Matiyu 6:2 - The Keyagana NT and 25 OT books

² Aeʼa ati nekaya vayaʼmogimo kagemi yaʼapimo ohaneʼnisiya vayaʼmo apamisayafeʼmo pikuli nehaya vayaʼaifeʼmo hapa paiʼapaeʼmo, hogoteta uta pikulimo hiyo, huʼa hapa nepaiye. Pikulimo huʼnageʼapaeʼmo vayaʼmogi ala apakiʼapimo apamisayafeʼmo mono nopiʼmofi kategamofi huʼa kagemi yaʼapimo ohaneʼniya vayaʼmo neʼapamiye. Ani agufa kavaʼmo osiyo. Lama gemo lapa nepauve, huno, miyaʼapimo ago aliʼnae.

Matiyu 6:2 ပူးပေါင်းရင်းမြစ်များ

Samu 112:9

Ani fatago vekamoʼmo kagemi yaʼamo alino fako huno kagemi yaʼapimo ohaneʼniya vayaʼaina apamiʼniye. Fatago kavaʼamoʼmo muki afinaʼmo hanege hanege huno hanegaiye. Lokiyaʼamo hanesigeʼapaeʼmo ala agimo amigae.

Samu 37:21

Hosu vayaʼmogimo fiku aliteʼapaeʼmo anonaʼapilefeʼmo noʼapamiyaʼmonanafa fatago vayaʼmogimo hapau huʼa apateteʼa fiku neʼapamiye.

Mai'naya kavane 19:17

Kagemi yaʼapimo ohaneʼniya vayaʼaifeʼmo hau huno apateteno fikumo neʼapamiya vekamoʼmo Ala kava nekeʼmo neʼamiyaʼmofeʼmo anonaʼalefeʼmo amigiye.

Mai'naya kavane 20:6

Asole vayaʼmogimo huʼapaeʼmo, lagaemo alagepa vayaʼmo maiʼnone, huʼa hugayaʼmonanafa ina laʼmo lama gemo nehiya vekamo kahauya huno agegaiye.

Aiyeya 58:7

Lapakaemo apaka tesiya vayaʼmo neʼyaʼmo apamige kagemi yaʼapimo ohaneʼnisiya vayaʼmo havaesaya noʼmo ohaneʼnisiyaʼmoʼmo apavaleliteta notapifiʼmo apatege kukena yaʼapimo ohaneʼnisiya vayaʼmo kukena yaʼmo apamige lapakaemo magoke kolaʼmogimo kana yaʼmo alisaya afinaʼmo lapakameʼyamo oʼapamita hapa maege hisaya kavafeʼmo nahauʼniye. Hosu kavanagetapa konagatapimogi olapakesayafeʼmo fala kita neʼmaiye.

Matiyu 15:7

Aeta ati nekaya vayanagi afiyo, Aiyeyaʼa Gotitegati gemo alinineno aeno hakalo huno hapa paiʼniya gemoʼmo lapakaefekeʼmo alagi lama gemo haneʼniye.

Matiyu 16:3

Yegemo haine neʼegenoʼaeʼmo kokuʼnategamo alino haniʼagekeʼmo nehigenoʼaeʼmo haesa koʼmo aligeta agetetapaeʼmo, hemenimo ko aigiye, hutapa nehae. Lapakaemo kokuʼnatega afole neʼaiya alagena kavaʼmo alita fako huta neʼagayaʼmonanafa hemenimo afole neʼaiya alagena kavaʼmo alita fako hutetapa afole aisiya kavaʼmo afaʼa noʼagae.

Matiyu 22:18

Yesuʼa hosu apaipa apakesa afiʼnaya kavaʼapimo ago apaketenoʼaeʼmo, aeta ati nekaya vayaʼmogitapae, huno, na kava higetapaeʼmo aneʼai hanagita natafaugefeʼmo nehae.

