Matiyu 7:15 - The Keyagana NT and 25 OT books

¹⁵ Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Matiyu 7:15 ပူးပေါင်းရင်းမြစ်များ

Neniyo 11:34

Kame vayaʼapimogi hapaesaya afinaʼmo aise vayaʼmo hapa maesageʼa asole aigofe vayaʼmo eʼa anifi lokaeʼa maigae.

Maika 3:11

Yulusalemu vayaʼaiteʼmo yagaiʼa apateʼnaya vayaʼmogi kutulu monimo alisayafeʼmo agoti gemo afiteʼa aliʼa fako nehae. Mono huʼa neʼapataya vayaʼmogimo miyaʼmo alisayafekeʼmo Goti gemo aliʼa apaya neʼmalae. Apaune gemo aeʼa hakalo huʼa hapa nepaiya apaune vayaʼmogimo monimo alisayafekeʼmo afole aisiya kavafeʼmo ava gemo nehae. Ani kavaʼmo nehayaʼmonanafa apakaemo Ala kava nekeʼmo atafauʼa kako kiliʼneʼa ina gemo huʼapaeʼmo, Ala kava neʼmoʼa lagaeʼeʼmo magokepi lokaeno maiʼniyanageno hosu kavaʼmo lagaeteʼmo afole oʼaigiye, huʼa nehae.

Matiyu 10:17

Ehetapiye. Mago vayaʼmogi kalavusi huʼa lapateteʼa agotileʼmo lapavaleliʼuʼa mono noʼapifiʼmo nofi kayotetiʼmo lapamagigae.

Matiyu 16:11

Peleti mayaeʼmo nosuvaʼmonanafa na kava higetapa oʼafiʼnae. Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huʼna lapa nepauve, huno hapa paiʼniye.

Matiyu 16:6

Yesuʼa hunoʼaeʼmo, Falasi mono vayaʼmogi peleti maya falaovafiʼmo neʼataya yaʼe Satiyusi mono vayaʼmogi peleti maya falaovafiʼmo neʼataya yaʼefeʼmo ehetapiye, huno hapa paiʼniye.

Matiyu 24:11

Asole aigofe gemo alini eʼa aeʼa hakalo huʼa hapa paisaya vayaʼmo afole aiteʼa asole vayaʼaifeʼmo humi apategae.

Matiyu 7:14

Afaʼa maisaya yaʼmo alisaya kate kipaʼmo aise kipaʼmo haneʼnigeno lokiya kaʼmo haneʼnigeʼa magoke magoke vayaʼmogigeʼmo ha ha huʼa kahauya huʼa neʼagae, huno hapa paiʼniye.

Luki 12:15

muki vayaʼaifeʼmo hunoʼaeʼmo, lapakaemo kagemi yafeʼmo lapaʼye hisiya kavaʼmo afole oʼaisiyafeʼmo ehe alagepa huta yagaita lapateyo. Asole kagemi yaʼmo neʼaliya kavaʼmoʼa alagepa huʼa maisaya kavaʼmo aepaʼamo ohaneʼniye, huno hapa paiteno

Luki 6:26

Muki vayaʼmogimo lapakitapileʼmo aliʼa asagauʼa lapatesaya afinaʼmo vaehae, huʼna, kage kage hisaya kavaʼmo afole aigiye. Apakinago vayaʼmogimo ani kavaʼmo huʼa aigofe gemo alini eʼa aeʼa hakalo huʼa hapa nepaiya vayaʼmogi apakiʼapileʼmo aliʼa asagauʼa apateʼnae.

Yoni 10:12

Miyaʼmo alisiyafekeʼmo aliʼyaʼmo neʼaliya vekamoʼa sipisipileʼmo yagaino neʼapateya vekamo maige sipisipimo afoʼamoʼmo maige osuʼniyaʼmofeʼmo afela kalamo neʼegenoʼaeʼmo apataleno aune hetaleno uʼnigenoʼaeʼmo afela kalamoʼa hapaeno hanilino neʼvigeʼapaeʼmo ataleʼa atagu faeʼa uʼeʼa nehae.

