Matiyu 7:14 - The Keyagana NT and 25 OT books

¹⁴ Afaʼa maisaya yaʼmo alisaya kate kipaʼmo aise kipaʼmo haneʼnigeno lokiya kaʼmo haneʼnigeʼa magoke magoke vayaʼmogigeʼmo ha ha huʼa kahauya huʼa neʼagae, huno hapa paiʼniye.

Matiyu 7:14 ပူးပေါင်းရင်းမြစ်များ

Samu 16:11

Kagaemo alagepa huʼna maige maige huʼna maisuva kaʼmo alika nave ligane. Kaulagaleʼmo maisaya vayaʼmogimo apaipafiʼmo apamogaga aisaya kavaʼmo havai tegaiye. Lamaga kahaopaleʼmo hapausiya kavaʼmo hanage hanege huno hano osuno hanegaiye.

Mai'naya kavane 8:20

Nagaemo fatago kavaʼmo kateʼmo neʼuve. Nagaemo alagepa huʼna aliʼna fako huʼna ageʼneʼna uʼneʼna nehuve.

Aiyeya 35:8

Ani haopalegamo mago alopa kaʼmo aote kaʼmo hanegaiye. Vayaʼmogimo ani kafeʼmo agi aeʼapaeʼmo, apaote vayaʼmogi kane, huʼa agi aegae. Hosu kavaʼapimo aeʼa kalo opaeʼnaya vayaʼmo ani kateʼmo oʼugayaʼmonanafa alu vayaʼmogimo ani kateʼmo afaʼa ugae. Ani kateʼmo neʼvaya vayaʼmo negi vayaʼmo maiʼnisayana kafeʼmo ika huteʼapaeʼmo ataleʼa alu kateʼmo oʼugae.

Aiyeya 57:14

Ala kava neʼmoʼa ina gemo hunoʼaeʼmo, Mago vekamoʼmo ina gemo hunoʼaeʼmo, Kaʼmo valiyo, kaʼmo valiyo. Kaʼmo valita apateyo. Lapakaemo muki haneʼniya yateʼmo vayaʼnimo apaiyafiʼmo hapaegaiyanagi alita ataleyo, huno hapa paigiye.

Matiyu 20:16

Ani kava huʼa henaga vayaʼmo hogote vayaʼmo maigae. Hogote vayaʼmo henaga vayaʼmo maigae. Gotiʼa asole vayaʼaifeʼmo eyo huno ge huʼniyaʼmonanafa aise vayaʼmo lekana paino apateʼniye, huno hapa paiʼniye.

Matiyu 22:14

Gotiʼa asole vayaʼaifeʼmo eyo huno ge huʼniyaʼmonanafa aise vayaʼmo lekana paino apateʼniye, huno hapa paiʼniye.

Matiyu 7:13

Alino apagoʼya lagauno apatalesiya kate kipaʼmo alopa kipaʼe alopa kaʼeʼmo haneʼnigeʼa muki asole vayaʼmo ani kateʼmo neʼvayaʼmofeʼmo aise kipapiʼmo uta haiyo.

Matiyu 7:15

Aigofe vayaʼmogi gemo alini eʼa aeʼa hakalo huʼa hapa nepaiya vayaʼaifeʼmo ehetapiye. Apakaemo sipisipi agufamo heʼa kalopaeʼa apakufaleʼmo vailiʼneʼa neʼayaʼmofeʼmo afela kalamoʼmo vayaʼmo nehapaeya kalagana huʼa maiʼnae.

Maki 8:34

Agaemo muki vayaʼe geʼamo neʼafiya vayaʼefeʼmo ge huʼnigeʼa eʼnageno hapa painoʼaeʼmo, ina lagimo nakame hugefe huʼnisafi apakaiʼapimo hapauʼniya kavafeʼmo haʼao, huʼa huteʼa ataleʼa malipu yosaʼapimo aliʼa kofiliʼa nakame hiyo.

Luki 12:32

Aise sipisipi anagaʼmogitapamo lapamoʼyamo oʼaiyo. Afotapimoʼmo yagaiʼniya koteʼmo maisayafeʼmo hauʼniyanageno lapamigiye.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Lomu 12:2

Ma mopafi vayakana hutapa oʼmaigenoʼao Gotiʼa saufa lapaipa lapakesaʼe vayaʼmo alino hamaleno lapateno. Lapakaemo ani kavatetiʼmo Gotiʼa hiyo, huno nehiya kavaʼmo amalageka hutapa agegae. Agetetapaeʼmo, alagepa kavaʼmo Gotiʼa hauʼniya kavaʼmogeno uno haino hapaiʼniya kavaʼmo haneʼniye, hutapa agegae.

Lomu 9:32

Na kava huʼnayaʼmofeʼmo oʼaliʼnae. Apakesamo afiʼa fatago hisaya kavatetiʼmo alisayafeʼmo osuʼnafa keʼaepa gegeʼmo akame huʼnaya kavatetiʼmo alisayafeʼmo huʼnayaʼmofeʼmo oʼaliʼnae. Goti mukufi gemoʼa mago yafafeʼmo ava gemo huʼniye. Ani yafapiʼmo apaiyamo faiʼa lo aeteʼa asagauʼa aiʼnae.