Matiyu 6:9 - The Keyagana NT and 25 OT books

⁹ Lapakaemo nunumuʼmo hugefeʼmo ina ge hutapa hiyo, kokuʼnapi Afotimogae, hutapa, kagikamo alagepa huno kaote haneʼniyanageʼa aliʼa asaga hisaya kavaʼmo haneʼniye.

Matiyu 6:9 ပူးပေါင်းရင်းမြစ်များ

2 Sitoli 20:6

ina ge huno nunumuʼmo huʼniye. O Ala kava neʼmo Gotiyo, huno, laginago vayaʼai Ala kava neʼapimogae, huno, kokunapiʼmo maiʼneka muki ma mopafi vayaʼaiteʼmo yagaika noʼapatapiye. Kagaemo lokiyakamo alopa yaʼmo magoʼe huno haneʼniyanageno mago vekamoʼmo kagaeʼeʼmo kamemo huno aeno kaga osesifiye.

Samu 111:9

Agaemo vayaʼalefeʼmo miya faino hatu maeno apateteno kotalakemo hano osisiya kotalakemo apakaeʼeʼmo hu maleʼniye. Aote agiʼamo haneʼnigeno agaefeʼmo koli hisaya kavaʼmo neʼapamiya Gotiʼmo maiʼniye.

Samu 115:3

Gotitimoʼmo kokunapiʼmo maiʼniye. Agaemo muki hisiyafeʼmo hauʼniya kavaʼmo nehiye.

Samu 72:18

Agaiʼageʼmo hapau neʼaiya agufa alagepa kavaʼmo nehiyaʼmofeʼmo Ala kava neʼmo Isaleli vayaʼai Gotiʼapimo aulena Gotiʼae, huʼa agiʼaleʼmo aliʼa asaga huʼa ateyo.

Aiyeya 57:15

Muga anaga vekamo alino asagauno ateʼniya anaga vekamo muki afinaʼmo maige maige huno neʼmaiya vekamo agiʼamo Aote Vekamoʼmo hunoʼaeʼmo, Nagaemo muga anaga aote kotegamo maiʼneʼna hosu kavaʼapieʼmo apaipamo kana huge apakaiʼapimo aliʼa afepi apatege nehaya vayaʼeʼmo magokepi lokaeʼna maiʼnove. Apakaiʼapimo aliʼa afepi neʼapataya vayaʼaina apauneʼapameʼmo aliʼna he tiʼna apatege hosu kavaʼapieʼmo apaipamo kana nehiya vayaʼai apaipamo aliʼna he tiʼna apatege hisuvafeʼmo apakaeʼeʼmo maiʼnove.

Aiyeya 6:3

Mago enisole vekamoʼmo alu enisole vayaʼaifeʼmo hunoʼaeʼmo, Ala kava neʼmoʼa asole vayaʼaiteʼmo yagaino neʼapateya vekamo aote vekamo maiʼniye, aote vekamo maiʼniye, aote vekamo maiʼniye. Ha le konali yaʼamoʼmo muki ma mopafiʼmo aino atagu faeno uneno huno havai teʼniye, huno hapa paiʼnigeʼa alu enisole vayaʼmogi afiteʼa ani gemo huʼa hapa paige huʼnae.

Aiyeya 63:16

Huʼnanaʼmonanafa kagaemo afotimogamo alagi maiʼnane. Emalehamuʼmo hemenimo olageʼnigeno Isaleliʼmo gemo laha nopaiyaʼmonanafa kagaemo O Ala kava neʼmogae, huta, afotimogamo maiʼnane. Alagi akeyaʼvilagamo miya faika hatu maeka nelatana Gotigae, huta kagi neʼaone.

Aiyeya 64:8

O Ala kava nene, huta, Hosu kavaʼmo huʼnonaʼmonanafa hemenimo kagaemo afotimogamo maiʼnane. Lagaemo kalipa mopagana huta maiʼnonagekaeʼmo kalipa mopaletiʼmo samomo alo nehana vekagana huka maiʼnane. Kagaemo kayatetiʼmo mukiʼamo alo huʼnana vayaʼmo maiʼnone.

Aiyeya 66:1

Ala kava neʼmoʼa ina gemo hunoʼaeʼmo, Kokuʼnapiʼmo fai maiʼneʼna yagaiʼna neʼapatova naimuʼyamo haneʼniye. Ma mopafiʼmo naiyamo aeʼna neʼmauva mopamo haneʼniye. Lapakaemo haiya agufa noʼnimo kigae. Haiyaʼalegamo maiʼna haga lesuva yaʼmo hanegaiye.