Matiyu 23:5

Apakaemo vayaʼmogi apakesayafeʼmo alu kava alu kavaʼmo nehae. Gotiʼa avoʼmo kae maleʼniya gemo aliʼa kesifiʼmo maleteʼa hapanileʼmo neʼmalaya aise kesimo alopa kesifiʼmo neʼmalae. Kukenaʼapimo atupaʼaleʼmo konali yaʼamo yatala yatala huʼa ae maleʼnae.

Matiyu 23:6

Alopa neʼyaʼmo neʼnayategamo ala apaki vayaʼmo neʼmaiya yateʼmo maisayafekeʼmo nehapaiye. Mono nokopiʼmo anagamo uʼa haiʼa maisayafekeʼmo nehapaiye.

Matiyu 24:51

Enoʼaeʼmo naipeletiʼmo folagapatiʼmo heno apalo atiteno aeʼa ati nekaya vayaʼmo maiʼnayategamo alino atesigeno uno aviʼya huge avepiʼmo hanino agafu kige huno maigiye.

Matiyu 5:18

Lama ge lapa nepauve, huno, Keʼaepa gemoʼa aise yaʼatomo alagena yaʼmo magoke yaʼatomo alagi hano osuno afaʼa haneme haneme neʼvisigeno kokuʼnaʼe mopaʼeʼmo hano hugiye. Hogoteno muki keʼaepa geʼamo afole aite afole aite huno afole aino hano hugiye.

Matiyu 6:16

Aeʼa ati nekaya vayaʼmogimo neʼyaʼmo oʼneʼa mosiʼa maiʼneʼapaeʼmo neʼyaʼmo mo nesiya kavaʼapimo aliʼa apave lisayafeʼmo hosu apaugosamo nekaliye. Lama ge lapa nepauve, huʼna, miyaʼapimo ago aliʼnae. Neʼyaʼmo mosita maiʼnetapaeʼmo hosu lapaugosamo okaliyo.

Matiyu 6:3

Ani kavaʼmo nehayaʼmonanafa kagemi yaʼapimo ohaneʼnisiya vayaʼmo apamigefeʼmo hisagenoʼaeʼmo hoga lapayaʼmoʼa lamaga lapayaʼmoʼmo hisiya kavaʼmo oʼageno.

Matiyu 6:5

Aeʼa ati nekaya vayaʼmogimo muki vayaʼmogi apakesayafeʼmo muki mono nopiʼmo he tiʼa maiʼneʼa nunumuʼmo huge u eʼa nehayategaʼeʼmo he tiʼa maiʼneʼa nunumuʼmo huge nehae. Ani kava hutapa nunumuʼmo osiyo. Lama ge huʼnaeʼmo, miyaʼapimo ago aliʼnae.

Matiyu 7:5

Aeta ati nekaya vayane, huʼna, alagepa hutapa agetetapa konagatapimo aulagafatiʼmo afayaʼmo alita atalesayafeʼmo hogoteta lapaulagafatiʼmo latapa yakefamo alita akaitapa ataleyo.

Maki 12:39

Hapauʼnigeʼa alu mono nopi alu mono nopiʼmo uʼa haiʼa anaga maige yagita nehayategamo ala apaki vayaʼmo neʼmaiya siyateʼmo uʼa haiʼa maige nehae.

Maki 7:6

Huʼa afi geʼnagenoʼaeʼmo, Aiyeyaʼa lapakaefeʼmo lama gemo Gotitegatiʼmo aliʼniye. Lapakaemo aeta ati nekaya vayane. Aiyeyaʼa hunoʼaeʼmo, Ani vayaʼmogi apavayaʼaletikeʼmo nagiʼnileʼmo aliʼa asaga huʼa neʼnatayaʼmonanafa apaipaʼamoʼmo afagite haneʼniye.

