Matiyu 7:28 - The Keyagana NT and 25 OT books

²⁸ Yesuʼa mani gemo hapa paino hano huʼnigeʼapaeʼmo afa vayaʼmogimo afiʼa hapau aiʼnae.

Matiyu 7:28 ပူးပေါင်းရင်းမြစ်များ

Samu 45:2

Kagaemo aeto agufa kanale vekamo maiʼneka muki vayaʼmo alagi aeka apakaseka maiʼnane. Gotiʼa fiku hapa maeno neʼapamiya gemo kavayafiʼmo maleʼnigeka ani gemo nehane. Gotiʼa muki afinaʼmo alino auleno neʼateyaʼmofeʼmae.

Matiyu 11:1

Yesuʼa tuolofuʼa vayaʼmo geʼamo neʼafiya vayaʼaifeʼmo mani kavaʼmo hiyo, huno hapa paino hano hutenoʼaeʼmo ani haopalegatiʼmo ataleno Galeliya kotega muki taoniʼafi taoniʼafiʼmo alino apaya malege aeno hakalo huno hapa paige hume hume visiyafeʼmo uʼniye.

Matiyu 19:1

Yesuʼa ani gemo hapa paiteno Galeliya kotegatiʼmo ataleno Yutiya kotega Yoneni aniʼmo lakaeno uno mugagayaga faligamo maiʼniye.

Matiyu 22:33

Muki vayaʼmogi ani alino apaya maleʼniya gemo afiteʼapaeʼmo hapau aiʼnae.

Matiyu 26:1

Yesuʼa muki geʼamo alagi hapa paino hano hutenoʼaeʼmo geʼamo neʼafiya vayaʼaifeʼmo hapa painoʼaeʼmo,

Matiyu 7:27

Koʼmo aiteno aniʼmo hege yasimo alige hulineno noʼamo alagi alino agoʼya faino ataleʼnigeno lusi kava huno asagauno aiʼniye, huno hapa paiʼniye.

Matiyu 7:29

Yesuʼa keʼaepa gemo aliʼa apaya neʼmalaya tisa vayaʼapigana huno alino apaya oʼmaleʼnifa himamuʼaletiʼmo alino apaya maleʼniyaʼmofeʼmo afiʼa hapau aiʼnae.

Maki 1:22

Keʼaepa gemo avoʼmo kaeʼa aliʼa apaya neʼmalaya vayakana huno alino apaya oʼmaleʼniyaʼmonanafa himamuʼaletiʼmo alino apaya maleʼnigeʼa afiteʼapaeʼmo hapau aiʼnae.

Maki 11:18

Mono huʼa neʼapataya vayaʼaiteʼmo yagaiʼa neʼapataya vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo ani kavafeʼmo ava gemo afiteʼapaeʼmo amagisaya kafeʼmo kahauya huʼa maiʼnae. Muki vayaʼmogi geʼamo afiteʼa hapau aiʼnayaʼmofeʼmo agaefeʼmo koli huʼnae.

Maki 6:2

Agaemo Sapati afinaʼmo Yu vayaʼai mono nopiʼmo uno haino mono gemo aepa faino alino apaya maleʼniye. Asole vayaʼmogi ani gemo afiʼa hapau aiteʼapaeʼmo, mani vekamo ani gemo haiyaʼaletiʼmo aliʼniye. Alagepa agesa afi yaʼmo haiya agufa agesa afi yaʼmo aliʼniyaʼmofeʼmo noʼagona agufa lokiya kavaʼmo nehiye.

Luki 19:48

Huʼnayaʼmonanafa muki afa vayaʼmogiʼeʼmo geʼamo afisayafeʼmo hapauʼniyaʼmofeʼmo amagisaya kaʼmo oʼageʼnae.

Luki 2:47

Huʼniya gemo afiʼnaya vayaʼmogi, alagepa huno afiteno geʼapileʼmo alagepa huno aeno atagaina huno hapa nepaiye, huʼa huteʼa hapau aiʼnae.

Luki 4:22

muki vayaʼmogimo fiku hapa maeno neʼapamiya gemo avayafatiʼmo huʼnigeʼa afiteʼapaeʼmo hapau aiteʼapaeʼmo, Yosefe mafaʼnemo oʼmaiʼnifi, huʼa huʼnae.

Luki 4:32

Alaʼapimo yagaino neʼapateya vekagana huno himamuʼaletiʼmo alino apaya maleʼnigeʼapaeʼmo hapau aiʼnae.

Luki 7:1

Yesuʼa mani muki geʼamo vayaʼaifeʼmo aeno hakalo huno hapa paino hano huteno ataleno Kapeneyamu taonifiʼmo uʼniye.

Yoni 7:15

Yu vayaʼmogimo afiʼa hapau aiteʼapaeʼmo, ani vekamo sukulu osuʼniyana haiya kava huno Goti mukufi gemo ageteno nehiye, huʼa huʼnae.

Yoni 7:46

ani vekamoʼa aeto agufa gemo huʼniya agufa gemo muki vayaʼmogimo nosae, huʼa hapa paiʼnageʼapaeʼmo