Matiyu 6:34 - The Keyagana NT and 25 OT books

³⁴ Lapamigiyaʼmofeʼmo egamo afole aisiya kavafeʼmo lapausoli huteta lapakesa alaʼamo oʼafiyo. Ega afinafeʼmo agaiʼa yafekeʼmo agesamo afigiye. Hemenimo afole neʼaiya hanageke yaʼmo haine.

Matiyu 6:34 ပူးပေါင်းရင်းမြစ်များ

Matiyu 6:11

Hemenimo nesuna neʼyaʼmo lamiyo.

Matiyu 6:25

Inagi ma mopafi maisaya kavafeʼmo hutapaeʼmo, na agufa neʼyaʼmo negaune, hutapa huge na agufa aniʼmo negaune, hutapa huge na agufa kukena yaʼmo lagufaleʼmo vaigune, hutapa huge huteta lapakesa alaʼamo oʼafiyo. Ofalita afaʼa neʼmaiya kavakeʼmo hogote kavaʼmo haneʼnigeno neʼyaʼmo henaga yaʼmo haneʼniye. Lapakufageʼmo hogote yaʼmo haneʼnigeno kukenamo henaga yaʼmo haneʼniye.

Matiyu 6:27

Lapakaepatiʼmo ina laʼmo hausoli huteno agesa alaʼamo afiʼnisiyana afaʼa maisiyafeʼmo aise afinaʼmo magoʼe huno alino yatala huno ategaiye.

Luki 10:41

Matao, Matao, huno, muki kavafeʼmo kagesa alaʼamo afiʼnanageno kaipamoʼmo atete nehiyaʼmonanafa alagepa huka maisana yaʼmo alisana yaʼmo magoke yaʼmo haneʼniye.

Luki 11:3

Muki felugaʼae felugaʼaeʼmo hemenimo nesuna neʼyaʼmo lamiyo.

Luki 12:11

Vayaʼmogimo agoti huʼa lapatesayafeʼmo mono nopiʼmofi yagaiʼa neʼapataya vayaʼaitegamofi kanisole vayaʼaitegamofi huʼa lapavaleliʼa visagetapa he tita maiʼnetapaeʼmo, na agufa gemo hugupi na agufa gemo huta geʼapileʼmo aeta atagaina huta hapa paigupi, hutapa lapakesamo afiteta atete osiyo.

Luki 12:22

Yesuʼa geʼamo neʼafiya vayaʼaifeʼmo hunoʼaeʼmo, ina kavaʼmo huno haneʼniyaʼmofeʼmo lapa paiʼnaeʼmo, afaʼa neʼmaiya kavaʼmo hogote kavaʼmo haneʼnigeno neʼyaʼmo ago aeno aga seʼniye. Lapakufamo hogote yaʼmo haneʼneno kukena yaʼmo ago aeno aga seʼniye. Aeno aga seʼniyaʼmofeʼmo ma mopafi maisaya kavafeʼmo, vae, na agufa neʼyaʼmo negaune, na agufa kukena yaʼmo aligune, huteta lapakesa alaʼamo afiteta lahapausoli osiyo.

Yoni 14:27

Naipamoʼmo falu huʼnigeʼna maiʼnova kava hutapa lapaipamoʼmo falu huʼnisigetapa maisayafeʼmo nelapamuve. Ma mopafi vayaʼmogi neʼapamiya kava huʼna nolapamuve. Lapausoli hutetapa lapaipamoʼmo atete huʼnisigetapa koli osiyo.

Yoni 16:33

Lapakaemo nagaepiʼmo maiʼnetapaeʼmo lapaipamoʼmo falu hisiyafeʼmo mani gemo lapa nepauve. Ma mopafiʼmo maiʼnetapaeʼmo hanageke yaʼmo alitapa maigayaʼmonanafa nagaemo kame huʼna ma mopafi kavaʼmo ago aeʼna agaseʼnovaʼmofeʼmo lapakaemo lokiya vaita maiyo, huno hapa paiʼniye.

Apa 14:22

Goti geʼaletiʼmo muki taoniʼafi taoniʼafiʼmo geʼamo neʼafiya vayaʼmo aliʼana lokiya vaiʼana apateteʼanaeʼmo, Goti geʼaleʼmo atafautapa alagi huʼnetapa lapakesamo afita fatago hume hume utapa maiyo. Lusi hanageke yaʼmo alitetaekeʼmo Gotiʼa neʼyagaiya koteʼmo uta haita maigune, huʼana hapa paiʼnaʼae.

Filipai 4:6

Mago kavafeʼmo lapausoli osuta muki kavatefeʼmo nunumuʼmo hutapa afi neketapaeʼmo hao ke hetapa lapauʼnisiya yafeʼmo Gotifeʼmo ge huta afi gegenoʼao lapaipamo alino falu huno lapategaiye. Haiya kava huno laipamo alino falu huno nelatefi huta oʼageʼnonaʼmonanafa afaʼa alino falu huno lapatesiya kavaʼmoʼa Kalaisi Yesupiʼmo maiʼnayanageno lapaipa lapakesaleʼmo afaʼa yagaino lapategaiye.

1 Pita 5:7

Agaemo lapakaefeʼmo hauʼnigeno alagepa huno yagaino nelapateyaʼmofeʼmo lapakesa alaʼamo neʼafitapa lapausoli hisaya kavatapimo alita Gotiʼmo amiyo.