Luki 11:41

Lapakaemo agotofulega sese nehayaʼmonanafa aguʼafilaga haneʼniya yaʼaʼeʼmo alita kagemi yaʼapimo ohaneʼniya vayaʼmo apamigeno lapakaetefeʼmo muki yaʼmo alagepa huno haneno.

Luki 11:43

Falasi vayaʼmogitapae, huʼna, ehetapiye, huʼna, lapakaetegamo kage kage hisaya kavaʼmo afole aigiye. Mono nopiʼmo hogote vayaʼmo faiʼa neʼmaiya siyateʼmo maisayafekeʼmo lapauʼniye. Maketi kumateʼmo ge lapamamaeteʼa aliʼa falu fala huʼa lapatesayafekeʼmo lapauʼniye.

Luki 12:33

Kagemiyatapimo alita maketi higeʼa miya faitesagetapa alisaya monimo alita fako huta kagemi yaʼapimo ohaneʼnisiya vayaʼmo apamiyo. Kokuʼnapiʼmo alagepa kagemi yatapimo malegenoʼao hano osuno afaʼa haneno. Kokuʼnapi yatapimo kumayaʼmo oʼalige kafamoʼmo oʼnege hisigeno alagepa huno hanege hanege huno hanesiya yatapimo lapaya mukiki huta aliyo.

Luki 12:56

Aeta ati nekaya vayanagi ma mopale alagena kavaʼmo ago ageʼnayaʼmonanafa na kava higetapaeʼmo hemenimo nehuva alagena kavaʼmo noʼagae.

Luki 13:15

Ala kava neʼmoʼa geʼaleʼmo aeno atagaina huno hapa painoʼaeʼmo, aeta ati nekaya vayane, huno, Sapati afinaʼae afinaʼaeʼmo pulumakatapimofi hositapimofi hutapa noʼapifatiʼmo hatu maeta apateteta aniʼmo nesayafeʼmo apavalelita neʼvae.

Luki 20:46

Keʼaepa gemo avoʼmo kaeʼa aliʼa apaya neʼmalaya vayaʼmogimo hosu kavaʼmo nehayanagi alagepa hutapa yagaiyo. Apakufamo avaleliʼa haisayafeʼmo yatala kukenamo vaiteʼa umenitata nehaya kavafeʼmo hapauʼniye. Maketi kumateʼmo maiʼnaya vayaʼmogi ge apamamaeteʼa amuse huʼa neʼapataya kavafekeʼmo nehapaiye. Muki mono noʼafiʼmo hogote siyateʼmo maige yagita nehayategamo ala apaki vayaʼmo neʼmaiya yateʼmo maige hisayafekeʼmo hapauʼniye.

Luki 6:24

Lapamogaga aigayaʼmonanafa kagemi yatapimo haneʼniya vayane, huʼna, ehetapiye, amuse nehaya yaʼmo ago aliʼnae.

Luki 6:42

Na kava higetapaeʼmo konagatapieʼmo hutapaeʼmo, konagaʼnimogae, kaulagafatiʼmo afayaʼmo aliʼna atalegauve, huta hapa nepaiyaʼmonanafa alopa latapa yosamo lapaulagafiʼmo haneʼniyana noʼagae. Aeta ati nekaya vayane, huʼna, hogotetapa lapaulagafiʼmo haneʼniya alopa latapa yosamo alita ataleʼnetapa konagatapimogi apaulagafiʼmo haneʼniya afayaʼmo alita atalesayafeʼmo ageta alagepa hutapa agegae.

Yoni 13:29

Yutasiʼa moni kuteʼmo neʼyagaiya vekamo maiʼniyaʼmofeʼmo mago geʼamo neʼafiya vayaʼmogi, uka hopa afinaʼmo nesuna neʼyaʼmo miya faiyo, huno huʼnifi, kagemi yaʼapimo ohaneʼnisiya vayaʼaina alika fako huka apamiyo, huno huʼnifi, huʼa apakesa afiʼnae.