Apa 13:40

Ani gemo lapa nepauvaʼmofeʼmo Gotitegati gemo alini eʼa aeʼa hakalo huʼa hapa nepaiya vayaʼmogi Goti Mukufiʼmo avoʼmo kae maleʼnaya agufa kavaʼmo lapakufaleʼmo afole oʼaisiyafeʼmo ehetapiye.

Apa 13:6

Apakaemo magayaga faliga ani haigifiʼmo haneʼniya taonimo aliʼa ataleʼa mugagaya ani agoʼnanenamo ani haigifiʼmo haneʼniya taonifiʼmo Pefosi kotegamo uʼa maiʼnae. Mago vekamo agiʼamo Ma Yesuʼa ani taonifiʼmo maiʼnigeʼa ageʼnae. Agaemo hosu apaune vayaʼai himamuʼapiletiʼmo noʼagaya aeto agufa aune kavaʼmo nehiya vekamo Yu nofi vekamo maiʼnenoʼaeʼmo, Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huno hapa paiʼniyaʼmonanafa aigofe vekamo maiʼniye.

Galesiya 2:4

mago vayaʼmo aigofe konagatimogimo agufamo lagausayafeʼmo hapauʼniye. Ani vayaʼmo kesi katetiʼmo lamata huliʼa eʼa alita anupa huta maiʼnona vayapiʼmo eʼa maiʼnae. Kalaisi Yesuʼa hatu maeno lateʼnigeta agaepiʼmo afa vayaʼmo maiʼnonageʼapaeʼmo kalavusi huʼa lateteʼa keʼaepa gemo afeʼalumelagamo aliʼa latesayafeʼmo eʼa lamata huʼa maiʼnayaʼmonanafa

Efasasi 4:14

Magoʼe huta mafaʼnegana huta oʼmaita kosigune. Mafaʼnegana huta maiʼnisunaʼmoʼmo aigofe vayaʼmogi aliʼa apaya neʼmalaya gemoʼmo yasimo alinino uneno nehigeno aino afelo afalo nehiya sipigana huta maigune. Apakaemo apakaiʼapimo apakesamo afiteʼa humiʼnami gemo huteʼa apayate neʼaliye.

Efasasi 5:6

Mani agufa hosu kavaʼmo nehayaʼmofeʼmo Goti geʼamo oʼafiʼa amagiʼa neʼatalaya vayaʼaifeʼmo aipamo leno neʼapateyanageno alagi apamagigiyaʼmofeʼmo fiku yanageʼa mago vayaʼmogi afa gemo huteʼa humi lapategae.

Filipai 3:2

Lapakaemo afela kalagana huʼa maiʼnaya vayaʼaifeʼmo ehetapiye. Apakaemo hosu aliʼyaʼmo alige apakufamo lagauʼa apateʼnaya kavatetiʼmo apakufamo aliʼa hosu huʼa apatege huʼnae.

Kolosi 2:8

Fiku yanageʼa mago vayaʼmogimo ma mopafi vayaʼmogi ageteʼa afiʼnaya agufa gemo huge afa aigofe gemo huge huʼa humi lapategayanagi ehetapiye. Mani gemo Kalaisitegatiʼmo noʼmefa apakinago vayaʼmogi nehaya agufa gemo ma mopafi kavaʼmo ani kavaʼmo huno afole aiʼniye, huʼa nehaya geeʼmo apakesamo neʼafiya yaʼapifatiʼmo neʼe.

2 Timoti 3:13

Inagi hosu vayaʼmogi humi apatesaya vayaʼmo magoʼe magoʼe huʼa hosu kavaʼmo huʼa humi neʼapatesagenoʼaeʼmo Sataniʼa apakaeʼeʼmo humi apategaiye.

