Matiyu 6:6 - The Keyagana NT and 25 OT books

⁶ Nehayaʼmonanafa Afotapimofeʼmo nunumuʼmo hugefeʼmo notapifiʼmo uta haitapa kitamo ki maleʼneta fala kino neʼmaiya vekaekeʼmo nunumuʼmo hiyo. Afotapimoʼmo fala kita nehaya kavatapimo neʼageya vekamoʼa muki vayaʼai apaulagaleʼmo miyatapimo lapamigiye.

Matiyu 6:6 ပူးပေါင်းရင်းမြစ်များ

2 Kini 4:33

Ageʼniyaʼmofeʼmo uno haiteno kitamo ki maleʼneno Ala kava nefeʼmo nunumuʼmo huʼniye.

Samu 34:15

Ala kava neʼmoʼa alagepa kavaʼmo nehaya vayaʼaiteʼmo yagaino apateʼneno aukaya huʼa ge nehaya geʼapimo neʼafiye.

Mai'naya kavane 25:22

Mani kavaʼmo hisayana ata hokanufamo hutapa apakenopaleʼmo malesageno apakafu kigiye. Ani kavaʼmo hisayana Ala kava neʼmoʼa alagepa miyatapimo lapamigiye.

Aiyeya 26:20

Gotiʼa agaemo hapa painoʼaeʼmo, Vayaʼnimogitapae, huno, Notapifiʼmo uta haiʼnetapa kitamo ki maleyo. Aise afinaʼmo fala kitapa maime maime neʼvigenoʼao aipamo leno neʼapateya kavaʼamo hano hugiye.

Aiyeya 65:24

Apakaemo nagaefeʼmo hapauʼnisiya yafeʼmo nunumuʼmo huʼa ge huʼa nafi okeʼnaya afinaʼmo hogoteʼna geʼapileʼmo aeʼna atagaina huteʼna apamiguve. Mago afinaʼmo apakaemo nunumuʼmo nehisageʼnaeʼmo afiteʼnaeʼmo apamiguve.

Matiyu 14:23

Hapa paitenoʼaeʼmo nunumuʼmo hisiyafeʼmo agaiʼageʼmo aise avefiʼmo uno haino maiʼniye. Hani hugefeʼmo huʼniya kanaleʼmo agaiʼageʼmo maiʼnigeno

Matiyu 6:18

Vayaʼmogimo huʼapaeʼmo, neʼyaʼmo oʼneʼa mosiʼa maiʼnae, huʼa osisayafeʼmae. Afotapimoʼmo fala kino maiʼniya vekamoʼa lapakaemo fala kita nehaya kavatapimo agetenoʼaeʼmo muki vayaʼai apaulagaleʼmo miyatapimo lapamigiye.

Matiyu 6:4

Afotapimoʼmo fala kita apamisaya kavatapimo agetenoʼaeʼmo muki vayaʼai apaulagaleʼmo miyatapimo lapamigiye.

Yoni 1:48

Natanieloʼa hunoʼaeʼmo, haiya kava huka nageʼnane, huno afi geʼnigeno Yesuʼa hunoʼaeʼmo, nagaemo kageʼnovana Filipiʼa kagaefeʼmo keya aeno ge osuʼniya afinaʼmo fiki yosa aepafiʼmo maiʼnanageʼna kageʼnove, huno ha paiʼnigenoʼaeʼmo,

Yoni 20:17

afoʼnimotegamo uʼna ohaiʼnovaʼmofeʼmo nanu okiyo. Naganaʼnimogifeʼmo uka hapa paikaeʼmo, kokuʼnapi Afoʼnimoʼmo Gotiʼnimotegamo Afotapimoʼmo Gotitapimotegamo uʼna haiguve, huno huʼniye, huka uka hapa paiyo, huno ha paiʼniye.

Apa 10:30

Koniliyasiʼa hunoʼaeʼmo, Ega olagamo neʼyaʼmo oʼneʼna mosiʼna maime maime neʼeʼnaeʼmo yegemo uno lamino nefaleya agufa kanaleʼmo noʼnifiʼmo nunumuʼmo huʼna maiʼnogeno malage huno mago vekamo alave alaveʼage nehiya kukenamo vailiʼniya vekamo naulagaleʼmo afole aitenoʼaeʼmo,

Apa 10:9

Egaʼamo Yopa haopalega kateʼmo neʼagenoʼaeʼmo Pitaʼa felugakukuʼmo nehavaeya noʼmo nokatoʼmuʼmo otu nokatoʼmumo haneʼnigeno nunumuʼmo hisiyafeʼmo uno haiʼniye.

Apa 9:40

Ave liʼnagenoʼaeʼmo Pitaʼa hunoʼaeʼmo, kumatega uta lamiyo, huno hapa paiʼnigeʼa uʼa lamiʼnageno aleʼya faino maiʼneno nunumuʼmo huteno aino afe leno agufaleʼmo ageʼnenoʼaeʼmo, Tamaitao, huno, he tiyo, huno nehigenoʼaeʼmo aulagamo ageno ayakeno Pitaʼmo agetenoʼaeʼmo he tino fai maiʼniye.

Lomu 8:5

Atafa apaipamo akame nehaya vayaʼmogimo atafa apaipamoʼmo hauʼniya kavafeʼmo hapauʼnigeʼa ani kavafekeʼmo apakesamo neʼafiye. Goti Aunemeʼamoʼmo hauʼniya kavaʼmo akame nehaya vayaʼmogimo hauʼniya kavafeʼmo hapauʼnigeʼa ani kavafeʼmo apakesamo neʼafiye.

Efasasi 3:14

Gotiʼa fikumo lapa maeno lapamiʼniyaʼmofeʼmo Ala kava netimo Afoʼamo aulagaleʼmo naleʼyaʼmo faiʼneʼna nunumuʼmo nehuve.