Hamakaki 2:14

Solovala aniʼmoʼa muki haopalegamo aino ati kaeno haneʼniya kava huʼa Ala kava neʼmo ha le konali yaʼaeʼmo muki haopalegamo maiʼnaya vayaʼmogimo ava gemo afigae.

Malakai 1:11

Yu nofi vayapatiʼmo oʼmaiʼnaya vayaʼmo yegemo haine neʼeya kotega maiʼnaya vayanagi yegemo uno lamino nefaleya kotega maiʼnaya vayanagi muki haopalegamo maiʼnaya vayanagi huʼa ala nagiʼnimo namigae. Nagiʼnilefeʼmo muki haopalegatiʼmo alagepa atu neʼaiya laʼnefamo kaeteʼa kanale ofalinimo afaʼa namigae. Ala kava neʼmo muki vayaʼaiteʼmo yagaiʼna neʼapatova vekamoʼnamo huʼnaeʼmo, Muki ma mopafi nofi vayaʼmogimo ala nagiʼnimo namiteʼa nagiʼnileʼmo afaʼa aliʼa asaga huʼa nategae, huʼna nehuve.

Matiyu 10:29

Ago ageʼnayana lole aise namalaʼmo magoke sagalifa moniletiʼmo miya nefaiyaʼmonanafa afotapimoʼmo afaʼa faligiye huno osisiyana magoke namamo faliteno mopafiʼmo asagauno oʼaigiye.

Matiyu 23:9

Afotapimoʼmo magoke vekamo maiʼnenoʼaeʼmo kokuʼnapiʼmo maiʼniyaʼmofeʼmo ma mopafi vayaʼaifeʼmo, afotimogitapae, huta osiyo.

Matiyu 26:29

Lapa nepauve, huno, halate nofi alagafati aniʼmo oʼneʼna maime maime neʼuʼna Afoʼnimoʼmo yagaino neʼapateya koteʼmo saufa afinaʼmo afole aisigeʼnaeʼmo lapakaeʼeʼmo magokepi lokaeta maiʼneta negaune, huno hapa paiʼniye.

Matiyu 26:42

Halate napa tu afinaʼmo apataleno uno, Afoʼnimogae, huno, mani kapumo afaʼa alika oʼatalesanaʼmoʼmo kanalenagi kahauʼnisiya kavaʼmo akame huvo, huno nunumuʼmo huʼniye.

Matiyu 5:16

Ani kava hutapa vayaʼai apaulagaleʼmo kanitapimo aeta ha legeʼapao alagepa kavatapimo ageteʼapaeʼmo kokuʼnapi afotapimo agiʼaleʼmo aliʼa asaga huʼa ateyo.

Matiyu 5:48

Kokuʼnapi Afotapimoʼmo alagepa kavaʼageʼmo nehiya kava huta alagepa kavaʼageʼmo hutapa maiyo, huno hapa paiʼniye.

Matiyu 6:14

Apakaemo lapakaetegamo hosu kavaʼmo nehaya vayaʼaifeʼmo, kanalenagi afaʼa ateyo, huta hapa paisagenoʼaeʼmo kokuʼnapi Afotapimoʼmo ani agufa gegeʼmo huno lapakae hosu kavafeʼmo afaʼa ateyo, huno lapa paigiyaʼmonanafa

Matiyu 6:6

Nehayaʼmonanafa Afotapimofeʼmo nunumuʼmo hugefeʼmo notapifiʼmo uta haitapa kitamo ki maleʼneta fala kino neʼmaiya vekaekeʼmo nunumuʼmo hiyo. Afotapimoʼmo fala kita nehaya kavatapimo neʼageya vekamoʼa muki vayaʼai apaulagaleʼmo miyatapimo lapamigiye.

Matiyu 7:11

Lapakaemo hosu vayaʼmo maiʼnayaʼmonanafa mafaʼnetapimo alagepa yakeʼmo alita neʼapamiya kava huno kokuʼnapi afotapimoʼmo magoʼe huno aeno lapaka seno maiʼnenoʼaeʼmo ge huʼa afi nekaya vayaʼmo alagepa yaʼmo apamigiye.