Yoni 5:41

Nagaemo ago apaketeʼnaeʼmo, ma mopafi maiʼnaya vayaʼmogimo ala nagiʼnimo namigae, huʼna nagesa noʼafuve.

Yoni 5:44

Vayaʼmogi lapakitapileʼmo aliʼa asaga huʼa lapatesayafeʼmo lapauʼniyaʼmonanafa Gotiʼa lapakitapileʼmo alino magokeʼamokeʼmo asaga huno lapatesiya kavafeʼmo kahauya nosayaʼmofeʼmo haiya kava hutapa nagaefeʼmo lapakesamo afitapa fatago hugae.

Yoni 7:18

Mago vekamoʼmo agaiʼa aipafatiʼmo ge nehisiyana agaiʼa agiʼaleʼmo aliʼa asaga huʼa atesayafeʼmo haʼye huʼnigeno kahauya nehiye. Mago vekamoʼmo alino ateʼnigeno emineʼniya vekamo agiʼaleʼmo aliʼa asaga huʼa atesayafeʼmo hauʼnisiyana lama ge vekamo maiʼnigeno aigofe gemo aipafiʼmo alagi ohaneʼniye.

Apa 10:2

Agaemo mono huno maiʼnigeʼa agaeʼe konaga vayaʼaʼeʼmo Gotifeʼmo koli huteʼa mono huʼa maiʼnae. Agaemo Yu vayaʼmo monimo apamige hapa maege huno maiʼnenoʼaeʼmo muki afinaʼmo Gotifeʼmo nunumuʼmo huno maiʼniye.

Apa 10:31

Koniliyasiyo, huno, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Apa 10:4

Ala kava nene, huno, na agufa yane, huno afi geʼnigenoʼaeʼmo, Nunumuʼmo huge kagemi yaʼapimo ohaneʼniya vayaʼmo hapa maeka apamige nehana kavakamo Goti aulagaleʼmo afole aiteno agesaleʼmo haneʼniye.

Apa 11:29

Geʼamo neʼafiya vayaʼmogimo ani gemo afiteʼapaeʼmo, Yutiya kotega maiʼnaya konagatimogi hapa maeta na magi monimo maleʼnopigeta ani kavaʼmo huta magoke magoke huta apamigune, huʼa huʼnae.

Apa 24:17

Akeyaʼvilaga Yulusalemu taonifatiʼmo ataleʼnuʼna asole kafugamo maiteʼna henagaʼamo mago ofalini monimo aliteʼna vayaʼnimo hapa maesiya ofalini monimo apamisuvafeʼmo aliniʼna atagineʼna Yulusalemu taonifiʼmo eʼnove.

Apa 9:36

Mago a kanomo agiʼamo Tamaitaʼa Yopa taonifiʼmo maiʼneno Goti geʼamo neʼafiya a kanomo maiʼniye. Galiki gefatiʼmo Nokasiʼae huʼa agi aeʼnae. Muki afinaʼmo alagepa kavaʼageʼmo huno kagemi yaʼapimo ohaneʼniya vayaʼmo hapa maeno apamige apamige huno maiʼniya a kanoe.

Lomu 12:8

Alita he titapa apatesageʼapaeʼmo akame hisayafeʼmo lapamiʼnisiyana ani kavaʼmo hutapa Goti geʼamo hapa paitetapa alita he titapa apateyo. Fikumo hapa maeta apamisayafeʼmo lapamiʼnisiyana ani kavaʼmo hutapa alagepa huta lapakesamo afiʼnetapaekeʼmo fikumo hapa maeta apamiyo. Yagaitapa apatesayafeʼmo lapamiʼnisiyana ani kavaʼmo hutapa lapayamukiki hutapa yagaitapa apateyo. Lahapau hutapa apatesayafeʼmo lapamiʼnisiyana lapamogaga aiʼnetapa lapau hutapa apateyo.