2 Timoti 4:3

Henagaʼamo kaita haugekana huno ohaneʼneno vayaʼmo alino hapageno neʼapateya geeʼmo ohapaugiyaʼmofeʼmo ani agufa gemo alika apaya malo. Apakaiʼapi nehapaiya kavaʼmo akame huteʼa hapauʼniya gemo afisayafeʼmo aliʼa apaya neʼmalaya vayaʼmo apavaleliʼa ete ete hugae.

2 Pita 3:17

Nahauʼniya vayaʼnimogitapae, huʼna, mani kavafeʼmo ava gemo hogotetapa ago afiʼnayaʼmofeʼmo ehetapiye. Fiku yanagetapa keʼaepa gemo amagiʼa neʼatalaya vayaʼai geʼapimo afitetapa atafauta alagi hutapa maiʼnayatetiʼmo ataleta asagauta aigae.

1 Yoni 4:1

Nahauʼniya vayaʼnimogitapae, huʼna, Asole aigofe vayaʼmogi gemo aeʼa hakalo huʼa hapa nepaiya vayaʼmo muki ma mopafiʼmo umenitata nehae. Umenitata nehayanagi lama gemo nehae, huta oʼafitapa alagepa huta alita fako hutapa afitetapaeʼmo, Gotitegatiʼmo eʼnafi oʼmeʼnafi, hutapa afiyo.

Yuti 1:4

Mago vayaʼmogimo Gotifeʼmo alagepa huʼa mono nosaya vayaʼmo kesi katetiʼmo eʼa lagae folagapiʼmo afole aiʼnae. Apakaemo hapaʼye nehigeʼa kumai kavaʼmo hisayafeʼmo Goti geʼamoʼmo fikumo laha maeno nelamiya kavafeʼmo ava gemo aliʼa afe leʼa alu gemo nehae. Magoke vekamo yagaino neʼapateya Ala kava netimo Yesu Kalaisifeʼmo apakameʼyamo amiʼnae. Akeyaʼvilagamo Gotiʼa ani kavatefeʼmo lekana pai maleʼniyana agoti huʼna apateteʼna kayoʼmo apamiguve, huno hu maleʼniye.

Leveleseni 16:13

Hutegeʼna ageʼnovana mago hosu aune vekamo alopa nagaloʼyavemo avayafatiʼmo emiʼnege mago alu hosu aune vekamo afela afumo avayafatiʼmo emiʼnege mago hosu aune vekamo aigofe aune vekamo avayafatiʼmo emiʼnege huʼnae. Ani loleʼe magoʼe hosu apaune vayaʼmo esokana huʼa maiʼnageʼna apakeʼnove.

Leveleseni 17:6

Ani a kanomoʼmo asole apaote vayaʼmo nefaliya kavaʼmo aepa a kanomo maiʼnenoʼaeʼmo Yesu agiʼalefeʼmo faliʼnaya vayaʼai kolaʼapimo neteno negi nagi huʼnigeʼna ageʼnove. Ageteʼnaeʼmo lusi kava huʼna nahau aiʼnove.

Leveleseni 19:20

Agaemo afela afuʼe aigofe aune vekaʼeʼmo anatafauno kalavusi huno anateʼniye. Aigofe aune vekamoʼmo afela afumo agiʼalefeʼmo aeto agufa noʼagaya aune kavaʼmo huteno afela afumo alagena yaʼamo aliteʼa afela afumo auneʼalefeʼmo mono nehaya vayaʼaifeʼmo hogoteno humi apateʼniye. Lole vekalaʼmo ofaliʼana afaʼa maiʼnaʼagenoʼaeʼmo ata kotuʼmo sofa yafapiʼmo neleya ata kotupiʼmo alino yaga auno anataleʼnigeʼana maiʼnaʼae.

Leveleseni 20:10

Nevoʼmo apayate aliʼniya vekamo yafapiʼmo neleya sofa ata kotupiʼmo alino yaga auno ataleʼniye. Afela afuʼe aigofe aune vekaʼeʼmo maiʼnaʼa kopiʼmo alino yaga auno ataleʼniye. Apakaemo felugaʼe haniʼilagaʼeʼmo alagi apakafu kino hano osuno apakafu kige kige huno maigiye.