Matiyu 7:2 - The Keyagana NT and 25 OT books

² Haiya kava hutapa vayaʼai kavaʼapimo alita fako huta neʼapatesafi ani agufa kavakeʼmo huno alino fako huno lapategaiye. Na agufa kavatetiʼmo alita fako hutapa neʼapatesafi ani agufa kavakeʼmo huno alino fako huno lapategaiye.

Matiyu 7:2 ပူးပေါင်းရင်းမြစ်များ

Aiyeya 33:1

Vayaʼmogi lapakaetegamo kame huʼa lapateteʼa kagemi yatapimo oʼaliʼnayaʼmonanafa lapakaemo kame huta apatetetapa kagemi yaʼapimo aliʼnaya vayane, huʼna, lapakaemo lusi kava huta kage kage hisaya kavaʼmo lapakaetegamo afole aigiye. Vayaʼmogi humi olapateʼnayaʼmonanafa lapakaemo humi neʼapatae. Lapakaemo kame huta apatetetapa kagemi yaʼapimo kumaya oʼalitapa atalesaya afinaʼmo lapakaetegamo kame huʼa lapateteʼa kagemi yatapimo aligae. Magoʼe huta humi apatesaya afinaʼmo humi lapategae.

Omataiya 1:15

Ala kava neʼmoʼna afinaʼmo ago eno hogo huʼniye. Ani afinaʼmo muki nofi vayaʼmo agoti huʼna apategauve. Inomi vayaʼmogitapae, huʼna, Lapakaemo apakaetegamo hosu kavaʼmo huʼnaya agufa kavaʼmo huʼa lapakaetegamo hosu kavaʼmo hugae. Hosu kavaʼmo huʼnaya anonatapilefeʼmo hosu kavaʼmo hugae.

Matiyu 6:14

Apakaemo lapakaetegamo hosu kavaʼmo nehaya vayaʼaifeʼmo, kanalenagi afaʼa ateyo, huta hapa paisagenoʼaeʼmo kokuʼnapi Afotapimoʼmo ani agufa gegeʼmo huno lapakae hosu kavafeʼmo afaʼa ateyo, huno lapa paigiyaʼmonanafa

Maki 4:24

Gemo neʼafitapaeʼmo, na agufa gemo neʼafufi hutapa alagepa hutapa lapakesamo afiyo. Afitetapaeʼmo lapaipa lapakesamo neʼamisagenoʼaeʼmo Gotiʼa ina kava huno lapamigiye. Alagepa hutapa neʼafisayana magoʼe huno alino lapamigiye.

Luki 6:38

Alagepa yatapimo apamigenoʼao Gotiʼa lapamino. Gotiʼa havai teʼnisigenoʼaeʼmo aeno alagi huteno magoʼe huno maleno havai teteno ayatetiʼmo maleno alagi huteno aino ati kaeteno talasisi kupiʼmo ku ai malegaiye. Haiya agufa kavaʼmo huta alita fako hutapa apamisafi ani agufa kavaʼmo huno Gotiʼa alino fako huno lapamigiye, huno hapa paiʼniye.

2 Kolitiyani 9:6

Ani geeʼmo huʼnaeʼmo, aise avina yaʼmo nehakalaya vayaʼmogimo aise neʼyaʼmo aligae. Asole avina yaʼmo nehakalaya vayaʼmogimo asole neʼyaʼmo aligae, huʼna lapa nepauve.

Yemisi 2:13

Gotiʼa agoti huno apatesiya afinaʼmo mago vayaʼaifeʼmo hapau huʼa noʼapatesaya vayaʼaifeʼmo hau huno oʼapategaiyaʼmonanafa hapau huʼa neʼapataya vayaʼaifeʼmo Gotiʼa hau huno apatesiya kavatetiʼmo agoti huʼa aeʼa agasegae.

Leveleseni 18:6

Lapamiʼniya kava hutapa amiyo. Hosu kavaʼamo anonaʼalefeʼmo lole yaʼmo alita maleta lokaetapa amiyo. Agaiʼa kapufiʼmo lapamiʼniya anitefeʼmo loleʼmo maleta lokaetapa amiyo.

1 Samiyo 15:33

Ani gemo huʼniyaʼmonanafa Samiyoʼmo ha painoʼaeʼmo, Kagaemo asole vayaʼmo kamitimo apamagiʼnana vayaʼmogi itaʼapimogimo mafaʼneʼapimo oʼmaiʼnaya kava huno itakamo mafaʼneʼamo oʼmaigiye, huno huteno Samiyoʼmo naipeletiʼmo heno hatagauno aise aise huʼniye.