Matiyu 6:5 - The Keyagana NT and 25 OT books

⁵ Aeʼa ati nekaya vayaʼmogimo muki vayaʼmogi apakesayafeʼmo muki mono nopiʼmo he tiʼa maiʼneʼa nunumuʼmo huge u eʼa nehayategaʼeʼmo he tiʼa maiʼneʼa nunumuʼmo huge nehae. Ani kava hutapa nunumuʼmo osiyo. Lama ge huʼnaeʼmo, miyaʼapimo ago aliʼnae.

Matiyu 6:5 ပူးပေါင်းရင်းမြစ်များ

Samu 5:2

Ala kini vekaʼnimo Gotiʼnimogae, huʼna, kagaefekeʼmo nunumuʼmo huguvaʼmofeʼmo keya aeʼna ge hisuva geʼnimo afiyo.

Samu 55:17

Netepinagi alopa yegefinagi haniʼilagaʼenagi huʼna nagaemo nunumuʼmo huʼna alopa gefatiʼmo keya aesugeno afigiye.

Mai'naya kavane 15:8

Hosu vayaʼmogimo ofalinimo aminagenoʼaeʼmo Ala kava neʼmoʼa alagi ohauʼnigeno avenatuʼnaʼmo heno neʼataleyaʼmonanafa fatago vayaʼmogimo nunumuʼmo nehagenoʼaeʼmo hapaoke nehe.

Mai'naya kavane 16:5

Ala kava neʼmoʼa aliʼa apakiʼapileʼmo aliʼa asaga neʼapataya vayaʼaifeʼmo alagi ohauʼnigeno avenatuʼnaʼmo heno atalegekana huno neʼapatale. Apakaemo kayoʼmo apamisiya afinaʼmo afaʼa faiʼa kasalo opaegae.

Aiyeya 1:15

Lapayaʼmo alita asaga huliʼnetapaeʼmo nunumuʼmo hisageʼnaeʼmo naulagaleʼmo aiʼna ati kaeteʼnaeʼmo olapakegauve. Vayaʼmogi kolaʼapimo lapayateʼmo haneʼniyaʼmofeʼmo asole nunumuʼmo hisageʼnaeʼmo oʼafiguve.

Neniyo 6:10

Mago vayaʼmogi Neniyofeʼmo ha paiʼapaeʼmo, kini vekamoʼmo ani keʼaepa gemo apepaleʼmo agaiʼa agimo ago avoʼmo kaeʼniye, huʼa huʼnageno afitenoʼaeʼmo noʼalegamo uʼniye. Agaemo anagamo aeno hanagi maleʼniya yapilagamo uno haino Yulusalemu taonifiʼmo aulu heno neʼageya yasi kaʼmo haopaleʼmo aleʼyamo faiʼneno hogoteno nehiya agufa kavaʼmo huno ani afinaʼmo loleʼe magoʼe kanaleʼmo nunumuʼmo huʼniye.

Matiyu 21:22

Lapakesamo afita fatago hisayana nunumuʼmo huta afi gesaya yaʼmo afaʼa aligae.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Matiyu 23:5

Apakaemo vayaʼmogi apakesayafeʼmo alu kava alu kavaʼmo nehae. Gotiʼa avoʼmo kae maleʼniya gemo aliʼa kesifiʼmo maleteʼa hapanileʼmo neʼmalaya aise kesimo alopa kesifiʼmo neʼmalae. Kukenaʼapimo atupaʼaleʼmo konali yaʼamo yatala yatala huʼa ae maleʼnae.

Matiyu 23:6

Alopa neʼyaʼmo neʼnayategamo ala apaki vayaʼmo neʼmaiya yateʼmo maisayafekeʼmo nehapaiye. Mono nokopiʼmo anagamo uʼa haiʼa maisayafekeʼmo nehapaiye.

Matiyu 6:1

Ehetapiye, huʼna, Vayaʼmogimo lapakesayafeʼmo apaulagaleʼmo vayaʼmo hapa maesaya agufa kavaʼmo osiyo. Hisagenoʼaeʼmo kokuʼnapi afotapimoʼmo miyatapimo olapamigiye.

Matiyu 6:16

Aeʼa ati nekaya vayaʼmogimo neʼyaʼmo oʼneʼa mosiʼa maiʼneʼapaeʼmo neʼyaʼmo mo nesiya kavaʼapimo aliʼa apave lisayafeʼmo hosu apaugosamo nekaliye. Lama ge lapa nepauve, huʼna, miyaʼapimo ago aliʼnae. Neʼyaʼmo mosita maiʼnetapaeʼmo hosu lapaugosamo okaliyo.

