Matiyu 7:29 - The Keyagana NT and 25 OT books

²⁹ Yesuʼa keʼaepa gemo aliʼa apaya neʼmalaya tisa vayaʼapigana huno alino apaya oʼmaleʼnifa himamuʼaletiʼmo alino apaya maleʼniyaʼmofeʼmo afiʼa hapau aiʼnae.

Matiyu 7:29 ပူးပေါင်းရင်းမြစ်များ

Aiyeya 50:4

Ala kava neʼmo Gotiʼa nagaemo alagaʼmo nehapaeya vayaʼaifeʼmo hapa maesiya gemo hapa paisuvafeʼmo sukulu nehaya vayaʼmogi apavayagana agufa navayamo namiʼniye. Agaemo muki nateʼaʼe nateʼaʼeʼmo naupatiʼmo alino he tino neʼnate. Alagepa huʼa sukulu huʼnaya vayaʼmogimo alagepa huʼa afiʼnaya kava huʼna afisuvafeʼmo nagesamo alino halo neʼaiye.

Maika 3:8

Apakaemo ani kava huʼa maiʼnayaʼmonanafa nagaemo Yekopu nofi vayaʼe Isaleli nofi vayaʼefeʼmo huʼnaeʼmo, Hosu kavaʼmo huʼnae, huʼna hapa paisuvafeʼmo Ala kava neʼmo Aunemeʼamoʼmo lokiya vaino nateʼnigeno naipafiʼmo lokiyaʼnigi alagepa huʼna aliʼna fako hisuva kavanagi himamuʼagi huno havai teʼniye.

Matiyu 28:18

Yesuʼa apakaetegamo enoʼaeʼmo, muki himamuʼamo kokuʼnapinagi ma mopafi kavatenagi vayaʼaitenagi huʼna yagaisuva himamuʼamo ago namiʼniye.

Matiyu 5:20

Nagaemo lapa paiʼnaeʼmo, fatago kavatapimoʼmo keʼaepa gemo avoʼmo kaeʼa aliʼa apaya neʼmalaya vayaʼai fatago kavaʼapiʼe Falasi mono vayaʼai fatago kavaʼapiʼeʼmo alagi aeno oʼagasesiyaʼmoʼmo Gotiʼa yagaino neʼapateya koteʼmo uta ohaigae, huno hapa paiʼniye.

Matiyu 5:28

Mani gemo ago huʼnayaʼmonanafa hemenimo nagaemo lapa paiʼnaeʼmo, Mago vekamoʼa a kanomo agetenoʼaeʼmo haʼye nehisiyana aipafiʼmo ani a kanoʼeʼmo kumai kavaʼmo huʼniye.

Matiyu 5:32

Ani gemo huʼnayaʼmonanafa hemenimo nagaemo huʼnaeʼmo, mago vekamoʼmo aʼamoʼmo kumai kavaʼmo osuʼnisiya a kanomo ha faino ataleʼnisiyana kumai kavaʼmo hisiyafekeʼmo ha faino atalegaiye. Ani kava huno mago vekamoʼa ha faino ataleʼnisiya aʼmo aliʼnisiyana kumai kavakeʼmo hugiye.

Matiyu 5:44

Lapa paiʼnayaʼmonanafa hemenimo nagaemo huʼnaeʼmo, kame vayatapieʼmo lapau lapayamopafiʼmo lapaino. Lifana gemo lapa nepaiya vayaʼaifeʼmo aulena gemo hapa paiyo. Lapakaefeʼmo apaini huʼnisaya vayaʼaitegamo alagepa kavaʼmo hiyo. Lapakaetegamo hosu kavaʼmo huteʼa apaini huʼa nelapatesaya vayaʼaifeʼmo nunumuʼmo huta apateyo.

Matiyu 7:28

Yesuʼa mani gemo hapa paino hano huʼnigeʼapaeʼmo afa vayaʼmogimo afiʼa hapau aiʼnae.

Matiyu 8:1

Yesuʼa avelefatiʼmo emineʼnigeʼapaeʼmo asole vayaʼmo akame huʼa emiʼeʼnae.

Luki 20:8

naha opaiʼnayaʼmofeʼmo haiya agufa alagena yaʼmo yagaiʼa neʼapataya vayaʼmogi neʼaliya agufa alagena yaʼmo aliʼneʼnaeʼmo ani kavaʼmo nehufi huʼna lapa opaiguve, huno hapa paiʼniye.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Apa 6:10

Goti Aunemeʼamoʼmo alagepa agesa afi yaʼmo amiʼnigeʼa Sitiveniʼa huʼniya geleʼmo ge huʼa aeʼa oʼagaseʼnae.