1 Kolitiyani 13:3

Nagaemo muki kagemi yaʼnimo kagemi yaʼapimo ohaneʼnisiya vayaʼmo apamiʼna hano hisuvafeʼmo apamite apamite huʼna apamige vayaʼmo hapa maeʼna faliʼna apatesuvafeʼmo atamoʼmo leno nasagalisigeʼna falige huʼnisuvana nahau nayamopafiʼmo oʼnahausiyaʼmoʼmo ani agufa kavaʼaʼnimoʼa naha oʼmaegaiye.

Galesiya 2:10

Ani kavatefeʼmo mago alu gemo osuʼnafa magoke gemo huʼapaeʼmo, lagaepatiʼmo kagemi yaʼapimo ohaneʼnisaya vayaʼaifeʼmo lanake okanitana hapa maeʼao, huʼa laʼaha paiʼnae. Ani kavaʼmo hisuvafeʼmo lusi kava huʼna nayamukiki nehuve.

Efasasi 4:28

Kumaya neʼaliya kavaʼmo ataletapa lapayatetiʼmo aepa faitapa alagepa aliʼyaʼmo aliyo, kagemi yaʼapimo ohanesiya vayaʼaina apamisayafeʼmae.

1 Tesaloniyani 2:6

Lagaemo lapakaemofi muki alu vayaʼmogimofi huʼa lagitileʼmo aliʼa asaga huʼa latesayafeʼmo mago kavaʼmo osuʼnone. Kalaisi apa vayaʼamo maiʼneta lokiyaʼamo aliʼnonaʼmofeʼmo lapakaefeʼmo hutaeʼmo, ani yaʼmo lamiyo, huta huge mani aliʼyaʼmo alitapa lateyo, huta huge hisuna gemo afaʼa haneʼniyaʼmonanafa osuʼnone.

1 Timoti 6:18

Kagemi yaʼapiʼe vayaʼmo asole alagepa kavaʼmo kagemi yaʼapigana huʼa malesayafeʼmo alagepa kavaʼmo nehuʼapaeʼmo fikumo apamige kagemi yaʼapimo fako huʼa apamisayafeʼmo hapauge huʼa maiyo.

Failimoni 1:7

Kagaemo apaote vayaʼai apaipamo alika falu huka apatetekaeʼmo kahau kayamopafiʼmo kahauʼnigekaeʼmo alika lokiya vaika nelatanagetaeʼmo lusi kava huta lamogaga neʼaune.

Himulu 13:16

Amitetapaeʼmo alagepa kavaʼmo huge hapa maetapa apamige hisayafeʼmo lapake okanino. Gotiʼa ani agufa ofalinimo neʼamiya kavafeʼmo lusi kava huno nehaiye.

1 Pita 4:11

Goti geʼamo aeʼa hakalo huʼa hapa nepaiya vayaʼmogi Goti avayafati gemo aliʼnayaʼmofeʼmo lokiya vaiʼa aeʼa hakalo huʼa hapa paigae. Hapa neʼmaeya vayaʼmogi Gotiʼa neʼapamiya lokiyaʼaletiʼmo hapa maegeʼapao vayaʼmogimo Yesu Kalaisitetiʼmo Goti agiʼaleʼmo aliʼa asaga huʼa ategae. Gotiʼa ala agiʼamo hanege yagaino neʼapateya lokiyaʼamo hanege huno muki afinaʼmo alagi hanege hanege huno haneno. He, lama ge.

1 Samiyo 15:30

Inagi Soloʼmo hunoʼaeʼmo, Nagaemo hosu kavaʼmo huʼnovaʼmonanafa kagaemo Isaleli vayatama vayaʼai apaulagaleʼe muki Isaleli vayaʼai apaulagaleʼeʼmo ala nagimo namiyo. Nagaemo Ala kava neʼmo Gotikaeʼmo mono hisuvafeʼmo Giligali taonifilagamoaitaʼa atagi netaʼa uguʼae.