Matiyu 6:2

Aeʼa ati nekaya vayaʼmogimo kagemi yaʼapimo ohaneʼnisiya vayaʼmo apamisayafeʼmo pikuli nehaya vayaʼaifeʼmo hapa paiʼapaeʼmo, hogoteta uta pikulimo hiyo, huʼa hapa nepaiye. Pikulimo huʼnageʼapaeʼmo vayaʼmogi ala apakiʼapimo apamisayafeʼmo mono nopiʼmofi kategamofi huʼa kagemi yaʼapimo ohaneʼniya vayaʼmo neʼapamiye. Ani agufa kavaʼmo osiyo. Lama gemo lapa nepauve, huno, miyaʼapimo ago aliʼnae.

Matiyu 9:38

Ago afu leʼniyaʼmofeʼmo hoyamo afoʼamofeʼmo nunumuʼmo higenoʼao hoyaʼafatiʼmo neʼyaʼmo alisaya vayaʼmo alino apatesigeʼa ugae, huno hapa paiʼniye.

Maki 11:25

Nunumuʼmo hugefeʼmo he tita maiʼnetapaeʼmo hosu lapaipamo kalitapa ateʼnisaya vekamo hosu kavaʼamo alita atalegenoʼao kokuʼnapi Afotapimoʼmo ina kava huno hosu kavatapimo alino ataleno.

Maki 12:38

Alino apaya maletenoʼaeʼmo, keʼaepa gemo aliʼa apaya neʼmalaya vayaʼaifeʼmo ehetapiye. Apakaemo hapauʼnigeʼa yatala kukenamo vaiʼa aliteʼa umenitata nehae. Maketi kumateʼmo maiʼnaya vayaʼmogimo ge apamamaeteʼa amuse huʼa neʼapataya geeʼmo nehapaiye.

Luki 11:43

Falasi vayaʼmogitapae, huʼna, ehetapiye, huʼna, lapakaetegamo kage kage hisaya kavaʼmo afole aigiye. Mono nopiʼmo hogote vayaʼmo faiʼa neʼmaiya siyateʼmo maisayafekeʼmo lapauʼniye. Maketi kumateʼmo ge lapamamaeteʼa aliʼa falu fala huʼa lapatesayafekeʼmo lapauʼniye.

Luki 18:1

Agaemo vayaʼmogimo muki afinaʼmo nunumuʼmo hisaya kavafeʼmo alagaʼmo hapaesigeʼa oʼatalesaya kavafeʼmo ani agufa gemo huno aeno kalafefa gemo huno hapa paiʼniye.

Luki 18:13

Huʼniyaʼmonanafa takesi monimo neʼaliya vekamo afagiʼaleʼmo he tino maiʼneno alino maku huno oʼageʼneno haifiʼyaleʼmo neʼamaginoʼaeʼmo, Gotiyo, huno, alagi hosu vekamo maiʼnovanagi kaipamo lanitani huka nateteka kahau huka nato, huno nunumuʼmo huʼniye.

Luki 20:47

Apakaemo kogu aʼne anagaʼaifeʼmo humi apateteʼa kagemi yaʼapimo kumayaʼmo aliteʼa aigofe gemo huʼa yatala nunumuʼmo nehae, huno hapa paiʼniye.

Luki 6:24

Lapamogaga aigayaʼmonanafa kagemi yatapimo haneʼniya vayane, huʼna, ehetapiye, amuse nehaya yaʼmo ago aliʼnae.

Yoni 16:24

Hogotetapa nagiʼniletiʼmo ge hutapa afi okeʼnae. Afaʼa ge hutapa afi gegenoʼao lapamisigeno lapaipafiʼmo lapamogaga aisaya kavaʼmo havai tegaiye, huno hapa paiʼniye.

Efasasi 6:18

Aliʼnetapaeʼmo muki alu nunumu alu nunumuʼmo huge Gotifeʼmo ge huge nehutapa Goti Aunemeʼaletiʼmo nunumuʼmo hutapa maiyo. Muki afinaʼmo oʼataletapa muki Goti aote vayaʼaeʼmo nunumuʼmo hutapa apateyo.

1 Tesaloniyani 5:17

Muki afinaʼmo oʼataletapa nunumuʼmo hiyo.

Yemisi 4:6

Haʼye nehiyaʼmonanafa Gotiʼa fikumo laha maeno magoʼe huno nelamiye. Ani kavatefeʼmo hunoʼaeʼmo, Gotiʼa ala vayaʼmo maiʼnone, huʼa apakesamo neʼafiya vayaʼaifeʼmo kame huno neʼapateyaʼmonanafa ina agufa vayaʼmo maiʼnone, huʼa apakesamo neʼafiya vayaʼaina fikumo hapa maeno neʼapamiye, huno huʼniye.