Matiyu 7:22 - The Keyagana NT and 25 OT books

²² Ani alopa afinaʼmo afole neʼaisigeʼapaeʼmo asole vayaʼmogimo nagaefeʼmo, Ala kava nene, Ala kava nene, huʼa, kagikaletiʼmo Goti geʼamo aeta hakalo huta hapa opaiʼnopiye. Kagikaletiʼmo vayaʼai apaipafatiʼmo sigisiʼa hosu apaune vayaʼmo alita hapa faita oʼapataleʼnopiye. Kagikaletiʼmo asole noʼagaya aune kavaʼmo osuʼnopiye, huʼa naha paisageʼnaeʼmo,

Matiyu 7:22 ပူးပေါင်းရင်းမြစ်များ

Aiyeya 2:11

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Aiyeya 2:17

Ala kava neʼmo afole aisiya afinaʼmo ala apakimo neʼaliya vayaʼe apakiʼapileʼmo aliʼa asaga nehaya vayaʼeʼmo alino afepiʼmo apatesigeʼa Ala kava nekeʼmo aliʼa asaga huʼa ategae.

Napa 24:4

Ani gemo Goti gemo afiʼniya vekamoʼmo aeno hakalo nehiya gemae. Agaemo alagamuna agegekana huno ageʼniyana lokiyaʼaʼe Gotiʼa agetenoʼaeʼmo aulagamo haleʼnigeno asagauno aiʼniye.

Napa 31:8

Apakaemo Mitiyani ve anagaʼmogiʼeʼmo faefuʼa Mitiyani kini vayaʼmo Ivaiʼagi Likeniʼagi Suʼagi Huʼagi Limaʼagi huʼa kamitimo apaiʼnae. Apakaemo Melamiʼmo Miyo mafaʼneʼeʼmo naipeletiʼmo kamitimo aiʼnageno faliʼniye.

Matiyu 10:15

Lama ge lapa nepauve, huno, Gotiʼa agoti huno apatesiya afinaʼmo Gomola taonifiʼmo maiʼnaya vayaʼe Sotomi taonifiʼmo maiʼnaya vayaʼeʼmo hanageke yaʼmo aligayaʼmonanafa ani taonifiʼmo maiʼnaya vayaʼmogimo magoʼe huʼa aeʼa apaka seʼa lusi hanageke yaʼmo aligae.

Matiyu 24:36

Hainu afinaʼmofi na kanaleʼmofi huʼa muki vayaʼamogimo alagi oʼafiʼnae. Kokuʼnapi enisole vayaʼmogiʼe Mafaʼneʼamoʼeʼmo alagi oʼafiʼnayaʼmonanafa muki yaʼmo Afoʼamokeʼmo afiʼniye.

Matiyu 25:11

Henagaʼamo naya magokayagaʼa aʼmafaʼnemo veʼeʼmo lokaeʼa ohavaeʼnaya aʼmafaʼne anagaʼmo eʼa, Ala kava nene, huʼa, kitamo yakika lato, huʼa ge huʼnagenoʼaeʼmo

Matiyu 7:21

Muki vayaʼmogimo nagaefeʼmo huʼapaeʼmo, ala kava nene, ala kava nene, huʼa nehaya vayaʼmogimo Gotiʼa yagaino neʼapateya koteʼmo afaʼa uʼa ohaigayaʼmonanafa kokuʼnapi afoʼnimoʼmo hauʼniya kavaʼageʼmo nehaya vayaʼageʼmo afaʼa uʼa haigae.

Luki 10:12

Lapa nepauve, huno, Gotiʼa agoti huno apatesiya afinaʼmo Sotomi taonifiʼmo maiʼnaya vayaʼmogimo mago hosu yaʼmo aligayaʼmonanafa mani taonifiʼmo maiʼnaya vayaʼmogi magoʼe huʼa hosu yaʼmo aligae.

Yoni 11:51

Agaiʼamo ani gemo osuʼnifa ani kafugamo mono huʼa neʼapataya vayaʼaiteʼmo yagaino neʼapateya vekamo maiʼniyaʼmofeʼmo aune gemo huno Gotitegati gemo alinineno aeno hakalo huno hapa painoʼaeʼmo, Yesuʼa Yu nofi vayaʼaitefeʼmo falino apategaiye.

1 Tesaloniyani 5:4

Konagatimogitapae, huta, faiʼa kasalo opaegayaʼmonanafa kumaya vayaʼmo neʼageʼapaeʼmo hapau neʼaiya kava hutapa lapakaemo hanipiʼmo oʼmaiʼnayaʼmofeʼmo ani afinaʼmo lapakaetegamo afole aisigetapaeʼmo lapau oʼaigae.

2 Tesaloniyani 1:10

Ani afinaʼmo apaote vayaʼamo alino alagepa huno apatesigeʼapaeʼmo agiʼaleʼmo aliʼa asaga huʼa ategae. Muki vayaʼmo apakesamo afiʼa fatago nehaya vayaʼmogimo agaemo ageteʼapaeʼmo hapau aiteʼa apamogaga aigae. Lapakaemo lapa paiʼnona geeʼmo lapakesamo afita fatago huʼnayaʼmofeʼmo apakaeʼeʼmo magokepi lokaeta maigae.

2 Timoti 1:12

Ani aliʼyaʼmo neʼaluvaʼmofeʼmo mani kana yaʼmo aliʼna maiʼnovaʼmonanafa navagagemo alagi nosiye. Nagaemo naha maesiyafeʼmo ina lafeʼmo nagesamo afiʼna fatago huʼnofi huʼna ago ageʼna aeto huʼnove. Nagaemo ageteʼnaeʼmo amiʼnova yateʼmo afaʼa yagaino nateme nateme neʼviyanageno agaiʼa afinaʼmo afole aigiye, huʼna nagesamo afisuvafeʼmo alino nave liʼnigeʼna ago ageʼnove.

2 Timoti 1:18

Efasasi taonifiʼmo maiʼnogenoʼaeʼmo muki afinaʼaeʼmo naha maeʼniya kavaʼmo ago ageʼnane. Nagaemo Ala kava nefeʼmo, kagae afinaʼmo afole aisigekaeʼmo kahau huka ato, huʼna nunumuʼmo huʼna neʼatove.

2 Timoti 4:8

Hemenimo fatago vayaʼmogi alisaya agufa hetamaʼnimo nateʼniyanageʼna aliguve. Ala kava neʼmoʼa agoti gemo alino kanale huno alino fako huno neʼapateya vekamo afole aisiya afinaʼmo namigiye. Nagaiʼnigeʼmo oʼaliguvaʼmonanafa muki vayaʼmo eminesiyafeʼmo hapauʼnisiya vayaʼamogiʼeʼmo aligune.