Luki 15:18

Ataleʼna he tiʼna afoʼnimotega uʼnaeʼmo, Afo, huʼna, Gotitegamo hosu kavaʼmo huteʼna kagaetegaʼeʼmo hosu kavaʼmo huʼnovanagi

Luki 15:21

Mafaʼneʼamoʼmo hunoʼaeʼmo, Afo, huno, Gotitegamo hosu kavaʼmo huteʼna kagaetegaʼeʼmo hosu kavaʼmo huʼnovanagi nagaefeʼmo, mafaʼneʼniye, huka hisana agufa kavaʼmo huʼna oʼmaiʼnove, huno ha paiʼniyaʼmonanafa

Luki 2:14

Gotiʼa aeno apakaseʼniya vekamo hogote vekamo agiʼaleʼmo alita asaga higetao. Gotiʼa amuse huno neʼapateya vayaʼai apaipamoʼmo falu hino, huʼa huteʼa apataleʼa kokuʼnapiʼmo uʼa haiʼnae.

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Lomu 1:7

Maiʼnayaʼmofeʼmo nagaemo muki Lomu taonifiʼmo maiʼnaya vayaʼmogitapaeʼmo Gotiʼa hau ayamopafiʼmo hauʼnigenoʼaeʼmo lapaote vayaʼamo maisayafeʼmo keya aeno ge huʼniya vayaʼamogitapaeʼmo mani avoʼmo nekaove. Afotimo Gotiʼe Ala kava netimo Yesu Kalaisiʼeʼmo fikumo lapa maeʼana lapamiʼanageno lapaipamoʼmo falu hino.

Lomu 8:15

Aliʼnaya Aunemeʼamoʼmo halate koli hisayafeʼmo lapavaleno kalavusi aliʼyateʼmo olapateʼnifa Goti afamo anagapiʼmo lapavalelino uno haino faleno lapateʼniye. Faleno lateʼnigeta Aunemeʼaʼe himamuʼaletiʼeʼmo hutaeʼmo, Afo, Afotimogae, huta keya neʼaone.

Galesiya 1:1

Nagaemo Poloʼnamo Goti apa vekaʼamo maiʼneʼnaeʼmo mani avoʼmo nekaove. Ma mopafi vayaʼmogi apa aliʼyateʼmo lekana paiʼa oʼnateʼnageno Gotiʼa mago vayaʼaitetiʼmo navaleno oʼnateʼniye. Yesu Kalaisiʼe Afotimoʼmo Yesu Kalaisiʼa faliʼniyatetiʼmo alino he tino ateʼniya Gotiʼeʼmo lekana paiʼana nateteʼana apa aliʼyateʼmo navaleʼana nateʼnaʼae.

Galesiya 4:6

Lapakaemo mafaʼneʼamo maiʼnayaʼmofeʼmo Gotiʼa Mafaʼneʼamo Aunemeʼamo alino ateʼnigeno emineno lapaipafiʼmo uno haino maiʼnigetapaeʼmo, Afo, Afotimogae, hutapa ge nehae.

1 Timoti 6:16

Agaiʼamo ofalino maiʼneno afaʼa neʼmaiya yaʼmo afoʼamoʼmo maiʼneno ha le yategamo maiʼniyanageʼa vayaʼmo alagi oʼvisaya agufa ha le yategamo maiʼniye. Muki vayaʼmogi oʼageʼnayanageʼa afaʼa oʼagegae. Ala agiʼamo amisageno himamuʼaletiʼmo muki afinaʼmo yagaige yagaige huno yagaino maino. He, lama ge.

1 Pita 1:17

Nunumuʼmo nehutapaeʼmo, Afotimogae, hutapa agi neʼaya vekamoʼmo vayaʼai amega apakufalefeʼmo agesamo noʼafifa muki vayaʼaitegamo magoke aiyaya kavakeʼmo huno alagepa huno alino fako huno neʼapateyaʼmofeʼmo ma mopafiʼmo kalaga vayaʼmo maiʼnetapaeʼmo koli hutapa maime maime viyo.

Leveleseni 4:11

Maleteʼapaeʼmo, Ala kava nene, huʼa, Muki yaʼe vayaʼeʼmo alo huʼnane. Kahauʼnigeka alo huteka afaʼa maisaya yaʼmo apamiʼnanageʼa hanege maige huʼnae. Kagaemo ha le konali yakamo alige ala kagikamo alige kayamufakamo alige hisana vekamo maiʼnane, huʼa huʼnae.

Leveleseni 5:12

Apakaemo alopa gefatiʼmo huʼapaeʼmo, amagiʼnageno faliʼniya aikeli sipisipimoʼa alagi alisiya vekamo maiʼniyaʼmofeʼmo himamuʼamo alige muki alagepa kagemi yaʼamo alige afiteno ageʼniya kavaʼamo alige lokiyaʼamo alige ala agiʼamo alige ha le konali yaʼamo alige muki yaʼamo fikumo alige hisiya vekamo maiʼniye, huʼa huʼnae.