Matiyu 6:23 - The Keyagana NT and 25 OT books

²³ Lapaulagamoʼmo hosu kavaʼmo huno neʼagesiyana lapakupiʼmo hani huʼnisigeno hani yaʼmo havaiteno hanegaiye. Lapakupiʼmo aeno ha nolesiyana lusi kava huno hani huʼniya yaʼmo lapakupiʼmo nehane.

Matiyu 6:23 ပူးပေါင်းရင်းမြစ်များ

Mai'naya kavane 26:12

Negi vekamoʼmo alagepa kavaʼmo hisiyafeʼmo mago vekamo agaiʼa aulagaleʼmo afiteʼna ageʼnova vekamo maiʼnove, huno nehiya vekamo aeno aga seʼniye.

Matiyu 20:15

Nagaiʼni yaʼmogeʼna apamisuva himamuʼnimo ohaneʼnifiye. Vaya nekauva vekamo maiʼnovaʼmofeʼmo kahaʼye nehifiye, huno ha paiʼniye.

Matiyu 6:22

Lapaulagamo lapakupi lamugana huno haneʼniye. Lapaulagamoʼmo ageno alagepa huno neʼagesiyana lapakupiʼmo aeno ha lesigeno ha le yaʼmo havaiteno hanegaiye.

Maki 7:22

kumaya alisaya kavaʼmo afole aige hapaʼye hisaya kavaʼmo afole aige muki agufa hosu kavaʼmo afole aige aigofe kavaʼmo afole aige ge oʼafiʼa kumai kavaʼmo nehaya kavaʼmo afole aige apaketeʼa apaipa kafamo nehapaya kavaʼmo afole aige huʼa faipa huʼa neʼapataya gemo afole aige himuʼnamu nehaya kavaʼmo afole aige negi nagi kavaʼmo afole aige nehiye.

Luki 11:34

Lapaulagamoʼmo aeno ha nelegenoʼaeʼmo lapaipafiʼmo lamugana huno aeno ha nele. Lapaulagamo alagepa huno hanesiyana muki lapaipafiʼmo aeno ha nele. Lapaulagamo alagepa huno nohanesiyana muki lapaipafiʼmo haniʼmo nehiye.

Luki 8:10

Yesuʼa hunoʼaeʼmo, lapakaemo Gotiʼa yagaino neʼapateya kavaʼmo alino fala ki maleʼneno ago alino afole aino ateʼniya geeʼmo aeʼna kalafefa gemo huʼnova gemo aepaʼamo lapakaemo afaʼa afigayaʼmonanafa mago vayaʼmogimo alagi oʼafigae. Apakaemo agegayaʼmonanafa ageʼa aeto osuge afigayaʼmonanafa afiʼa aeto osuge hisayafeʼmo ani aeʼna kalafefa gemo huʼna hapa nepauve.

Lomu 1:22

Apakaemo, afiteta ageʼnona vayaʼmo maiʼnone, huʼa nehuʼapaeʼmo negi vayaʼmo hamaleʼnae.

1 Kolitiyani 2:14

Goti Aunemeʼamo oʼaliʼnisaya vayaʼmogimo Goti Aunemeʼamoʼmo alino neʼapamiya geʼaeʼmo ohapauʼnigeʼa noʼaliye. Apakaemo huʼapaeʼmo, negi nagi gemae, huʼa apakesamo neʼafiye. Aunemeʼaletikeʼmo afiʼa aeto hisaya agufa gemo haneʼniyaʼmofeʼmo afaʼa afiʼa aeto osugae.

Efasasi 5:8

Hogotetapa hanipiʼmo maiʼnayaʼmonanafa hemenimo Ala kava nepiʼmo maiʼnetapaeʼmo ha le yakana hutapa maiʼnayaʼmofeʼmo ha le mafaʼneʼamogimo hisaya agufa kavaʼmo hiyo.

1 Yoni 2:11

Ohaneʼniyaʼmonanafa konagaʼaeʼmo aini huʼnisiyana hanipiʼmo maiʼneno hanipiʼmo umenitata nehunoʼaeʼmo, haiya kateʼmo neʼufi, huno noʼage. Hani yaʼmoʼa aulagafiʼmo aino ati kaeʼniyaʼmofeʼmo kaʼmo oʼageʼniye.