai'naya kavane 26:11

Kalamoʼmo mu valino ataleno uʼniyategamo halate atagi neno neʼeya kava huno negi vekamoʼmo halate hogoteno negi kavaʼmo huʼniya kavaʼmo hugiye.

Mai'naya kavane 26:4

Negi vekamoʼmo negi gemo hisiya geleʼmo aeka atagaina huka osuvo. Fiku yanageka agaekana huka alika hamalegane.

Matiyu 15:26

Nagaemo mafaʼnemogi peleti mayamo aliʼna kalamo apamisuvana kanale osugiye, huno ha paiʼnigenoʼaeʼmo,

Matiyu 24:10

Ani afinaʼmo afole aisigeʼapaeʼmo muki asole vayaʼmo apakesamo afiʼa fatago huʼnaya kavaʼapimo ataleteʼa konagaʼapimogi kutulu yaʼmo neteʼa apakaefeʼmo apaini hugae.

Matiyu 7:5

Aeta ati nekaya vayane, huʼna, alagepa hutapa agetetapa konagatapimo aulagafatiʼmo afayaʼmo alita atalesayafeʼmo hogoteta lapaulagafatiʼmo latapa yakefamo alita akaitapa ataleyo.

2 Kolitiyani 11:26

Asole afinaʼmo nata neʼna umenitata huʼnove. Aniʼmo heʼniya yapatiʼmo lakaeʼna uge apatafauʼa apamagiteʼa kumaya neʼaliya vayaʼmogi folagapiʼmo uʼna maige Yu konagaʼnimogi namagisayafeʼmo huʼnaya folagapiʼmo uʼna maige alu nofi vayaʼmogi namagisayafeʼmo huʼnaya folagapiʼmo uʼna maige huʼna falisuva kavategamo uʼneʼna huʼna maiʼnove. Alopa taonifiʼmo uʼna maige kaʼme kotegamo uʼna maige solovala aniʼmo agotofuleʼmo uʼna maige aigofe konaga vayatimogi folagapiʼmo uʼna maige huʼna falisuva kavategamo uʼneʼna huʼna maiʼnove.

Filipai 3:2

Lapakaemo afela kalagana huʼa maiʼnaya vayaʼaifeʼmo ehetapiye. Apakaemo hosu aliʼyaʼmo alige apakufamo lagauʼa apateʼnaya kavatetiʼmo apakufamo aliʼa hosu huʼa apatege huʼnae.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

Himulu 6:6

Ageteʼapaeʼmo alagi ataleʼa asagauʼa aiʼnayaʼmofeʼmo halate apaipamo aliʼa afe lesaya kaʼmo alagi ohaneʼniye. Apakaemo Goti Mafaʼneʼamo malipu yosaleʼmo nili aiʼnaya kava huʼa apaipafiʼmo halate ani agufa kavaʼmo nehuʼapaeʼmo vayaʼai apaulagaleʼmo agiʼaleʼmo aliʼa afepi neʼatayaʼmofeʼmae.

2 Pita 2:22

Ani agufa vayaʼaifeʼmo alagi lama gemo huʼa aeʼa kalafefa gemo huʼapaeʼmo, kalamogimo mu valiʼa ataleʼa uteʼa halate aiʼa atagineʼa eʼa neʼnae. Ani kava huʼa afumo aniʼmo faleʼa ateʼnaya afumoʼmo halate uno hapafiʼmo kasepu neʼaiye, huʼa huʼnae.

Leveleseni 22:15

Negayaʼmonanafa kalagana vayanagi Satani himamuʼaletiʼmo noʼagaya agufa aune kavaʼmo nehaya vayanagi kumai kavaʼmo nehaya vayanagi vayaʼmo neʼapamagiya vayanagi aigofe gotiʼapimogitefeʼmo mono nehaya vayanagi muki vayaʼmogimo aigofe kavafeʼmo hapauʼnigeʼapaeʼmo aigofe gemo nehaya vayanagi huʼa ani taonimo malagamo maigae.